Daniela 5:23 - Jinghpaw Hanson Version Bible

²³ sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

Jinghpaw Common Language Bible 2009

²³ Nang gaw sumsing lamu Madu hpe ninghkap nhtawm shi a Nawku Htingnu na la wa ai gawm ni hte wan ni hpe la jashawn nga ndai. Nang mung, na a du magam ni mung, na a madu jan ni hte na a lashi num ni mung dai ni hta sabyi ntsin lu nhtawm, ja, gumhpraw, magri mang, hpri, hpun hte nlung ni hte galaw nna, myi n mu, na n na, hpa hpe mung n chye ai karai ni hpe shakawn kungdawn myit dai. Nang mahtang na a asak sumri sumdam hte nang galaw ai lam magup hpe yu hkang nga ai Karai Kasang hpe shagrau sha-a nga ndai n rai.

Daniela 5:23 ပူးပေါင်းရင်းမြစ်များ

NINGPAWT NINGHPANG 14:19

Shi gaw Abram hpe, “Lamu hte aga Madu, Tsaw Htum ai Wa Karai Kasang gaw Abram hpe shaman ya u ga:

NINGPAWT NINGHPANG 2:7

Shaloi Yehowa Karai Kasang gaw aga hta na ga yun hte shinggyim hkrang shachyaw wu ai rai nna, shi a ladi hta hkrung ai nsoi nsa kawut bang ya wu ai: dai rai nna shinggyim masha gaw hkrung nga ai myit masin rawng ai masha tai wa ai.

2 HKAWHKAM 14:10

Nang gaw Edom amyu masha ni hpe dang kau ai majaw, gaja wa myit kaba nga n hka; nang dai gumrawng nna, na a nta e anga nga u: nang hkum nan hte Yuda mungdan gaw rau htum mat wa hkra, hpa majaw kajam galam amu shapraw nga n ta?” ngu nna htan wu ai.

YOBA 12:10

Shi a lata hta hkrung mahkrung rawng nga nna, nsoi nsa rawng ai shinggyim masha hpe shi jahkrung da nga ai.

YOBA 31:4

Shi gaw, nye a lam chye nga ai, n rai ni? Nye a lagaw hkang yawng hti yu nga ai, n rai ni?

SHAKAWN KUNGDAWN 104:29

Nang myi man kayin mat nna, shanhte myit ru ma ai, Shanhte a nsoi nsa nang dawm la jang, shanhte si wa nna, Tinang a nhpu hta bai nhtang mat wa ma ai.

SHAKAWN KUNGDAWN 115:16

Sumsing lamu gaw, Yehowa a lamu rai nga ai, Ginding aga hpe chyawm gaw, shinggyim masha ni hpe ap ya sai.

SHAKAWN KUNGDAWN 139:3

Ngai hkawm wa ai hte taw nga ai hpe, Nang dinglik yu nga ndai rai nna, Nye a lam shagu hpe chye chyap nga ndai.

SHAKAWN KUNGDAWN 146:4

Shi a nsoi nsa hkyet mat yang, shi ga de bai nhtang mat wa ai rai nna, Dai shani jang, shi maw ai hku yawng hten mat wa ai.

GA SHAGAWP 20:24

Masha sa wa ai lam Yehowa hpajang da nga ai; Dai rai yang masha gaw tinang lam hpe kaning rai chye lu na rai ta?

ESAIA 13:11

Ngai gaw mungkan ga a yubak hpe mung, tara n lang ai ni a shut hpyit ai hpe mung, sagawn yu nna, gumrawng ai ni a gumrawng gumtawng ai hpe shasim kau ai hte, n hkru ai ni a myit kaba ai hpe shagrit kau na we ai.

ESAIA 14:13

Nang mahtang, Sumsing lamu de ngai lung na nngai; Karai Wa a shagan ni a ntsa e, nye a tingnyang ngai shadun na we ai; dingdung maga htum, majoi shingra bum ntsa e ngai dung na nngai;

ESAIA 2:12

Kaning rai nme law, myit kaba nna gumrawng gumtawng re ai ni mahkra a ntsa e mung, rai la dum ai ni nlang hte a ntsa e mung,

ESAIA 33:10

Yehowa chyawm gaw, “Ya ngai rawt na nngai; ya ngai dan pru na nngai; ya ngai shagrau shatsaw hkrum na nngai,” nga ai.

ESAIA 37:19

shanhte a Hpara ni hpe wan hta kabai bang kau mu ai; shanhte chyawm gaw Karai Kasang n rai; masha a lata hte galaw da ai hpun hte nlung sumla hkrai rai ma ai majaw, dai ni hpe jahten shabya kau mu ai.

ESAIA 37:23

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

ESAIA 42:5

Sumsing lamu hpe hpan nna kahpyan da ai wa, ginding aga hte dai hta nga manga hpe nep da ai wa, de a ntsa e nga ai amyu ni hpe asak, dai hta hkawm nga ai ni hpe wenyi jaw ai wa, Karai Kasang Yehowa ning nga ai:

YEREMIA 10:23

Yehowa e, shinggyim masha gaw tinang lam hpe n up nga ai, ngai chye nngai; hkawm wa yang pyi, shi gaw tinang lagaw lahkam hpe hkang lu ai n rai.

YEREMIA 48:26

Moba gaw Yehowa hpe gumrawng gumtawng ai majaw, shi hpe shanang kau mu: shi gaw shi a nhpat hta galu nga nna, shatan nhkan hkrum na ra ai.

YEREMIA 50:28

Babelon mare kaw na hprawng pru nna, anhte a Karai Kasang Yehowa matai dawp ai aten hte, shi a nawku Htingnu a majaw matai htang ai lam, Ziun mare hta gat shana ya ai ni a nsen, madat mu law.

YEREMIA 50:29

Ndan gap ai ni nlang hte hpe, Babelon mare de shaga mu; ndan shachyen ai ni e, mare grup yin wang tawn mu; langai mi muk n lawt u ga; dai mare a arawn alai hte maren tai mu; shi galaw yu ai yawng hte maren, shi hpa galaw mu: kaning rai nme law shi gaw, Israela Chyoi pra ai Wa ngu ai Yehowa hpe gumrawng gumtawng nu hka!

EZEKELA 28:17

Nang tsawm htap ai majaw myit kaba nga ndai; htoi kabrim ai majaw na a hpaji gale mat sai; ngai nang hpe ga du hkra shagrit kau nngai; hkawhkam ni nang hpe mu lu hkra, ngai nang hpe shanhte a man e jahkrat tawn nngai.

EZEKELA 28:2

“Masha kasha e, turu hkawhkam hpe htawn tsun u; ‘Madu Yehowa ning nga ai: Nang gaw myit kaba nna, Ngai Karai Wa rai nga nngai; nammukdara ka-ang e Karai Wa zawn nawn nga timung, Karai wa n rai, masha chyu sha rai nga ndai majaw,

EZEKELA 28:5

kaba htum ai hpaji hte hpaga chye ga ai majaw, na a sutgan hpe nang shalaw nna, dai sutgan majaw, myit kaba nga ndai;

EZEKELA 31:10

Dai re ai majaw Madu Yehowa ning nga ai: Shi gaw shing-yan tsaw ai hte, shi a ndung ni sumwi dep nna, shi myit kaba nga ai majaw,

Daniela 11:12

Dai wunawng wuwa ni bawng rim wa ai hkrum nna, dingda hkawhkam wa a myit masin kabu na ra ai; shi gaw hkying mun ni hpe dang kau timung, dai hta shi a matu akyu n pru nga ai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

Daniela 8:11

Dai hta n-ga, dai nrung gaw, zaw nawng zaw wa ni a madu hpe du hkra, tinang hkum hpe shagrau shatsaw nna, tutnawng nawng ya ai wan nat hkungga hpe shi kaw na dawm la nna, shi a chyoi pra ai shara hpe run kau ya wu ai.

HABAKU 2:4

Yu u, dai wa gaw, myit tsaw myit dap rai nga ai: shi a myit malang nga ai, n rai: dinghpring ai wa chyawm gaw, shi a kamsham ai hte hkrung nga lu na ra ai.

KASA 17:25

shi nan, yawng mayawng hpe hkrung ai asak, nsoi nsa hte arai hkum sumhpa jaw ya ai wa rai nga ai majaw, lama ma ra ai wa zawn masha lata hte daw jau ra ai n rai.

1 KORINHTU 8:4

Dai rai nna, sumla ni hpe nawng ai hkungga sha na lam gaw, sumla gaw ga ntsa e hpa n re ai sha rai nga ai hte, langai sha rai nga ai Karai Kasang hta kaga shaje n nga ai, anhte dum chye ga ai.

1 TIMOHTI 3:6

Gumrawng ai myit rawng nna, nat a jeyang ai hku hta n hkrat wa u ga, sape nnan wa hpe mung, hkum rai.

HEBRE 4:13

Shi a man e n dan n leng ai hpan da ai arai langai mi mung n nga ai; yawng mayawng gaw shi myi a man e dan leng nga ai hte asan brang lang rai nga ai rai nna, anhte shi a man e jahpan dan lu na ga ai.

SHINGRAN 9:20

Rai timung, ndai tsin-yam tsindam hta na lawt lu nna, naw ngam nga ai shinggyim masha ni gaw, ji nat hpe mung, myi n mu, na n na lu ai hte n chye hkawm ai, aja, gumhpraw, magri, nlung hte hpun sumla ni hpe mung, n naw n ku ai nga na hpe, tinang lata a amu bungli hta na myit malai n lu ma ai:

TARA AGYI 16:23

Shaloi Hpilisti du ni gaw, “Anhte a Hpara anhte a hpyen wa Samson hpe anhte a lata de ap ya ma ni ai,” nga nna shanhte a Hpara Dagon hpe hkungga kaba jaw na hte padang poi galaw na matu zuphpawng nga ma ai.

1 SAMUELA 17:26

Dawi mung, Dai Hpilisti wa hpe sat kau nna, Israela amyu hkrum ai kaya shara yeng kau ai wa, hpa lu la na da aw? Dinggrin anga nga ai Karai Kasang a luksuk ni hpe roi lu ai gaw, ndai matu n gadoi ai Hpilisti wa gaw, kadai wa rai ta?” ngu nna shi a makau e tsap nga ai ni hpe san wu ai.

1 SAMUELA 17:36

Shing rai, na a mayam hkanghkyi hpe mung, tsap hpe mung sat kau lu ai: dai matu n gadoi ai Hpilisti wa mung, ahkrung nga ai Karai Kasang a hpyen laba ni hpe jahpoi ai majaw, dai zawn rai na ra ai,” ngu wu ai.