Daniela 3:24 - Jinghpaw Hanson Version Bible

²⁴ Shaloi hkawhkam Nebuhkadneza gaw mau mat nna, gan rawt nhtawm, “Ataw, marai masum hpe sha anhte gyit nna, wan kata de jahkrat bang ai, n rai ni?” ngu nna shi a salang bawng ni hpe san mu ai. Shanhte gaw, “Re ai, hkawhkam wa e,” ngu nna htan mu ai.

Jinghpaw Common Language Bible 2009

²⁴ Nebuhkadneza gaw mau mat ai hte akajawng sha gan rawt nhtawm shi a du salang ni hpe, “Ataw, anhte gaw marai masum hpe sha gyit nna grung ai wan htung kata de shanhte hpe kabai bang kau ga ai n rai ni?,” ngu nna san wu ai. Shanhte gaw, “Rai sa, madu hkawhkam e, anhte galaw saga ai,” ngu nna htan ma ai.

Daniela 3:24 ပူးပေါင်းရင်းမြစ်များ

2 HKAWHKAM LABAU 22:4

shi gaw Ahab a nta masha ni a lam hta hkan hkawm nga nna, shanhte zawn Yehowa a man e n hkru n hkra ai amu galaw wu ai: shi a kawa si ai hpang, shanhte gaw shi hpe hten hkra hpaji daw ya mu ai.

Daniela 3:17

Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

Daniela 3:23

Shadrak, Meshak, Abed-nego ngu ai marai masum chyawm gaw, dai grung nga ai wan htung kata de, gyit hkang let, hkrat bang ma ai.

Daniela 3:25

Hkawhkam wa mahtang, “Yu mu, marai mali n gyit n hkang ai hte, hkala nba n hkrum ai, wan kata e hkawm nga ma ai hpe, ngai mu nngai; mali ngu na wa gaw, hpara kasha nsan nga ai,” nga nna tsun let,

Daniela 4:22

nang gaw kaba wa nna, n-gun ja wa ndai; nang daru magam dan hkung wa nna, dai gaw sumsing lamu de dep nga ai; nang up ai ahkang aya mung, lamu ga htum hkra dep nga ai.

Daniela 4:27

Dai re ai majaw hkawhkam wa e, nye a ga hkap la u; na a yubak kau da nna dinghpring ai amu galaw u; matsan mayan ni hpe matsan dum let, shut hpyit ai hpe koi kau u: shing rai yang, nang sutgan naw ga lu dam nhten,” ngu wu ai.

Daniela 5:18

Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

Daniela 5:6

Dai rai nna hkawhkam wa myi man sum ai hte, myit ung ang nga ai; shi a mashi marung n-gun kya wa nna, shi a lahput shada ahkawk nga ai.

Daniela 6:22

Nye a Karai Kasang gaw, shi a lamu kasa shangun nna, hkanghkyi ni a n-gup pat kau ya ai hte, ngai hkala nba n hkrum nngai: kaning rai nme law, shi a man e ngai san seng nga nngai; na a man e mung, hkawhkam wa e, ngai hpa n shut nngai,” ngu nna hkawhkam wa hpe htan wu ai.

Daniela 6:7

Nang hta kaga, hpara hpe mung, masha hpe mung, nhtoi sumshi ya laman e, akyu hpyi ai wa kadai mung, hkanghkyi nhkun hta jahkrat bang kau ai hkrum u ga, nga nna n galai mat lu ai hkawhkam mungga shapraw na matu, munggyi kaba ni, du ni, munggyi ni, bawmung ni hte hpyen du ni yawng, bawng hkrum saga ai.

KASA 12:13

Shing rai dai wang chyinghka wa akawk wu yang, Rode mying ai num kasha langai mi, madat yu na nga pru sa ai.

KASA 26:13

Jan pungding madi ai aten e, Hkawhkam wa e, jan hta grau htoi tu ai nhtoi, dai lam e ngai hte nye a manang ni a grup yin, lamu de nna htoi tu pru ai, mu nngai.

KASA 26:27

Hkawhkam Agripa e, myihtoi ni a ga hpe nang kam n ni? kam nga ndai gaw ngai chye nga nngai,” ngu wu ai.

KASA 9:6

rai timung, rawt u, mare de shang wa u; nang galaw lu na lam nang hpe tsun dan shangun na we ai,” nga nna htan wu ai.

1 SAMUELA 17:55

Ya Dawi, dai Hpilisti wa hpang de htim sa wa ai Shawlu mu jang, shi a luksuk ni a bu Abna hpe, “Abna e, wora shabrang wa gade a kasha rai ta?” ngu nna san wu yang, Abna gaw, “Hkawhkam wa e, nang hkrung nga ai hte maren, ngai n chye nngai,” ngu wu ai.