Daniela 5:18 - Jinghpaw Hanson Version Bible

¹⁸ Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

Jinghpaw Common Language Bible 2009

¹⁸ “Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

Daniela 5:18 ပူးပေါင်းရင်းမြစ်များ

2 HKAWHKAM 25:28

shi hpe ngwipyaw ga tsun dat nna, Babelon mare hta shi hte rau nga ai hkawhkam ni a ntsa e, shi a tingnyang hpe shagrau dat wu ai hte, shi a htawng hpun palawng galai kau ya wu ai.

SHAKAWN KUNGDAWN 47:2

Kaning rai nme law, Yehowa gaw, Tsaw htum ai hte hkrithpa wa rai nga ai: Mungkan ting a hkawhkam kaba mung, shi rai nga ai.

SHAKAWN KUNGDAWN 7:17

Ngai gaw Yehowa a dinghpring ai hte maren chyeju dum na nngai; Tsaw Htum ai Yehowa a amying hpe, ngai mahkawn mangoi na nngai.

SHAKAWN KUNGDAWN 9:2

Na a majaw ngai kabu nna, myit pyaw nga na nngai, Tsaw htum ai Wa e, na a amying hpe ngai mahkawn mangoi na nngai.

SHAKAWN KUNGDAWN 92:8

Yehowa e, nang chyawm gaw, Htani htana, a grau nga ai wa, rai nga ndai.

YEREMIA 27:5

Ngai gaw, nye a n-gun lapyin kaba hte, nye a lahpum shada let, ginding aga hpe mung, de a ntsa e shanu nga ai shinggyim masha hte yamnga mahkra hpe mung, hpan da nna, ngai jaw mayu ai ni kadai hpe mung, jaw nngai.

YEREMIA 27:7

Shi a mungdan htum ai aten du hkra, masha amyu baw ni yawng, shi hpe mung, shi a kasha hpe mung, shi a kashu hpe mung, daw jau nna, shi a mungdan htum yang, amyu baw law law hte hkawhkam kaba ni, shi hpe mayam yam na mara ai.

SHARUNG SHAYAWT 3:35

Masha hkrum ging ai tara hpe, Tsaw htum ai wa a man e sharun kau na mung,

SHARUNG SHAYAWT 3:38

Tsaw Htum ai Wa a n-gup na, mai kaja ai hte dingnye pru ai, n rai ni?

EZEKELA 31:11

maigan amyu ni a n-gun ja ai wa a lata de ngai shi hpe ap kau nna, dai wa gaw teng teng shi hpe shari na ra ai; shi a n hkru ai amu majaw, ngai shi hpe shaden kau nngai.

Daniela 4:17

Kaning rai nme law, Tsaw Htum ai Wa gaw, masha mungdan hpe up ai mung, jaw mayu ai wa hpe jaw ai mung, yu maya ni hpe shagrau shatsaw nna, mungdan ntsa e up shangun ai mung, hkrung mahkrung chye na lu hkra, dai hkang da ai ga gaw sin langa ni kaw na pru nna, htet da ai mungga gaw, chyoi pra ai ni kaw na ga rai nga ai,’ nga nna ja ja jahtau wu ai.

Daniela 4:19

Shaloi Belteshaza mying ai Daniela gaw, chyahkring mi mau mat nna, myit ung ang nga ai. Hkawhkam wa chyawm gaw, “Belteshaza e, yup mang hte de a lachyum majaw, myit hkum ung ang et,” ngu wu ai. Belteshaza mung, “Nye a madu e, yup mang gaw nang hpe n dawng n yawt ai ni, ga lachyum gaw nang hpe hpyen ai ni ntsa e du u ga.

Daniela 4:2

Tsaw htum ai Karai Kasang gaw, ngai hta galaw dan ai lamik kumla hte mauhpa amu hpe madun dan na matu, ngai myit tawng da se ai.

Daniela 4:32

mungdan gaw na a lata na sit mat sai; nang gaw masha kaw na shapraw kau ai hkrum nna, pa ga na ashu ashan ni hte rau shanu nga na ndai: Tsaw Htum ai Wa gaw masha mungdan hpe up nna, jaw mayu ai wa hpe dai jaw kau nga ai, nang chye matsing ai aten du hkra, nang gaw usu zawn tsingdu sha nna, aten sanit na ntsa e lai wa na ra ai,” nga ai.

Daniela 4:34

Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

Daniela 5:21

shinggyim masha shanu ai shara na shi hpe shaden kau nna, shi a myit gaw ashu ashan myit hte maren tai wa ai hte, shi gaw nam lawze ni hte rau nga ai; Tsaw Htum ai Karai Kasang gaw masha mungdan hta up nga nna, de a ntsa e up shangun mayu ai wa kadai hpe mung, up shangun nga ai, shi chye matsing ai aten du hkra, shi gaw usu zawn tsingdu sha nna, shi a hkumhkrang gaw sumsing lamu mari hte madi mat nga ai.

Daniela 6:22

Nye a Karai Kasang gaw, shi a lamu kasa shangun nna, hkanghkyi ni a n-gup pat kau ya ai hte, ngai hkala nba n hkrum nngai: kaning rai nme law, shi a man e ngai san seng nga nngai; na a man e mung, hkawhkam wa e, ngai hpa n shut nngai,” ngu nna hkawhkam wa hpe htan wu ai.

KASA 26:13

Jan pungding madi ai aten e, Hkawhkam wa e, jan hta grau htoi tu ai nhtoi, dai lam e ngai hte nye a manang ni a grup yin, lamu de nna htoi tu pru ai, mu nngai.

KASA 26:19

Dai rai nna, Hkawhkam Agripa e, lamu na shingran dai hpe n madat ai, ngai n nga lu nngai:

KASA 7:48

Rai timung Tsaw Htum ai Wa gaw masha a lata hte sha gap ai nta hta rawng ai n rai; dai lam myihtoi wa htawn tsun ai gaw,

TARA JAHPRANG 32:8

Tsaw Htum ai Wa gaw amyu ni hpe ninghtawn karan na, Shinggyim masha ni hpe hpajang tawn ai shaloi; Israela amyu ni a nambat sawn nna, Mungkan amyu ni a lamu ga jarit tawn da nu ai.