Daniela 3:18 - Jinghpaw Hanson Version Bible

¹⁸ Shi n mawai la dam timung, hkawhkam wa e, na a hpara ni hpe anhte daw jau na n rai; nang shadun da ai ja sumla hpe mung, nawku na ga ai n rai, chye nga u,” ngu nna hkawhkam wa hpe htan mu ai.

Jinghpaw Common Language Bible 2009

¹⁸ Rai ti mung, shi lama wa n hkye la ai rai tim, madu hkawhkam, anhte gaw na a karai hpe nawku na ga ai n rai; nang shadun da sai ja hkrang sumla hpe mung anhte gum dagup na ga ai n rai,” ngu nna tsun ma ai.

Daniela 3:18 ပူးပေါင်းရင်းမြစ်များ

1 HKAWHKAM 19:14

Elia gaw, “Ngai wa, Zaw nawn zaw wa up ai Karai Kasang Yehowa a lam myit grai yu kahtet ni ai; hpa majaw nga yang, Israela kashu kasha ni gaw na a ga shaka lam kau da nna, na a tawn hkungri ni hpe sharun shabya kau ai hte, na a myihtoi ni hpe nhtu hte sat kau mu ai: ngai hkum hkrai sha hti nga nna, ngai hpe mung sat kau na tam nga ma ai,” nga ai.

1 HKAWHKAM 19:18

Rai timung, Bala man e lahput n hput di nna, shi hpe n pup yu ai, Israela masha hkying sanit hte hpe ngai naw jahti da na nme ai,” ngu wu ai.

YOBA 13:15

Yu u, shi ngai hpe sat kau nna, ngai myit mada shara n nga nngai; rai timung, ngai shi a man e mara raw ai ga tsun shanang nga na nngai.

GA SHAGAWP 28:1

Tara n lang ai wa gaw, shachyut ai wa n nga timung, hprawng nga ai; Dinghpring ai ni chyawm gaw, hkanghkyi zawn nden ja nga ai.

Daniela 3:28

Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

JAW JAU 19:4

Gawngngu sumla hkum naw mu; tinang a matu shachyaw ai hpara hkum galaw myit: ngai gaw nanhte a Karai Kasang Yehowa rai nga nngai.

MAHTE 10:28

Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

MAHTE 10:39

Tinang a asak hpe lahpawt ai wa gaw, asak sum na ra ai: nye a jaw e, tinang asak jasum ai wa chyawm gaw, asak mu la na ru ai.

MAHTE 16:2

Shi gaw, “[Shana de e, lamu hkyeng yang gaw, Lamu san na ra ai, nga nna nanhte tsun ga myit dai:

KASA 4:19

Petru yan Yawhan chyawm gaw, “Karai Kasang a ga madat na hta, nanhte a ga mahtang madat yang, Karai Kasang a man e mai n mai gaw, nanhte she dawdan yu mu.

HEBRE 11:25

tawng marang mi yubak a pyaw daw kadaw na hte, Karai Kasang a amyu masha ni hte rau tsin-yam tsindam hkrum na hpe shi grau ra nga ai rai nna,

YAWSHU 24:15

Shing n rai, Yehowa hpe jaw jau na nanhte n ra myit yang gaw, Hka wora hkran na nanhte a nji nwa ni jaw jau ai Hpara ni hte ya nanhte nga ai mung na Amori masha ni a Hpara ni hta, gara hpe mahtang jaw jau na gaw, dai ni jang lata la mu: ngai hte nye a nta masha ni chyawm gaw Yehowa hpe jaw jau na ga ai law,” ngu nna tsun wu ai.

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.