Daniela 4:19 - Jinghpaw Hanson Version Bible

¹⁹ Shaloi Belteshaza mying ai Daniela gaw, chyahkring mi mau mat nna, myit ung ang nga ai. Hkawhkam wa chyawm gaw, “Belteshaza e, yup mang hte de a lachyum majaw, myit hkum ung ang et,” ngu wu ai. Belteshaza mung, “Nye a madu e, yup mang gaw nang hpe n dawng n yawt ai ni, ga lachyum gaw nang hpe hpyen ai ni ntsa e du u ga.

Jinghpaw Common Language Bible 2009

¹⁹ Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

Daniela 4:19 ပူးပေါင်းရင်းမြစ်များ

NINGPAWT NINGHPANG 31:35

Rahkela mung shi a kawa hpe, Wa e, na a man e ngai n rawt lu nngai hpe, hkum pawt et; ngai numsha hking lang nga nngai, ngu wu ai. Shing rai Laban gaw hpara sumla ni hpe n mu tam wu ai.

NINGPAWT NINGHPANG 40:12

Shaloi Yawsep gaw, De a ga lachyum gaw: tsabyi ru lakung masum gaw masum ya rai nga lit dai;

1 HKAWHKAM 18:7

Ya Obedia sa wa nga yang, yu u, Elia gaw shi hte hkrum wu ai; shi mung, Elia re ai hpe chye nna, shi a myi man gum dagup let, “Nye a Madu Elia rai nga n hka?” ngu wu yang,

PRU MAT 32:32

rai timung, shanhte a yubak dat kau mayu yang gaw, dat kau ya u; dai n rai yang gaw, nang ka da ai laika hta na nye mying mung arut kau ya e law,” ngu nna hpyi wu ai.

YEREMIA 29:7

Ngai nanhte hpe rim woi wa shangun ai mare a ngwipyaw lam tam nna, de a matu Yehowa hpe akyu hpyi mu: de a ngwipyaw ai hta nanhte mung ngwipyaw nga lu na myit dai:

YEREMIA 4:19

Myit htum nngai law, myit htum nngai law! Nye a kraw lawang machyi nga ai law; nye a myit masin aru ara rai nga ai; ngai atsin sha nga lu ai n rai: nye a wenyi e, nang gaw pahtau dum ai hte hpyen htim garu ai hpe na lu n hka.

Daniela 1:7

Unuk ni a agyi wa gaw shanhte a amying lai nna, Daniela hpe Belteshaza, Hanania hpe Shadrak, Mishaela hpe Meshak, Azaria hpe Abed-nego, ngu nna shamying mu ai.

Daniela 2:26

Hkawhkam wa mung, “Ngai mu ai yup mang hte de a ga lachyum, ngai hpe htai dan lu n ni?” ngu nna Belteshaza mying ai Daniela hpe san wu ai.

Daniela 2:37

Hkawhkam wa e, nang gaw hkawhkam ni a hkawhkam rai nga ndai: sumsing lamu na Karai Kasang gaw, mungdan hte hpawn, hpung shingkang, daru magam hte hpung shingkang, nang hpe jaw nit dai;

Daniela 4:24

hkawhkam wa e, de a ga lachyum da ndai rai nga ai; Tsaw Htum ai Wa kaw nna, nye madu hkawhkam wa ntsa e jeyang ai ga du nga ai:

Daniela 5:12

kaning rai nme law, Belteshaza ngu nna hkawhkam wa shamying ai ndai Daniela hta, nyan kaja, chye chyang ai myit, hpaji byeng-ya hte yup mang chye htai ai, makoi magap lam chye shapraw ai, gumwai ga chye malan ai nyan rawng nga ai. Ya, Daniela hpe shaga u; de a ga lachyum shi shapraw dan na ra ai,” ngu nna tsun wu ai.

Daniela 5:18

Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

Daniela 5:19

shi hpe jaw ai daru magam majaw, masha amyu baw ni hte ga amyu myu tsun ai ni yawng, shi a man e hkrit gari shajang nga ma ai: sat kau mayu ai wa hpe shi sat kau nga ai; jahkrung da mayu ai wa hpe jahkrung da nga ai; shagrau shatsaw mayu ai wa hpe shagrau shatsaw nga ai; shagrit kau mayu ai wa hpe shagrit kau nga ai.

Daniela 7:15

“Ngai Daniela gaw, nye a wenyi nye kraw lawang e kahpra nga nna, ngai mu ai shingran ni majaw, myit ung ang nga nngai.

Daniela 7:28

Da ndai gaw de a ga kanu rai nga ai: ngai Daniela gaw myit grai ung ang nna, myi man sum nga nngai; rai timung ngai gaw ndai lam hpe nye a kraw e matsing da nga nngai.”

Daniela 8:27

Ngai Daniela gaw ma mat nna, tawng marang mi machyi nga nngai: dai hpang ngai rawt nna, hkawhkam a amu hpe gun hpai nngai: dai shingran lam ngai mau nga timung, dai hpe kadai n chye na ma ai.

HABAKU 3:10

Bum ni nang hpe mu nna, hkrit gari nga ma ai; Hka hpungla ni lai mat wa ai; Sung htum ai shara gaw wu kadu let, Tinang a lata hpe ladawn nga ai.

1 SAMUELA 1:15

Hana chyawm gaw, “Nrai madu e; ngai gaw myit kaji ai numsha rai nga nngai; tsabyi n lu nngai, chyaru mung n lu nngai; Yehowa hpang de nye a myit masin nawng jau nngai.

1 SAMUELA 24:8

Dai hpang Dawi mung rawt nna, dai lungpu na pru nhtawm, “Nye a Madu, Hkawhkam wa e,” ngu nna Shawlu a hpang e hkan jahtau wu ai. Shaloi Shawlu kayin mada yu wu yang, Dawi gaw ga e dingnyawm dagup let, nawku nga ai.

1 SAMUELA 26:15

Shaloi Dawi Abna hpe, “Nang share la n rai n ni e? Israela amyu ni hta nang zawn re ai kadai nga a ta e? Dai rai yang, Na madu hkawhkam wa hpe hpa rai n sin n ta e? Na madu hkawhkam wa hpe sat na nga, masha langai mi shang wa sai law.

1 SAMUELA 3:17

Bai Eli gaw, “Nang hpe hpa lam sun a ta? ngai e hkum ip da et; Karai Kasang nang hpe tsun matsun hta na lama ma ip da n yang gaw, shi tsun ai hta n-ga nang hpe di u ga,” ngu wu ai.