Daniela 4:30 - Jinghpaw Hanson Version Bible

³⁰ “Ndai mare gaw nye a mungdan daju tai nga nna, nye a hpung shingkang dan hkung na matu, nye a hpung shingkang hte ngai de da ai, galu kaba ai Babelon mare rai nga ai, n rai ni?” nga nna tsun ai.

Jinghpaw Common Language Bible 2009

³⁰ shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

Daniela 4:30 ပူးပေါင်းရင်းမြစ်များ

NINGPAWT NINGHPANG 10:10

Shi a mungdan a npawt gaw, Shina mung Babela, Erek, Ahkada, Hkalna ginwang ni rai lu ai.

ESHTA 1:4

Dai shaloi e shi gaw, nhtoi na na ngu ai, nhtoi latsa e matsat shi ya tup, shi a galu kaba ai mungdan a sutgan hpe mung, shi a daru magam kaba htum ai arawng sadang hpe mung, shanhte hpe madun dan mu ai.

SHAKAWN KUNGDAWN 104:1

Nye a myit masin e, Yehowa hpe sha-a nga u; Nye a Karai Kasang Yehowa e, Nang nachying galu kaba rai nga ndai; Arawng hte hpung shingkang nang bu hpun nga ndai.

SHAKAWN KUNGDAWN 49:20

Hpung rawng timung, myit n gu ai wa gaw, Hten mat ai ashu ashan hte bung nga ai.

SHAKAWN KUNGDAWN 73:8

Shanhte roi nna kashun kashe na lam tsun ma ai. Gumrawng gumtawng ga a tsun nga ma ai.

GA SHAGAWP 11:2

Gumrawng gumtawng yang, kaya kahpa pru; Myit shagrit ai ni, hpaji byeng-ya lu.

GA SHAGAWP 16:18

Gumrawng gumtawng ai gaw, hten byak ai a shawng e, Myit kaba ai gaw, kadawng mat ai a shawng e, rai nga ai.

GA SHAGAWP 29:23

gumrawng ai wa gaw, shagrit kau ai hkrum na ra ai; Myit nem ai wa chyawm gaw, arawng sadang lu la na ra ai.

ESAIA 13:19

Shing rai, mungdan ni a baw, Hkalde masha ni a dan hkung ai hpung shingkang ngu ai, Babelon mare gaw, Karai Kasang jahten kau ai Sodom yan Gomora zawn rai na ra ai.

EZEKELA 29:3

‘Madu Yehowa ning nga ai: Nila hka ka-ang e hpum nga nna, Nila hka gaw nye a hka rai nga li ai, ngai nan dai hpe nye a matu hpan da ni ai, nga nna tsun ai, baren kaba ngu ai, Egutu hkawhkam Hpara-u e, ngai nang hpe hkap daw na nngai.

Daniela 4:31

Dai ga hkawhkam wa naw tsun nga yang pyi, sumsing lamu de na nsen gaw, “Hkawhkam Nebuhkadneza e, na a lam tsun ai ga dik wa sai:

HABAKU 1:11

Dai hpang nbung zawn, shi lai mat nna, hkoi mat na ra ai: tinang a n-gun hpe hpara shatai ai wa gaw, mara kap nga ai.

LUKA 14:11

Kaning rai nme law, tinang hkum shagrau ai wa kadai mung, grit mat ai hkrum na ra ai: tinang hkum shagrit ai wa chyawm gaw, shagrau ai hkrum na ra ai,” ngu wu ai.

LUKA 14:9

nan lahkawng hpe shaga ai wa sa nna, ‘Ndai wa hpe shara yen ya u,’ nga nna nang hpe tsun kau yang, nang gaw kaya ai hte nhting htang de htawt lu na ndai.

1 KORINHTU 10:31

Dai re ai majaw, nanhte sha timung, lu timung, hpa galaw timung, nga manga hta Karai Kasang a hpung shingkang tam let, galaw nga mu.

1 PETRU 5:5

Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”

SHINGRAN 14:8

Bai, lahkawng ngu na lamu kasa kaga gaw hkan sa nna, “Masha amyu shagu hpe hpye ai amu ngu ai pawt shabu ai tsabyi jahku lu shangun ai, galu kaba ai Babelon mare gaw, kadawng daw mat sai, kadawng daw mat sai,” nga nna tsun ai.

SHINGRAN 16:19

Dai rai nna, dai galu kaba ai mare gaw masum brang ga mat wa ai; masha amyu ni a mare ni mung kadawng daw mat shajang ma ai; Babelon mare kaba hpe mung Karai Kasang a sindawng kahtet ai pawt bu ngu ai tsabyi jahku a gawm lu shangun na, shi a man e dai mare hpe matsing da nga ai.

SHINGRAN 17:5

shi a lahtan e, Ga ntsa na shawa num ni hte matsat shabat lam ni a Kanu, galu kaba ai Babelon, nga nna sung htum ai hte seng ai amying ka da nga ai.

SHINGRAN 18:10

“Galu kaba ai mare, atsam rawng ai mare, Babelon e, dingnye lu n hka, dingnye lu n hka! ahkying mi hta sha nang hpe dawdan ai lam du sahka gaw!” nga nna shi a majaw hkrap ngu hkrap ngoi ai hte sharung shayawt let tsun na mara ai.

SHINGRAN 18:21

Dai hpang n-gun ja ai lamu kasa langai mi htumrin lung kaba nsan ai nlung kawaw la nna, nammukdara kata de kabai bang kau dat let, “Ndai hkrat shang wa ai zawn, galu kaba ai Babelon mare mung kabai bang kau ai hkrum na ra ai! htawm hpang galoi mung shi hpe bai mu lu na n rai.