Daniela 5:13 - Jinghpaw Hanson Version Bible

¹³ Dai rai nna Daniela hpe hkawhkam wa man e jashawn wu ai. Hkawhkam wa mung, “Nye wa hkawhkam wa gaw, Yuda mung na woi wa nna, Yuda bawng dung ni a kashu kasha ni hta lawm ai, Daniela, nang rai nga n ni?

Jinghpaw Common Language Bible 2009

¹³ Daniela gaw hkawhkam wa a man de kalang lata jashawn la hkrum ai hte hkawhkam wa gaw shi hpe, “Nang gaw nye wa hkawhkam wa e Yuda mung kaw nna ndai ga de woi wa ai Yuda bawng masha Daniela rai nga a ni?

Daniela 5:13 ပူးပေါင်းရင်းမြစ်များ

EZRA 10:16

Bawng lawt ai kashu kasha ni gaw, dai lam yin la ma ai hte maren, hkinjawng Ezra gaw kaji kawa ni a dap lakung hkan nna, agyi nkau mi hpe lata la mu ai hte, shanhte a amying matsing da nna, san da mu ai. Shanhte gaw dai amu hpe jeyang na matu, shata shi a shawng shani e dung nga ma ai:

EZRA 10:7

Dai rai nna shanhte gaw, “Yuda mung hte Yerusalem mare hproi hkra, Bawng lawt ai kashu kasha ni nlang hte gaw, Yerusalem mare e hpawng nga na matu;

EZRA 4:1

Ya, bawng lawt ai kashu kasha ni gaw, Israela Karai Kasang Yehowa a matu nawku Htingnu gaw da ai hpe, Yuda yan Ben-yamin hpe hpyen ai ni na ma yang,

EZRA 6:16

Dai rai nna, Israela kashu kasha ni, hkinjawng Lewi masha ni hte kaga naw rai nga ai bawng lawt ai kashu kasha ni gaw, kabu gara ai myit hte Karai Kasang a nta hpe dingshawn shang ma ai.

Daniela 1:1

Yuda hkawhkam Yehoiakim hkaw dung ai masum ning e, Babelon hkawhkam Nebuhkadneza gaw, Yerusalem mare hpe lung gasat nna, wang tawn wu ai.

Daniela 1:2

Ya Madu gaw, Yuda hkawhkam Yehoiakim hte, Karai Kasang nta na arai nkau mi hpe, Nebuhkadneza lata hta ap ya kau nna, shi gaw dai arai ni hpe, Shina mung e nga ai, shi a hpara nta de la wa nhtawm, shi a hpara nta sutdek hta bang da wu ai.

Daniela 1:21

Daniela chyawm gaw, Kuru hkawhkam hkaw dung ai shawng shaning du hkra, nga nga ai.

Daniela 1:6

Ya dai shabrang ni hta, Yuda amyu na Daniela, Hanania, Mishaela hte Azaria, lawm ma ai.

Daniela 2:25

Shaloi Ariok gaw Daniela hpe, hkawhkam wa man de alawan jashawn nna, “Yup mang a ga lachyum hkawhkam wa hpe htai dan lu ai, bawng dung ai Yuda kashu kasha ni hta na, masha langai mi hpe, ngai mu se ai,” ngu nna tsun wu ai.

Daniela 2:48

Dai hta kaga hkawhkam wa gaw Daniela hpe shagrau shatsaw let, kumhpa kaba amyu myu shi hpe jaw nna, Bebelon mungdaw ting ntsa e up shangun ai hte, Babelon mung na hpaji rawng ai ni mahkra a agyi shatai wu ai.

Daniela 5:11

chyoi pra ai hpara ni a wenyi rawng ai wa langai mi, na a mungdan hta shanu nga ai: hpara ni a hpaji hte bung ai, myit leng ai, chye chyang ai hte hpaji byeng-ya gaw, na nwa a prat e, dai wa hta rawng nga ai; na nwa hkawhkam Nebuhkadneza mung, gaja wa dai wa hpe lakle sara ni, mandan bau ai ni, Hkalde sara ni hte gumhpan hpan ai ni a ntsa e, up shangun wu ai:

Daniela 5:14

Chyoi pra ai hpara ni a Wenyi nang hta rawng nna, myit leng ai, chye chyang ai hte nyan kaja nang hta hpring nga ai, nga nna kajai ai shi ngai na nngai.

Daniela 5:18

Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

Daniela 5:2

Belashaza gaw tsabyi jahku chyim yu yang, shi a kawa Nebuhkadneza gaw, Yerusalem mare nawku Htingnu na la wa ai aja gawm, gumhpraw gawm ni hta, shi hkum hte shi a du salang ni, numdung num ni hte lashi num ni, lu lu na matu, dai gawm ni hpe jashawn na hkang dat wu ai.

Daniela 6:13

Dai rai nna shanhte gaw, “Hkawhkam wa e, bawng dung ai Yuda kashu kasha ni hta lawm ai, ndai Daniela gaw, nang hpe mung, nang amying dazik shakap ai tara hpe mung, hpa n nawn nna, lani mi hta masum lang lang, akyu hpyi nga ai,” ngu nna hkawhkam wa hpe tsun mu ai.

Daniela 8:1

Ya hkawhkam Belashaza hkaw dung ai masum ning hta e, ngai Daniela gaw shawng na shingran hpe mu ai hpang shingran bai mu nngai.

Daniela 8:27

Ngai Daniela gaw ma mat nna, tawng marang mi machyi nga nngai: dai hpang ngai rawt nna, hkawhkam a amu hpe gun hpai nngai: dai shingran lam ngai mau nga timung, dai hpe kadai n chye na ma ai.

YAWHAN 7:1

Dai hpang Yesu gaw Galile mung hkan e jawt hkawm nga ai: Yuda masha ni shi hpe sat kau na tam ma ai majaw, Yuda mung e n hkawm mayu wu ai.

YAWHAN 7:3

“Nang galaw ai amu a lam ni hpe na a sape ni mung mu lu mu ga, ndai mung na pru nna, Yuda mung de sa wa su: