Daniela 5:11 - Jinghpaw Hanson Version Bible

¹¹ chyoi pra ai hpara ni a wenyi rawng ai wa langai mi, na a mungdan hta shanu nga ai: hpara ni a hpaji hte bung ai, myit leng ai, chye chyang ai hte hpaji byeng-ya gaw, na nwa a prat e, dai wa hta rawng nga ai; na nwa hkawhkam Nebuhkadneza mung, gaja wa dai wa hpe lakle sara ni, mandan bau ai ni, Hkalde sara ni hte gumhpan hpan ai ni a ntsa e, up shangun wu ai:

Jinghpaw Common Language Bible 2009

¹¹ Chyoi pra ai karai ni a wenyi rawng ai wa langai mi na a mungdan hta nga nga ai. Na nwa hkawhkam galaw nga yang, ndai masha wa gaw karai ni a hpaji hte bung ai mai kaja ai nyan, machye machyang hpaji hte hpaji byeng-ya madun dan nga ai. Na nwa Hkawhkam Nebuhkadneza chyawm gaw shi hpe gumhpan hpan ai ni, mandan lakle sara ni, hpyi lamum sara ni hte jan shata shagan yu ai sara ni a hpa-awn shatai da nga ai.

Daniela 5:11 ပူးပေါင်းရင်းမြစ်များ

NINGPAWT NINGHPANG 41:38

Dai rai nna Hpara-u gaw, Karai Kasang a wenyi rawng ai ndai wa zawn re ai masha gaw, anhte kanang mu tam na ga ta? Ngu nna shi a agyi salang ni hpe tsun wu ai.

2 SAMUELA 14:17

Dai re ai majaw, “Nye madu hkawhkam wa gaw Karai Kasang a lamu kasa zawn, kaja ai hte n kaja ai chye ginhka nga ai rai nna, nye madu hkawhkam wa a ga hte lawt lu u ga, ngu nna, na a mayam jan ning nga hpyi wam ai rai nga ai: na a Karai Kasang Yehowa mung, nang hte rau anga nga u ga,” ngu wu ai.

EZEKELA 28:3

Yu u, nang gaw Daniela hta hpaji grau lu nna, na a man e makoi magap da ai lam n nga a hka!

EZEKELA 28:4

Na a nyan hpaji hte nang sutgan lu nna, aja gumhpraw hpe na a sutdek hta mahkawng da nu ai;

Daniela 1:4

hkawhkam amyu hta na mung, arawng lu ai ni hta na mung, lata la nhtawm, Hkalde masha ni a laika hte tsun ai ga, shanhte hpe sharin achyin ya na lam, shi hpe hkang da wu ai.

Daniela 2:11

Hkawhkam wa san ai lam gaw, yak la ai lam rai nga ai: shinggyim masha ni hte rau n shanu ai hpara ni hta kaga, hkawhkam wa man e dai lam shapraw lu ai wa, kadai n nga ai,” ngu nna hkawhkam wa hpe htan mu ai.

Daniela 2:22

shi gaw, sung htum ai hte makoi magap da ai lam ni hpe, shapraw dan wu ai; nsin hta rawng marawng hpe shi chye nna, nhtoi gaw shi hte rau shanu nga ai.

Daniela 4:18

Ngai hkawhkam Nebuhkadneza gaw ndai yup mang mu ni ai: ya nang Belteshaze e, de a lachyum htai dan ya e; nye a mungdan hta hpaji rawng ai ni kadai mung, de a lachyum n htai dan lu timung, chyoi pra ai hpara ni a wenyi nang hta rawng nga ai majaw, nang htai dan lu ndai,” ngu nna Daniela hpe hkai dan nngai.

Daniela 4:5

ngai hpe hkrit kahpra shangun ai yup mang, ngai mu nngai: ngai yup ku ntsa e myit sumru yu ai hte, ngai mu ai shingran gaw, ngai hpe myit ru shangun nngai.

Daniela 4:6

Dai re ai majaw dai yup mang a lachyum ngai hpe htai dan na matu, Bebelon hpaji rawng ai ni mahkra hpe nye a man de jashawn na, ngai htet da nngai.

Daniela 5:14

Chyoi pra ai hpara ni a Wenyi nang hta rawng nna, myit leng ai, chye chyang ai hte nyan kaja nang hta hpring nga ai, nga nna kajai ai shi ngai na nngai.

Daniela 5:7

Bai hkawhkam wa gaw, “mandan bau ai ni, Hkalde sara ni, gumhpan hpan ai ni hpe shaga mu,” ngu nna shabam dat wu ai: shing rai hkawhkam wa gaw, “Ndai ka da ai lam hte, de a ga lachyum ngai hpe htai dan lu ai wa kadai mung, hkyeng sawm ai hpun palawng bu hpun nna, ja hkachyi gali let ndai mungdan hta masum ngu na du tai na ra ai,” ngu nna Babelon hpaji rawng ai ni hpe tsun wu ai.

KASA 12:22

Shaloi mung masha ni gaw, “Ndai gaw shinggyim masha nsen n rai, Karai Wa a nsen she rai nga ai,” nga nna jahtau ma ai.

KASA 14:11

Shing rai, Pawlu galaw ai amu hpe shawa masha ni mu jang, shanhte gaw Lukaoni ga hte, “Hpara ni, masha hkumhkrang dagraw nna, anhte hpang de yu hkrat wa mara ai,” nga nna jahtau ma ai.

KASA 16:16

Dai hpang anhte dai akyu hpyi ai shara de sa wa nga yang, gumhpan hpan nna, madu ni hpe sut grai jasu ai nat shung ai mayam numsha langai mi anhte hte hkrum hkrum re ai.

SHINGRAN 3:9

Yu u, Yuda masha ngu ai, rai timung n teng ai sha, masu nga ma ai, Satan a nawku jawng hta na nkau mi hpe ngai ap ya na de ai; yu u, na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsawra nga ai gaw, shanhte chye lu na mara ai.