Daniela 4:25 - Jinghpaw Hanson Version Bible

²⁵ Tsaw Htum ai Wa gaw masha mungdan hpe up nga nna, shi jaw mayu ai wa hpe, dai jaw kau nga ai, nang chye matsing ai du hkra, nang gaw masha kaw na shapraw kau ai hkrum nna, na a shanu shara pa ga na ashu ashan ni hte rau rai na ra ai: aten sanit na a ntsa e lai wa hkra, usu hte maren nang tsingdu sha nna, sumsing lamu na mari hte madi mat ai hkrum na rin dai.

Jinghpaw Common Language Bible 2009

²⁵ Nang gaw uhpung kaw na gawt shapraw kau ai hkrum nhtawm, matse labye dusat ni hte rau nga na rai ndai. Nang gaw dumsu zawn sanit ning tup tsingdu tsingman sha nna, na a ntsa e numri hkrat bun, gangbang shara hta yup nga na rai ndai. Dai shaloi nang gaw Tsaw Htum ai Karai Kasang gaw masha mungdan yawng hpe up hkang nna, shi lata la ai masha kadai hpe mung shi jaw ya lu nga ai hpe, nang yin la na rai ndai.

Daniela 4:25 ပူးပေါင်းရင်းမြစ်များ

SHAKAWN KUNGDAWN 103:19

Yehowa gaw lamu ntsa e, shi a tingnyang shadun tawn nna, Shi a mungdan shara shagu hkan e chyam nga ai.

SHAKAWN KUNGDAWN 106:20

Shing rai shanhte gaw tinang a arawng hpe, Tsingdu sha ai usu a sumla hte, galai kau mu ai.

SHAKAWN KUNGDAWN 75:7

Karai Kasang chyu sha tara agyi rai nga ai: Langai mi hpe shi shagrit kau nna, Langai mi hpe shagrau wu ai.

SHAKAWN KUNGDAWN 83:18

Prat dingsa shanhte kaya kahpa hte hkrit gari nna, Myi man sum ai hte hten byak ai hkrum mu ga law.

YEREMIA 27:5

Ngai gaw, nye a n-gun lapyin kaba hte, nye a lahpum shada let, ginding aga hpe mung, de a ntsa e shanu nga ai shinggyim masha hte yamnga mahkra hpe mung, hpan da nna, ngai jaw mayu ai ni kadai hpe mung, jaw nngai.

Daniela 2:21

Shi gaw ahkying aten hte, du hkra ladaw hpe galai nga ai; hkawhkam langai mi hpe shi shayu kau nna, hkawhkam kaga hpe shagrau shatsaw wu ai; hpaji rawng ai ni hpe hpaji, nyan rawng ai ni hpe chye chyang ai chyeju, shi jaw wu ai:

Daniela 2:37

Hkawhkam wa e, nang gaw hkawhkam ni a hkawhkam rai nga ndai: sumsing lamu na Karai Kasang gaw, mungdan hte hpawn, hpung shingkang, daru magam hte hpung shingkang, nang hpe jaw nit dai;

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

Daniela 4:16

shi gaw masha myit mat mat nna, ashu ashan myit rawng nga u ga: shing rai shi a ntsa e aten sanit lai wa u ga.

Daniela 4:17

Kaning rai nme law, Tsaw Htum ai Wa gaw, masha mungdan hpe up ai mung, jaw mayu ai wa hpe jaw ai mung, yu maya ni hpe shagrau shatsaw nna, mungdan ntsa e up shangun ai mung, hkrung mahkrung chye na lu hkra, dai hkang da ai ga gaw sin langa ni kaw na pru nna, htet da ai mungga gaw, chyoi pra ai ni kaw na ga rai nga ai,’ nga nna ja ja jahtau wu ai.

Daniela 4:2

Tsaw htum ai Karai Kasang gaw, ngai hta galaw dan ai lamik kumla hte mauhpa amu hpe madun dan na matu, ngai myit tawng da se ai.