Daniela 5:29 - Jinghpaw Hanson Version Bible

²⁹ Shaloi Belashaza hkang da ai hte maren, shanhte gaw Daniela hpe hkyeng sawm ai hpun palawng jahpun nna, ja hkachyi gali nhtawm, mungdan hta masum ngu na du shi tai sai, nga nna shi a lam mungga shabra dat mu ai.

Jinghpaw Common Language Bible 2009

²⁹ Belshaza gaw Daniela hpe shaba pu nsam rawng ai hkawhkam wa a palawng galu jahpun ya na matu mung, shi a du hta shagrau sha-a ai ja kachyi noi ya na matu mung shi a shangun ma ni hpe dai shaloi jang hkang dat wu ai. Shi gaw Daniela hpe mungdan hta masum ngu na daru magam aya lu ai shara hta tawn da wu ai.

Daniela 5:29 ပူးပေါင်းရင်းမြစ်များ

NINGPAWT NINGHPANG 41:42

shi a lata na dazik lachyawp shaw nna Yawsep a lata hta chyawp ya wu ai: reng ai hpun palawng mung shi hpe jahpun nhtawm, shi a du hta ja saidawng gali ya nna,

ESHTA 10:3

Kaning rai nme law, Yuda masha Mordehkai gaw, hkawhkam Ahasuru a malai rai nga nna, Yuda masha ni hta shi galu kaba nga ai hte, shi a kahpu kanau ni law malaw gaw shi hpe yin la nna, shi gaw, shi a amyu masha ni a ngamu ngamai lam tam let, kashu kasha ni mahkra hpe ngwipyaw ga tsun mu ai.

GA SHAGAWP 1:9

Dai lam hte gaw na a baw hta tsawm htap ai shanghkawng, Na a du hta gali ai hkachyi tai na ra ai.

Daniela 2:48

Dai hta kaga hkawhkam wa gaw Daniela hpe shagrau shatsaw let, kumhpa kaba amyu myu shi hpe jaw nna, Bebelon mungdaw ting ntsa e up shangun ai hte, Babelon mung na hpaji rawng ai ni mahkra a agyi shatai wu ai.

Daniela 5:16

Nang mahtang htai dan lu nna, gumwai ga malan lu ai hpe, na a lam ngai na ni ai: ya, ndai ka da ai ga hpe nang hti lu nna, de a lachyum ngai hpe shapraw dan lu yang, hkyeng sawm ai hpun palawng nang bu hpun nna, ja hkachyi gali let, ndai mungdan hta masum ngu na du tai na rin dai,” ngu nna Daniela hpe tsun wu ai.

Daniela 5:7

Bai hkawhkam wa gaw, “mandan bau ai ni, Hkalde sara ni, gumhpan hpan ai ni hpe shaga mu,” ngu nna shabam dat wu ai: shing rai hkawhkam wa gaw, “Ndai ka da ai lam hte, de a ga lachyum ngai hpe htai dan lu ai wa kadai mung, hkyeng sawm ai hpun palawng bu hpun nna, ja hkachyi gali let ndai mungdan hta masum ngu na du tai na ra ai,” ngu nna Babelon hpaji rawng ai ni hpe tsun wu ai.

Daniela 6:2

hkawhkam wa akyu n yawm hkra, dai munggyi ni gaw jahpan dan na matu, shanhte a ntsa e munggyi kaba masum shi tawn da nna, dai masum hta langai mi gaw Daniela rai nga ai.