Daniela 5:20 - Jinghpaw Hanson Version Bible

²⁰ Rai timung, gumrawng gumtawng lam hkan galaw hkra, shi myit kaba nna masin ja nga yang, shi gaw hkawhkam tingnyang na gum-yu yu mat ai hkrum nna, shi a hpung shingkang hkoi mat wa sai;

Jinghpaw Common Language Bible 2009

²⁰ Rai ti mung shi mahtang gumrawng gumtawng ai hte du ja nna mazut gumshem nga ai majaw shi a hkawhkam tingnyang kaw na hkrat mat ai hkrum ai hte shi hpe shagrau sha-a ai mung n nga mat nga ai.

Daniela 5:20 ပူးပေါင်းရင်းမြစ်များ

2 HKAWHKAM 17:14

Shanhte mahtang n madat mara nga ai hte, Karai Kasang Yehowa hpe n kam n sham nga ai, tinang a kaji kawa ni hte maren, tinang du shaja nga ma ai.

2 HKAWHKAM LABAU 32:25

Rai timung Hezekia gaw shi hkam la ai chyeju hte maren n htang ya ai sha, myit kaba nga ai majaw, shi a ntsa e mung, Yuda hte Yerusalem ntsa e mung pawt sindawng ai pru nga ai.

2 HKAWHKAM LABAU 36:13

Karai Kasang a amying gang let shi hpe dagam shangun ai hkawhkam Nebuhkadneza hpe mung shi gumlau nna, Israela Karai Kasang Yehowa hpang de myit n kayin u ga, shi a du hpe mung, myit masin hpe mung, shaja da wu ai.

PRU MAT 18:11

Hpara mahkra hte hta Yehowa grau kaba nga ai gaw, ya ngai chye se ai; shanhte myit tsaw gumlawt ai hta dai lam hkrum sha ma ai, nga ai.

PRU MAT 9:17

nang ya mung nye a amyu hpe n dat dat ai, shanhte hta nang naw grau dum nga n ni?

PRU MAT 9:7

Hpara-u gaw masha shangun dat nna, “yu u, Israela masha ni a yamnga langai mi muk n si ai gaw shi chye wu ai; rai timung Hpara-u a masin ja lu ai rai nna, dai amyu hpe n dat dat ai nga nga ai.

GA SHAGAWP 16:18

Gumrawng gumtawng ai gaw, hten byak ai a shawng e, Myit kaba ai gaw, kadawng mat ai a shawng e, rai nga ai.

GA SHAGAWP 16:5

Myit kaba ai ni yawng mayawng hpe, Yehowa matsat nga ai; Shanhte shada matut timung, mara lawt lu na, n rai.

ESAIA 47:1

Babelon shayi hkawnsek e, yu wa nna ga nhpu hta dung u; Hkalde a shayi sha e, tingnyang hta n re ai sha, ga hta dung u: htawm hpang de nang hpe, Nu nu nai nai re ai jan, n ngu na masai.

YEREMIA 13:18

Tinang hkum hpe shagrit nna dung nga mu; nan a arawng sadang janmau gaw, nan a baw na malaw mat sai, ngu nna hkawhkam wa hte kanu hpe tsun nu;

YEREMIA 48:18

Dibon shara e shanu nga ai shayi sha e, na a arawng sadang kaw na yu wa nna, hpang ga a hkrum let dung nga u: Moba hpe jahten shabyak ai wa gaw nang kaw du nna, na a hpyen dap ni hpe run kau na ra ai.

EZEKELA 30:6

“Madu Yehowa ning nga ai: Egutu mung hpe shadaw ai ni mung, kadawng taw na mara ai; shi gumrawng ai daru magam gum-yu yu mat na ra ai: Sewene langchyi gaw nna, mung masha ni gaw, nhtu hte si na mara ai,” nga nna Madu Yehowa tsun ai.

EZEKELA 31:10

Dai re ai majaw Madu Yehowa ning nga ai: Shi gaw shing-yan tsaw ai hte, shi a ndung ni sumwi dep nna, shi myit kaba nga ai majaw,

Daniela 11:36

“Dai hkawhkam wa gaw shi myit ra ai hte maren galaw nna, hpara ni mahkra ntsa e tinang hkum hpe shagrau shatsaw ai hte, hpara ni a Karai Kasang hpe shinggan kau nna, mauhpa ga tsun na ra ai; pawt sindawng hpring ai aten du hkra, shi awng wa na ra ai; kaning rai nme law ndat da ai lam gaw dik wa na ra ai.

Daniela 4:26

Rai timung hpun du hpe ngam da na htet da ai lam gaw, Sumsing Lamu up nga ai hpe nang chye matsing ai hpang, na a mungdan gaw na a lata e grin nga na lam rai nga ai.

Daniela 4:28

Ya dai lam yawng mayawng hkawhkam Nebuhkadneza ntsa e du ra ai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

Daniela 8:8

Dai rai nna dai namla gaw shi hkum hpe grai shagrau shatsaw wu ai; shi n-gun an yang, dai nrung kaba daw mat lu ai: de a malai, sumsing lamu man mali maga de ang wa ai, nja rawng ai nrung mali tu pru wa ai.

LUKA 18:14

Nanhte hpe ngai tsun made ga, kang hta ai wa gaw Hparishe wa hta dinghpring ai grau lu la nna, nta de bai yu wa nu ai: kaning rai nme law, tinang hkum shagrau ai wa kadai mung grit mat ai hkrum na ra ai; tinang hkum shagrit ai wa chyawm gaw, shagrau ai hkrum na ra ai,” ngu mu ai.

HEBRE 3:13

yubak e hkalem hkalau kau ai hte nanhte hta na langai mi muk myit n shaja malit ga, Dai ni, ngu nna, naw tsun lu ai laman hte made hta, shani shagu shada da shadum jahprang nga mu;

1 SAMUELA 6:6

Egutu masha ni hte Hpara-u hkawhkam tinang myit shaja ai zawn, nanhte hpa rai myit shaja nga myit ta? Shi shanhte hpe nau wa shachyum wa jang, shanhte Israela masha ni hpe dat dat mu ai rai nna, shanhte pru wa ma ai, n rai ni?