Daniela 4:21 - Jinghpaw Hanson Version Bible

²¹ alap tsawm nna, yawng mayawng sha lu na matu asi law ai, de a npu e ashu ashan ni shanu nga nna ntsa malen u ni lakung lakying ni hta tsip tsip nga ai hpun gaw, nang hkawhkam wa nan rai nga ndai:

Jinghpaw Common Language Bible 2009

²¹ De a hpun lap ni tsawm htap nga ai rai nna, mungkan ga ting na masha ni sha law hkra dai hta asi si nga ai. Matse labye dusat ni gaw de a npu hta hkring sa nga ai hte ntsa malen u ni de a lakung lakying ni hta tsip tsip nga ma ai.

Daniela 4:21 ပူးပေါင်းရင်းမြစ်များ

SHAKAWN KUNGDAWN 104:17

Dai hta e u ni tsip tsip nga ma ai; U kawp ni marau hpun ntsa e shanu nga ma ai.

EZEKELA 17:23

tsaw htum ai Israela bum ntsa e ngai dai hpe hkai da na nngai; dai gaw lakung lakying kying wa nna, asi si ai hte reng htum ai arit hpun tai na ra ai: de a npu e u amyu shagu nga nga nna, de a lakung lakying ni a shingnip hta shanu nga na mara ai.

EZEKELA 31:6

De a lakung lakying ni hta, ntsa malen u ni yawng, tsip tsip ma ai; de a npu e pa ga na ashu ashan ni yawng, hkalung wai ma ai; de a shingnip npu e amyu baw kaba ni yawng, shanu nga ma ai.

Daniela 2:38

shinggyim masha rawng ai, shara shagu bra nga ai pa ga na ashu ashan ni hte, ntsa malen u ni hpe, na a lata hta shi ap ya nna, dai ni mahkra a ntsa e up shangun ndai: nang gaw aja baw rai nga ndai.

Daniela 4:11

Dai hpun gaw kaba wa nna, n-gun ja wa ai hte, de a tsaw de sumsing lamu dep nna, de a gung dam ai gaw, lamu ga ting htum hkra dan hkung nga ai.

Daniela 4:20

Yup mang mu ai hta, kaba wa nna n-gun ja wa ai, sumsing lamu de dep nna lamu ga ting htum hkra dan hkung wa ai;

Daniela 4:22

nang gaw kaba wa nna, n-gun ja wa ndai; nang daru magam dan hkung wa nna, dai gaw sumsing lamu de dep nga ai; nang up ai ahkang aya mung, lamu ga htum hkra dep nga ai.

LUKA 13:19

Dai gaw, masha langai mi shi a sun hta gat dat ai chyinghkrang tum hte bung nga ai: dai tum gaw tu kaba wa ai hte, hpun tai hkra rai nna, ntsa malen u ni de a lakung lakying ni hta dung nga lu ma ai,” ngu wu ai.