Daniela 4:14 - Jinghpaw Hanson Version Bible

¹⁴ ‘Hpun hpe kran kau u; lakung lakying ni hpe krum kau mu; asi alap ni hpe sharun ayai kau mu: ashu ashan ni gaw dai hpun npu na pru wa nna, u ni gaw lakung lakying ni hta na pyen mat wa mu ga.

Jinghpaw Common Language Bible 2009

¹⁴ Shi gaw nsen ja ja hte, ‘Hpun hpe kran kau nna de a lakung lakying ni hpe krum kau u; de a alap ni hpe ashin kau nhtawm asi ni hpe sharun ayai kau u. De a hpun npu hkan nga ai dusat ni hte lakung lakying hkan dung ai ntsa malen u ni hpe shaden kau u.

Daniela 4:14 ပူးပေါင်းရင်းမြစ်များ

YOBA 24:20

Shi a kanu gaw shi hpe malap kau na ra ai; byet ni shi hpe mu mu sha kau na mara ai: htawm hpang de shi hpe kadai dum na, n rai; n shawp ai wa gaw hpun zawn daw kau ai hkrum na ra ai.

YEREMIA 27:5

Ngai gaw, nye a n-gun lapyin kaba hte, nye a lahpum shada let, ginding aga hpe mung, de a ntsa e shanu nga ai shinggyim masha hte yamnga mahkra hpe mung, hpan da nna, ngai jaw mayu ai ni kadai hpe mung, jaw nngai.

YEREMIA 51:6

Babelon mare na hprawng pru mu; langai hte langai tinang asak hpe mawai la mu; mare masha ni a yubak hta, hkum lup mat lawm et; kaning rai nme law, dai gaw Yehowa a matai dawp na aten rai nga ai; shi gaw dai mare hpe matai dawp na ra ai.

YEREMIA 51:9

Anhte gaw Babelon mare hpe shamai mayu timung, shi n mai hkraw ai: shi hpe kau da nna, anhte langai hte langai tinang a buga de nhtang wa ga; shi hkrum ai ari ahpri gaw, sumsing lamu de du nna, sumwi hpe dep nga ai.

EZEKELA 31:10

Dai re ai majaw Madu Yehowa ning nga ai: Shi gaw shing-yan tsaw ai hte, shi a ndung ni sumwi dep nna, shi myit kaba nga ai majaw,

Daniela 2:21

Shi gaw ahkying aten hte, du hkra ladaw hpe galai nga ai; hkawhkam langai mi hpe shi shayu kau nna, hkawhkam kaga hpe shagrau shatsaw wu ai; hpaji rawng ai ni hpe hpaji, nyan rawng ai ni hpe chye chyang ai chyeju, shi jaw wu ai:

Daniela 3:4

Shaloi ga htawn ai wa gaw, “Masha amyu myu hte ga baw kaga ga tsun ai ni e, madat mara mu:

Daniela 4:12

Hpun lap ni tsawm la nga nna, de a asi law la ai hte, yawng mayawng a matu shahpa tai nga ai: pa ga na ashu ashan ni, de a shingnip hta shanu nga nna, ntsa malen u ni lakung lakying ni hta tsip tsip nga ma ai: hkrung mahkrung gaw dai hpun hta na shahpa lu la ma ai.

Daniela 4:23

Sin langa ngu ai chyoi pra ai wa langai mi sumsing lamu de na yu wa nna, shi gaw, ‘Dai hpun hpe kran daw jahten kau u; rai timung, ga hta jung ai aru hte hpawn, pa ga na tsit lali ai tsingdu hta hpri hte magri sumri hte gyit hkang let, hpun du hpe ngam da nna, dai gaw sumsing lamu na mari hte madi mat u ga; aten sanit shi a ntsa e lai wa hkra, shi a kamhtaw pa ga na ashu ashan ni hte rau rai nga u ga,’ nga nna hkawhkam wa mu ai hte maren,

Daniela 4:29

Shata shi lahkawng lai jang, shi gaw Bebelon mare na hkawhkam htingnu hta htinglet hkawm let,

Daniela 5:20

Rai timung, gumrawng gumtawng lam hkan galaw hkra, shi myit kaba nna masin ja nga yang, shi gaw hkawhkam tingnyang na gum-yu yu mat ai hkrum nna, shi a hpung shingkang hkoi mat wa sai;

Daniela 5:21

shinggyim masha shanu ai shara na shi hpe shaden kau nna, shi a myit gaw ashu ashan myit hte maren tai wa ai hte, shi gaw nam lawze ni hte rau nga ai; Tsaw Htum ai Karai Kasang gaw masha mungdan hta up nga nna, de a ntsa e up shangun mayu ai wa kadai hpe mung, up shangun nga ai, shi chye matsing ai aten du hkra, shi gaw usu zawn tsingdu sha nna, shi a hkumhkrang gaw sumsing lamu mari hte madi mat nga ai.

MAHTE 3:10

Ya e pyi dai nwa gaw, hpun pawt nhpang hkan e tawn da nga ai; dai rai nna, asi kaja nsi ai hpun nga manga hpe, kran daw kau nna wan hta kabai bang kau nga ai.

MAHTE 7:19

Ja ai asi n si ai hpun yawng mayawng hte gaw, kran daw kau nna wan hta kabai bang kau ai hkrum ma ai.

LUKA 3:9

Ya e pyi dai nwa gaw hpun pawt nhpang hkan e tawn da nga ai; dai rai nna asi kaja n si ai hpun nga manga hpe kran daw kau nna wan hta kabai bang kau nga ai,” ngu mu ai.

SHINGRAN 10:3

hkanghkyi shabam ai zawn, nsen kaba hte jahtau dat wu ai; shi jahtau dat wu yang, dai mu ngoi ai mahku sanit tinang a nsen shapraw ma ai.

SHINGRAN 18:2

Dai wa gaw, “Galu kaba ai Babelon gaw kadawng daw mat sai, kadawng daw mat sai; dai shara gaw, nat tsasam ni a de nga ai shara, n san n seng ai wenyi shagu a shingwung shara hte n san n seng ai matsat shabat re ai u amyu myu a shingbyi shara, tai mat sai.