Daniela 3:29 - Jinghpaw Hanson Version Bible

²⁹ Dai re ai majaw, masha amyu baw shagu hte, ga amyu kaga ga tsun ai amyu ni hta na langai ngai, Shadrak, Meshak, Abed-nego a Karai Kasang hpe shatan yang, dai ni gaw kahtum gadaw di ai hkrum mu ga; shanhte a nta ni nga hkyi sumpum tai u ga, nga nna ngai hkang da ni ai: kaning rai nme law, dai zawn hkye hkrang la lu ai Karai Kasang shaje n nga ai,” nga nna tsun nhtawm,

Jinghpaw Common Language Bible 2009

²⁹ “Ya chyawm gaw amyu baw shagu, amyu bawsang shagu hte ga amyu myu tsun ai amyu ni hta kadai rai ti mung Shadrak, Meshak hte Abednego ni a Karai Kasang hpe n gawn n sawn di ai rai yang, shi gaw kahtum kadaw di kau ai hkrum nna shi a nta mung run sumpum kau ai hkrum lu na rai nga ai. Ndai zawn hkye mawai la lu ai karai shaje kanang e mung nga nga ai n rai,” ngu nna hkang dat wu ai.

Daniela 3:29 ပူးပေါင်းရင်းမြစ်များ

2 HKAWHKAM 10:27

Dai hta n-ga, Bala shadaw hpe mung, Bala a nta hpe mung, shanhte run agrawp kau mu ai rai nna, dai ni du hkra nam dum shatai kau mu ai.

EZRA 6:11

Dai hta kaga ngai naw hkang da made ga: kadai mung dai ga hpe lai kau yang, shi a nta na hpundung baw la nna, dai hta shi hpe noi da mu ga; dai lam a majaw shi a nta mung nga hkyi sumpum tai u ga.

SHAKAWN KUNGDAWN 3:8

Yehowa gaw hkye hkrang la ai lam rai nga ai; Na amyu a ntsa e, na a shaman ai gaw, anga nga u ga law. [Selah.]

SHAKAWN KUNGDAWN 76:10

Gaja wa, na a masin pawt ai daw mi sha, Nang shingkyit zawn kyit nga yang, Masha wa a masin pawt ai gaw, Nang hpe shakawn kungdawn na ra ai.

Daniela 1:19

hkawhkam wa gaw shanhte hte tsun chyai nga ai; nlang hte hta, Daniela, Hanania, Mishaela, Azaria hte bung ai wa langai mi n nga ai: dai re ai majaw shanhte gaw hkawhkam wa man e tsap nga lu ma ai.

Daniela 1:7

Unuk ni a agyi wa gaw shanhte a amying lai nna, Daniela hpe Belteshaza, Hanania hpe Shadrak, Mishaela hpe Meshak, Azaria hpe Abed-nego, ngu nna shamying mu ai.

Daniela 2:17

Shing rai Daniela gaw, shi a nta de nhtang wa nhtawm, shi a kanawn manang Hanania, Mishaela, Azaria hte hpe dai lam tsun shana nna,

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

Daniela 2:49

Shaloi Daniela gaw hkawhkam wa hpe hpyi nna, shi gaw Shadrak, Meshak, Abed-nego hte hpe Babelon mungdaw amu a ntsa e san da mu ai: Daniela chyawm gaw hkawhkam a rung hta anga nga ai.

Daniela 2:5

Hkawhkam wa gaw, “Dai yup mang hpe ngai malap kau se ai; rai timung, dai yup mang hte ga lachyum ngai hpe n htai dan yang gaw, nanhte kahtum gadaw di ai hkrum nna, nanhte a nta ni nga hkyi sumpum tai na ra ai.

Daniela 3:12

Rai timung, Bebelon mungdaw a amu ntsa e nang san da ai Yuda masha, Shadrak, Meshak, Abed-nego hte gaw, nang hkawhkam wa hpe n kaw n law di ma ai: shanhte gaw na a hpara ni hpe, daw jau ma ai, n rai; nang shadun da ai ja sumla hpe mung, nawku ma ai, n rai, nga nna Yuda masha ni hpe mara shagun let jehte tam ma ai.”

Daniela 3:15

Ya nanhte gaw, pahtau, pahke, tingse, sumpyi, chying bau, baja hte dum ai baw amyu myu ngoi ai nsen na jang, ngai galaw da ai sumla hpe gum dagup nawku na matu jin jin rai nga mu; shing n rai yang, dai aten e pyi, grung nga ai wan htung hta nanhte kabai bang kau ai hkrum na myit dai: nye a lata na nanhte hpe mawai la lu ai hpara gaw, kadai rai ta?” ngu nna shanhte hpe sharim mu ai.

Daniela 3:17

Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

Daniela 3:28

Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

Daniela 6:28

Shing rai ndai Daniela gaw Dari up hkang ai prat e mung, Persi masha Kuru up hkang ai prat e mung, galu kaba wa nga ai.

TARA JAHPRANG 32:31

Anhte e hpyen ai ni shanhte nan pyi, Anhte a Lunghkrung gaw shanhte a Lunghkrung hte dang bung ai n rai, nga nna tsun lu ma ai.