Daniela 5:12 - Jinghpaw Hanson Version Bible

¹² kaning rai nme law, Belteshaza ngu nna hkawhkam wa shamying ai ndai Daniela hta, nyan kaja, chye chyang ai myit, hpaji byeng-ya hte yup mang chye htai ai, makoi magap lam chye shapraw ai, gumwai ga chye malan ai nyan rawng nga ai. Ya, Daniela hpe shaga u; de a ga lachyum shi shapraw dan na ra ai,” ngu nna tsun wu ai.

Jinghpaw Common Language Bible 2009

¹² Shi gaw laklai ai atsam marai hte hpaji rawng ai wa rai nna, yup mang lachyum htai ya ai lam hta kung kyang ai, gumwai ga ni hpe chye hpyan ai hte makoi magap da ai amu ni hpe lachyum chye shapraw nga ai majaw Belteshaza ngu nna hkawhkam wa shamying ya ai dai Daniela gaw ndai lachyum yawng mayawng nang hpe tsun dan na ra ai,” ngu nna tsun wu ai.

Daniela 5:12 ပူးပေါင်းရင်းမြစ်များ

SHAKAWN KUNGDAWN 16:3

Ga ntsa e nga ai chyoi pra ai ni hte, Hpung lu ai ni hpe hkrai, ngai ra nga nngai;

GA SHAGAWP 12:26

Dinghpring ai wa gaw, htingbu wa hpe lam madun nga ai; Tara n lang ai ni a lam chyawm gaw, shanhte hpe shayit kau ai lam rai nga ai.

GA SHAGAWP 17:27

Chye chyang ai myit rawng ai wa gaw, ga law law n tsun nga ai; Nyan rawng ai wa gaw myit shingdi nga ai.

EZEKELA 28:3

Yu u, nang gaw Daniela hta hpaji grau lu nna, na a man e makoi magap da ai lam n nga a hka!

Daniela 1:17

Ya Karai Kasang gaw dai shabrang mali hpe, laika chye ai hte hpaji byeng-ya amyu myu hta nyan rawng nna, chye chyang ai myit, jaw manu ai: Daniela mung, shingran hte yup mang amyu myu chye htai ai nyan hpring nga ai.

Daniela 1:7

Unuk ni a agyi wa gaw shanhte a amying lai nna, Daniela hpe Belteshaza, Hanania hpe Shadrak, Mishaela hpe Meshak, Azaria hpe Abed-nego, ngu nna shamying mu ai.

Daniela 2:26

Hkawhkam wa mung, “Ngai mu ai yup mang hte de a ga lachyum, ngai hpe htai dan lu n ni?” ngu nna Belteshaza mying ai Daniela hpe san wu ai.

Daniela 4:19

Shaloi Belteshaza mying ai Daniela gaw, chyahkring mi mau mat nna, myit ung ang nga ai. Hkawhkam wa chyawm gaw, “Belteshaza e, yup mang hte de a lachyum majaw, myit hkum ung ang et,” ngu wu ai. Belteshaza mung, “Nye a madu e, yup mang gaw nang hpe n dawng n yawt ai ni, ga lachyum gaw nang hpe hpyen ai ni ntsa e du u ga.

Daniela 4:8

Dai hpang e, nye a hpara amying hkan nna, Belteshaza mying ai hte, chyoi pra ai hpara ni a wenyi hpring ai Daniela gaw, nye a yup mang shi hpe hkai dan let,

Daniela 5:14

Chyoi pra ai hpara ni a Wenyi nang hta rawng nna, myit leng ai, chye chyang ai hte nyan kaja nang hta hpring nga ai, nga nna kajai ai shi ngai na nngai.

Daniela 5:16

Nang mahtang htai dan lu nna, gumwai ga malan lu ai hpe, na a lam ngai na ni ai: ya, ndai ka da ai ga hpe nang hti lu nna, de a lachyum ngai hpe shapraw dan lu yang, hkyeng sawm ai hpun palawng nang bu hpun nna, ja hkachyi gali let, ndai mungdan hta masum ngu na du tai na rin dai,” ngu nna Daniela hpe tsun wu ai.

Daniela 6:3

Ndai Daniela hta nyan kaja rawng ai majaw, shi gaw munggyi kaba ni hte kaga munggyi ni hta ningtawn ningla rai nga nna, shi hpe mungdan ting a ntsa e tawn da na, hkawhkam wa myit ra nga ai.

Daniela 6:4

Shaloi munggyi kaba ni hte kaga munggyi ni gaw, mungdan up ai lam hta Daniela hpe mara shagun na tam ma timung, shi gaw kangka rai nga nna, shut ai hte myit magaw ai lam, shi hta n nga ai majaw, mara shagun shara hpa n mu ma ai.

KOLOSE 1:29

Shing rai byin lu hkra, ngai hta tsam mari shachyen ai wa a bungli galaw ai hku hte maren, ngai mung bungli galaw ai hta shaja nga nngai.