Daniela 3:28 - Jinghpaw Hanson Version Bible

²⁸ Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

Jinghpaw Common Language Bible 2009

²⁸ Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

Daniela 3:28 ပူးပေါင်းရင်းမြစ်များ

NINGPAWT NINGHPANG 9:26

Bai shi gaw, “Shem a Karai Kasang Yehowa gaw a nga u ga. Hkanan chyawm gaw shi a mayam tai nu ga,

1 HKAWHKAM LABAU 5:20

Shanhte gasat nga ma yang, Karai Kasang hpe hpyi jahtau let, shi hpe tawngban ai hte shi hta shamyet shanat nga ma ai majaw, shanhte karum ai lu la nna, Hagara masha ni hte shanhte hte rau rai nga ai yawng hte hpe rim la lu mu ai:

2 HKAWHKAM LABAU 20:20

Shing rai shanhte gaw hpang jahpawt jau jau rawt nna, Tekoa nam mali de sa wa ma ai: shanhte sa wa nga yang, Yehosahpat gaw tsap nna, Yuda masha ni hte Yerusalem masha ni e, “Madat mara mu; nanhte a Karai Kasang Yehowa hpe kamsham nga mu; shing rai yang nanhte grin wa lu na myit dai; shi a myihtoi ni hpe mung kamsham nga mu, shaloi nanhte ninglaw lu na myit dai,” ngu nna tsun mu ai.

2 HKAWHKAM LABAU 32:21

Shing rai Yehowa gaw lamu kasa shangun dat nna, Asuri hkawhkam a hpyen dap na nden ja ai share ni, hpyen gyi, hpyen du ni mahkra hpe shaza kau mu ai. Hkawhkam wa mung myi man sum let shi a mung de bai wa mat ai. Ya shi a Hpara a nawku shara de shang yang, shi nan shaprat ai shi a kasha ni gaw, nhtu hte shi hpe sat kau mu ai.

EZRA 1:3

Ya shi hte seng ai amyu masha ni kadai hte mung, shi a Karai Kasang shi hte rau nga nga nna, Israela Karai Kasang Yehowa a matu nta galaw na nga, Yuda mung na Yerusalem mare de lung wa u ga; Yerusalem mare e nga nga ai Karai Kasang gaw Karai Kasang nan rai nga ai.

EZRA 6:11

Dai hta kaga ngai naw hkang da made ga: kadai mung dai ga hpe lai kau yang, shi a nta na hpundung baw la nna, dai hta shi hpe noi da mu ga; dai lam a majaw shi a nta mung nga hkyi sumpum tai u ga.

SHAKAWN KUNGDAWN 103:20

N-gun ja nna, shi a mungga nsen madat let, Shi a mungga hpe shadik ya ai lamu kasa ni e, Yehowa hpe sha-a mu.

SHAKAWN KUNGDAWN 147:11

Yehowa gaw shi hpe hkrit kamyin ai ni hte, Shi a chyeju hpe myit mada ai ni hta, awng nga ai.

SHAKAWN KUNGDAWN 33:18

Yu mu, Yehowa hpe hkrit kamyin ai ni hte, Shi a chyeju ala nga ai ni a ntsa e,

SHAKAWN KUNGDAWN 33:21

Shi a chyoi pra ai amying hta anhte shamyet shanat nga ga ai majaw, Anhte myit masin shi hta kabu nga ga ai.

SHAKAWN KUNGDAWN 34:22

Yehowa gaw shi a ali ama ni a myit masin hpe hkrang la ya mu ai. Shi hta shingbyi ai ni nlang hte gaw mara n kap na mara ai.

SHAKAWN KUNGDAWN 62:8

Amyu masha ni e, Karai Kasang hpe tut tut hpa nga mu; Nanhte a myit shi a man e hpaw dan mu: Karai Kasang gaw anhte a shingbyi shara rai nga ai. [Selah.]

PRU MAT 20:5

dai hpe hkum naw hkum ku, hkum jaw hkum jau et: kaning rai nme law, ngai, na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai;

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

Daniela 3:25

Hkawhkam wa mahtang, “Yu mu, marai mali n gyit n hkang ai hte, hkala nba n hkrum ai, wan kata e hkawm nga ma ai hpe, ngai mu nngai; mali ngu na wa gaw, hpara kasha nsan nga ai,” nga nna tsun let,

Daniela 4:34

Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

Daniela 6:16

Shaloi hkawhkam wa ahkang jaw nna, shanhte gaw Daniela hpe woi la nhtawm, hkanghkyi nhkun hta jahkrat bang kau mu ai. Hkawhkam wa chyawm gaw, “Daniela e, nang n sim n sa nawku nga ai, na a Karai Kasang gaw, nang hpe mawai la na ra ai,” ngu wu ai.

Daniela 6:26

nye a mungdan ting chyam hkra masha nga manga hte gaw, Daniela a Karai Kasang man e hkrit hkungga nga mu, ngu nna hkang da ai ga ngai hkang dat nngai: kaning rai nme law, shi gaw ahkrung nga ai Karai Kasang rai nga nna, htani htana prat dingsa agrin nga ai: shi a mungdan gaw hten byak mat lu ai n rai; shi a ahkang aya gaw, lamu ga htum hkra rai na ra ai:

MAHTE 4:10

Dai rai nna Yesu gaw, “Satan e, pru mat wa u; dai Madu, na a Karai Kasang hpe nang nawku lu na rai nna, shi hpe hkrai daw lu na re ai,” nga nna she ka da nga ai shi hpe ngu wu ai.

KASA 4:19

Petru yan Yawhan chyawm gaw, “Karai Kasang a ga madat na hta, nanhte a ga mahtang madat yang, Karai Kasang a man e mai n mai gaw, nanhte she dawdan yu mu.

KASA 5:19

Rai timung, dai shana e Madu a lamu kasa gaw, htawng chyinghka ni hpaw kau ya nna, shanhte hpe shapraw dat let,

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

1 KORINHTU 13:3

Nye a arai ni yawng hte hpe ngai gam kau nna, nye a hkum hpe pyi nat kau na matu ap kau rai timung, tsawra ai myit n rawng yang gaw; hpa akyu nga na n rai.

HPILIPI 1:20

nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

HEBRE 1:14

Shanhte yawng mayawng gaw, hkye hkrang la ai Sali wunli hkam la na ni a matu mara, amu gun hpai shangun ai wenyi ni rai nga ma ai, n rai ni?

HEBRE 11:37

shanhte gaw, nlung hte kabai sat ai, nhtum nni zingri zingrat ai, zingret hte ret dut sat ai hte nhtu e htau kau ai hkrum ma ai: matsan mayan rai nna, nni nkri, aroi arip re ai hkrum let, sagu hpyi, bainam hpyi bu hpun nna htawt hkawm nga ma ai:

1 PETRU 1:21

shi a marang e kamsham ai ni, nanhte a matu mara, ndai hpang jahtum ai aten e dan hkung pru wa sai: shing rai, nanhte a makam masham hte myit mada shara gaw, Karai Kasang hta jung nga na ra ai.

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.