Daniela 4:31 - Jinghpaw Hanson Version Bible

³¹ Dai ga hkawhkam wa naw tsun nga yang pyi, sumsing lamu de na nsen gaw, “Hkawhkam Nebuhkadneza e, na a lam tsun ai ga dik wa sai:

Jinghpaw Common Language Bible 2009

³¹ Ya shi a n-gup kaw na ga tsun garai n htum yang, “Hkawhkam Nebuhkadneza e, ngai tsun ai ga madat u! Na a hkawhkam daru magam n-gun gaw nang kaw na dawm kau ya nga sai.

Daniela 4:31 ပူးပေါင်းရင်းမြစ်များ

NINGPAWT NINGHPANG 14:18

Shalem a hkawhkam Melhkizedek mung muk hte tsabyi jahku la sa wa ai: dai wa gaw Tsaw Htum ai Karai Kasang a hkinjawng wa rai nga ai.

YOBA 20:23

Shi gaw, shi a kan hpring wa magang yang, Karai Wa a pawt bu kahtet ai gaw shi a ntsa e du nna, shi sha ai shat ntsa e mung, marang zawn htu na ra ai.

SHAKAWN KUNGDAWN 145:13

Na a mungdan gaw htani htana agrin nga ai mungdan rai nga ai rai nna, Nang hkang ai ahkang gaw, prat mi hte prat mi dinggrin anga nga lu ai.

GA SHAGAWP 29:23

gumrawng ai wa gaw, shagrit kau ai hkrum na ra ai; Myit nem ai wa chyawm gaw, arawng sadang lu la na ra ai.

ESAIA 14:27

Kaning rai nme law, Zaw nawng zaw wa up ai Yehowa myit shatawng da ai hpe, kadai hkum lu na rai ta? shi ladawn da ai lata hpe, kadai dawm kau lu na rai ta?

Daniela 12:7

Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

Daniela 4:24

hkawhkam wa e, de a ga lachyum da ndai rai nga ai; Tsaw Htum ai Wa kaw nna, nye madu hkawhkam wa ntsa e jeyang ai ga du nga ai:

Daniela 4:26

Rai timung hpun du hpe ngam da na htet da ai lam gaw, Sumsing Lamu up nga ai hpe nang chye matsing ai hpang, na a mungdan gaw na a lata e grin nga na lam rai nga ai.

Daniela 4:30

“Ndai mare gaw nye a mungdan daju tai nga nna, nye a hpung shingkang dan hkung na matu, nye a hpung shingkang hte ngai de da ai, galu kaba ai Babelon mare rai nga ai, n rai ni?” nga nna tsun ai.

Daniela 4:32

mungdan gaw na a lata na sit mat sai; nang gaw masha kaw na shapraw kau ai hkrum nna, pa ga na ashu ashan ni hte rau shanu nga na ndai: Tsaw Htum ai Wa gaw masha mungdan hpe up nna, jaw mayu ai wa hpe dai jaw kau nga ai, nang chye matsing ai aten du hkra, nang gaw usu zawn tsingdu sha nna, aten sanit na ntsa e lai wa na ra ai,” nga ai.

Daniela 4:34

Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

Daniela 5:20

Rai timung, gumrawng gumtawng lam hkan galaw hkra, shi myit kaba nna masin ja nga yang, shi gaw hkawhkam tingnyang na gum-yu yu mat ai hkrum nna, shi a hpung shingkang hkoi mat wa sai;

Daniela 5:28

Peresa, ngu ai gaw, na a mungdan hpe karan kau nna Medi hte Persi masha ni hpe ap kau nu ai, nga ai, rai nga ai,” ngu nna hkawhkam wa hpe tsun dan wu ai.

Daniela 6:27

shi hkye hkrang la nna mawai la lu ai; sumsing lamu hte ginding aga hta lamik kumla hte mauhpa amu shi galaw nga ai; shi gaw Daniela hpe hkanghkyi ni a n-gup na mawai la lu ai,” ngu nna ka shabra dat wu ai.

MAHTE 3:17

dai hta n-ga, “Ndai wa gaw ngai sharawng awng nga ai, ngai tsawra ai Kasha rai nga li ai,” nga nna lamu de na nsen ngoi pru wa ai.

LUKA 12:20

Shaloi Karai Kasang gaw dai wa hpe, “Masha angawk e, dai na jang na a myit masin hpe dawm la kau ya na ra ai: dai rai nna, nang mahkawng shachyip da ai arai ni gaw, gade a matu tai na ra ta?” ngu wu ai.

YAWHAN 12:28

Wa e, na a mying ningsang hpe sha shagrau u law,” nga nna shan hpe tsun wu ai. Shaloi sumsing lamu de na ga nsen gaw, “Ngai shagrau se ai, bai naw shagrau na we ai,” nga nna, ngoi pru wa ai.

1 HTESALONI 5:3

Shanhte gaw, Ngwipyaw ai hte asan apan rai nga ai, nga nna tsun ma yang gaw, na-um nasin re ai numsha gaw shinggyim machyi hkrum ai zawn, shanhte a ntsa e hten byak wa ai gaw akajawng sha du na ra ai rai nna, shanhte kaning rai mung hprawng wa lu na ma ai n rai.

SHINGRAN 16:7

Bai, dai tawn hkungri na mung, “Rai sa, Chyahtum chyalai n-gun rawng ai Madu Karai Kasang e, na a jeyang ai lam ni gaw tengman ai hte dinghpring nga lit dai law,” nga nna tsun ai, ngai na nngai.

1 SAMUELA 13:14

ya chyawm gaw na a magam grin sa na n rai: Yehowa gaw shi a myit dik ai masha tam nga ai; nang mahtang, Yehowa nang hpe hkang da ai ga matsun n hkan nang ndai majaw, Yehowa gaw dai wa hpe shi a amyu Israela du shatai na, san da nu ai,” ngu wu ai.

1 SAMUELA 15:23

n madat ai myit chyawm gaw, hpyi shung shung sha ai zawn, je hpre ai myit gaw, mandan lakle hte sumla nawku ai zawn, mara kaba nga ai. Nang Yehowa a ga kabai kau ndai majaw, Yehowa mung nang hpe hkawhkam aya hta na jahkrat nna, kabai kau nit dai,” ngu wu ai.