Daniela 4:27 - Jinghpaw Hanson Version Bible

²⁷ Dai re ai majaw hkawhkam wa e, nye a ga hkap la u; na a yubak kau da nna dinghpring ai amu galaw u; matsan mayan ni hpe matsan dum let, shut hpyit ai hpe koi kau u: shing rai yang, nang sutgan naw ga lu dam nhten,” ngu wu ai.

Jinghpaw Common Language Bible 2009

²⁷ Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

Daniela 4:27 ပူးပေါင်းရင်းမြစ်များ

NINGPAWT NINGHPANG 11:4

Shing rai shanhte gaw, “Sa marit, ga ntsa ting e anhte n bra mat na hte, kajai gumhkawng ai amying lu la na matu, mare hte lamu dep ai wahpang langchyi anhte galaw ga,” nga nna tsun shajang ma ai.

1 HKAWHKAM 21:29

“Ahab gaw nye a man e kaning rai myit nem nga ai gaw, nang mu da wu ni: shi nye a man e myit nem nga ai majaw, ndai tsin-yam tsindam hpe shi a aprat hta n rai, kasha aprat hta e she, shi a nta ntsa e, ngai shapraw dat na we ai,” ngu wu ai.

SHAKAWN KUNGDAWN 119:46

Hkawhkam ni a man e na a sakse ga hpe, Ngai hkai dan nna, kaya kahpa n hkrum na nngai.

GA SHAGAWP 11:2

Gumrawng gumtawng yang, kaya kahpa pru; Myit shagrit ai ni, hpaji byeng-ya lu.

GA SHAGAWP 16:6

Chyeju hte kangka ai gaw, yubak mara hpe htingrai lu nga ai; Yehowa hpe hkrit kamyin ai myit hte, yubak hpe koi kau lu nga ai.

GA SHAGAWP 28:13

Tinang mara ip da ai wa gaw gan ga lu na, n rai; Mara tawngban nna koi kau ai wa chyawm gaw, n-gaw nwai ai hkam la na ra ai.

ESAIA 10:13

Kaning rai nme law, shi gaw, “Nye a lata a n-gun, nye a hpaji hte, ndai ngai galaw se ai; ngai mahtang nyan rawng nngai; masha amyu ni a lamu ga jarit ngai sit kau nna, shanhte a arung arai hpe ngai kashun la nngai; share ninghkrin wa zawn, tingnyang hta dung ai ni hpe ngai shayu kau nngai.

ESAIA 47:10

Nang gaw na a n hkru ai hta machyu nga ndai: Ngai hpe kadai n mu ai, nga nna nang tsun nit dai; na a hpaji byeng-ya hte na a nyan gaw, na a myit hpe gale kau ya nna, ‘Ngai rai nga nngai, ngai hta kaga kadai n nga ai,’ nga nna na a kraw e nang tsun nit dai.

ESAIA 47:8

Dai re ai majaw pyaw daw kadaw tam nna amu sha dung nga let, “Ngai nan rai nga nngai; ngai hta kaga kadai n nga ai; ngai gaida jan zawn dung nga na n rai; kashu kasha si ai mung hkrum na n rai,” nga nna kraw e tsun ai jan e, ndai ga madat u:

YEREMIA 29:7

Ngai nanhte hpe rim woi wa shangun ai mare a ngwipyaw lam tam nna, de a matu Yehowa hpe akyu hpyi mu: de a ngwipyaw ai hta nanhte mung ngwipyaw nga lu na myit dai:

YEREMIA 38:20

Yeremia chyawm gaw, Shanhte nang hpe ap kau lu na n rai; ngai nang hpe htawn tsun ai Yehowa nsen hpe madat mara u: shing rai, nang lawt lu nna asak hkrung nga lu na ndai.

EZEKELA 18:7

kadai hpe mung n zingri, tang da ai arai, madu hpe bai hkin ya, kashun kashe ai amu n galaw, kawsi hkrum ai wa hpe shat jaw, hpun palawng n lu ai wa hpe shabu shahpun nna;

EZEKELA 29:3

‘Madu Yehowa ning nga ai: Nila hka ka-ang e hpum nga nna, Nila hka gaw nye a hka rai nga li ai, ngai nan dai hpe nye a matu hpan da ni ai, nga nna tsun ai, baren kaba ngu ai, Egutu hkawhkam Hpara-u e, ngai nang hpe hkap daw na nngai.

EZEKELA 29:9

Egutu mung gaw akrin akraw hte katsi katsang shara tai mat nna, ngai Yehowa rai nga ai hpe, shanhte chye lu na mara ai. Shi gaw, Nila hka gaw nye a hka rai li ai, ngai nan dai hpe hpan da ni ai, nga nna tsun ai majaw,

YOELA 2:14

Nanhte a Karai Kasang Yehowa hpe, lusha kumhpa hte dumhpung hkungga, naw nawng ya lu hkra, shi myit malai lu nna, nanhte hpang de nhtang wa let, shaman ai chyeju nanhte hpe n gam jaw na, kadai wa chye lu a ta? nga nna tsun ai.

AMO LAIKA (AMOS) 6:13

nanhte gaw hpa n re ai hta kabu nna, Anhte gaw, tinang n-gun hte nrung shatut lu ga ai, nga nna grang dakat myit dai.

YONA 3:9

Karai Kasang gaw myit malai, myit nem na hte, anhte n hten u ga, shi a pawt bu ai myit n galai na, kadai chye lu a ta?” nga nna ga shabra ma ai.

HABAKU 1:11

Dai hpang nbung zawn, shi lai mat nna, hkoi mat na ra ai: tinang a n-gun hpe hpara shatai ai wa gaw, mara kap nga ai.

ZEHPANI 2:15

Dai mare nan, Ngai gaw nga nga nna, ngai hta shaje kadai n nga ai, nga nna kabu sha rawng ai myit hte sawse lawklek nga let, tinang a kraw lawang e tsun ai mare rai nga ai: ya, shi gaw, katsi katsang hte matse labye ni hpum nga ai shara tai wa sahka! dai hku lai wa ai ni yawng, de a lam, Yi lo, nga nna, tinang a lata ari na mara ai.

MAHTE 3:8

Dai majaw myit malai hte ging dan ai asi si mu!

LUKA 11:41

Rai timung, kata de rawng ai arai hpe alu jaw mu; shaloi, yu mu, nanhte a matu nlang san pra nga na rai malit dai.

KASA 24:25

Pawlu gaw dinghpring ai lam, tinang hkum hkang ai lam hte du magang ra ai tara dara ai lam shapraw dan wu yang, Hpilik kajawng nna, “Ya naw wa su, ngai rau jang me nang hpe shaga na de ai,” ngu wu ai.

KASA 26:20

dai lam hpe nnan e Damasku masha ni kaw nna, Yerusalem hte Yuda mung ting hta mung, maigan amyu ni myit malai lu nna, myit malai hte ging dan ai arawn alai shachyen let, Karai Kasang hpang de kayin wa mu ga, ngu nna maigan amyu ni hta mung, ngai hkaw shana nga nngai.

KASA 8:22

Dai majaw, na n hkru ai lam hpe myit malai lu u; na a kraw hta myit mang kau ai lam hpe, mahkoi raw dat kau ya dam nhten, shi Madu kaw hpyi nem u.

2 KORINHTU 5:11

Dai rai nna, dai Madu a hkrit kang hpa hpe chye ga ai majaw, anhte masha ni hpe madun shadik nga ga ai; Karai Kasang a man e chyawm gaw, anhte dan dan leng leng rai nga ga ai; nanhte a myit masin a man e mung, anhte dan leng nga ga ai, ngai nawn nga nngai.

GALATI 5:13

Kaning rai nme law, hpunau ni e, shanglawt ahkang lu la myit ga, nanhte hpe shaga da manit dai: rai timung, shanglawt ahkang hpe hkum shan a ginshan hkum shatai mu; tsawra ai myit hte shada da yamnga mu.

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

EHPESU 4:28

Lagu ga ai wa gaw, bai hkum lagu u ga; kadawn nga ai ni hpe karan jaw lu hkra, tinang a lata hte mai kaja ai shachyen let, magam bungli galaw nga u ga.

TARA JAHPRANG 24:13

shi gaw tinang a hpun nba hpun let yup pyaw lu nna, nang hpe shaman ya n ga, shi tang tawn ai arai hpe jan garai n du yang teng teng bai ya lu na rai ndai: dai gaw na a Karai Kasang Yehowa a man e dinghpring ai amu rai na ra ai.

TARA JAHPRANG 32:27

Shanhte hpe tsan tsan ga de ngai shabra kau nna, Masha amyu hta na kadai n dum hkra shamyit kau na, myit se ai.

TARA JAHPRANG 8:17

Nye a marai nye a atsam hte ndai sutgan ngai lu nngai, nga nna na a kraw kata e myit kau ai yubak n pru lit ga sadi nga u.

1 PETRU 4:8

Mahkra, hta n-ga, nanhte shada da tsawra ai myit makyit rawng nga mu; kaning rai nme law, tsawra ai myit gaw, yubak mara law law hpe magap da lu ai.