Daniela 3:27 - Jinghpaw Hanson Version Bible

²⁷ Shing rai, munggyi ni, du ni, hpyen du ni hte hkawhkam a mung bawng salang ni gaw zuphpawng nna, dai marai masum hpe jawm yu ma ai: wan gaw shanhte a hkum hpe n hkru ai hte, shanhte a kara singgawng langai mi pyi hkru magyi ai n rai; shanhte a hpun palawng mung n shai ai hte, wan sama pyi n manam ai hpe, mu mu ai.

Jinghpaw Common Language Bible 2009

²⁷ Hkawhkam kasha ni, munggyi ni, mung du ni hte kaga du salang ni gaw wan kata e hpa machyi n hkrum nga ai marai masum hpe jawm yu let hpawng nga ma ai. Shanhte a kara singgawng langai mi pyi katip mat ai n rai; shanhte a bu hpun palawng ni hkru mat ai n rai, dai ni hta wan sama pyi n manam nga ai.

Daniela 3:27 ပူးပေါင်းရင်းမြစ်များ

1 HKAWHKAM 13:28

Shaloi shi sa wa nna, lam e kadawng taw nga ai moi mang hte, lawze yan hkanghkyi gaw de a makau e tsap nga mala ai hpe mu wu ai: dai hkanghkyi gaw moi mang hpe mung n sha, lawze hpe mung n amya, rai nga la ai.

2 HKAWHKAM 19:19

Ya chyawm gaw, anhte a Karai Kasang Yehowa e, nang Yehowa hkrai Karai Kasang rai nga ai gaw, ga ntsa mungdan ni nlang chye na lu mu ga, anhte hpe shi a lata na hkye hkrang la mi law,” ngu nna hpyi nem wu ai.

SHAKAWN KUNGDAWN 83:18

Prat dingsa shanhte kaya kahpa hte hkrit gari nna, Myi man sum ai hte hten byak ai hkrum mu ga law.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 43:2

Nang hka rap wa yang, ngai nang hte rau rai nga nngai; hka nu hka shi ni hpe rap wa yang, lim wa na n rai; wan hpe kabye yang, hkru na n rai, wan shinglet mung galip na n rai.

Daniela 3:21

Shing rai dai marai masum hpe, tinang a labu, palawng, lawai ai nba hte hpawn gyit nna, grung nga ai wan htung kata de, kabai bang dat mu ai.

Daniela 6:23

Shaloi hkawhkam wa gaw, nachying kabu nna, Daniela hpe nhkun de na shaw la na lam, hkang dat wu ai. Shing rai Daniela gaw nhkun de na shaw la ai hkrum nna, shi gaw shi a Karai Kasang hta shamyet nga ai majaw, hkala nba hpa mung shi hta n mu nga ai.

Daniela 6:7

Nang hta kaga, hpara hpe mung, masha hpe mung, nhtoi sumshi ya laman e, akyu hpyi ai wa kadai mung, hkanghkyi nhkun hta jahkrat bang kau ai hkrum u ga, nga nna n galai mat lu ai hkawhkam mungga shapraw na matu, munggyi kaba ni, du ni, munggyi ni, bawmung ni hte hpyen du ni yawng, bawng hkrum saga ai.

MAHTE 10:30

Nanhte a baw na kara singgawng mahkra hpe mung, hti da nu ai.

KASA 26:26

Ndai lam hpe Hkawhkam wa nan chye da wu ai; shi a man e dingsa tsun ai mung, rai nga nngai: kaning rai nme law, ndai lam gaw njut nnaw e sha n byin re ai majaw, hkawhkam wa shi n chye ai mi n nga na re ai, ngu nna ngai kam nga nngai.

KASA 27:34

dai re ai majaw, lusha lama ma sha mu; dai gaw nanhte a lawt na matu rai nga ai; nanhte hta gade a kara singgawng mi muk sum ga du na n rai,” ngu nna shanhte hpe shalan wu ai.

HEBRE 11:34

wan nsa hpe sat kau lu ma ai, ri nhtu hta na lawt lu ma ai, gawng kya ai shani e n-gun shaja ya ai lu la ma ai, majan shani e share lu ma ai hte masha tsasam ni a luksuk ni hpe jahtaw kau lu ma ai.