Daniela 3:17 - Jinghpaw Hanson Version Bible

¹⁷ Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

Jinghpaw Common Language Bible 2009

¹⁷ Anhte daw jau ai Karai Kasang gaw grung nga ai wan htung kaw na anhte hpe hkye mawai la lu na ra ai; shi gaw na a daru magam n-gun kaw na mung mawai la na ra ai.

Daniela 3:17 ပူးပေါင်းရင်းမြစ်များ

NINGPAWT NINGHPANG 17:1

Dai hpang Abram asak Jahku shi jahku ning du sayang, Yehowa gaw shi kaw dan pru nna, “Ngai gaw Chyahtum Chyalai n-gun rawng ai Karai Kasang rai nga ai; nye a man e hkum tsup let hkawm sa wa u.

NINGPAWT NINGHPANG 18:14

Yehowa n di lu ai amu lama mi nga a ni? Nhtoi gu jang ngai nang hpang de bai du na ring ngai rai nna, Sara gaw shadang sha lu na ra ai,” ngu wu ai.

YOBA 34:29

Shi ngwipyaw shangun yang, kadai sharu lu na rai ta? Shi myi man makoi yang, amyu rai timung, marai langai sha mung, shi hpe kadai mu lu na rai ta?

YOBA 5:19

Shi nang hpe ru tsang amu kru hta na mawai la ai hta n-ga, sanit lang hkrum timung, nni nkri nang hpe hkra na, n rai.

SHAKAWN KUNGDAWN 115:3

Anhte a Karai Kasang gaw sumsing lamu e anga nga ai; Shi ra ai hku yawng mayawng shi galaw nga ai.

SHAKAWN KUNGDAWN 37:39

Dinghpring ai ni a hkye hkrang la ai lam gaw Yehowa kaw na rai nga ai, Ru tsang ai aten hta e shi shanhte a makawp maga rai nga ai.

SHAKAWN KUNGDAWN 37:40

Yehowa gaw shanhte hpe karum nga nna mawai la mu ai: shi hta shingbyi nga ma ai majaw, shi shanhte hpe tara n lang ai ni kaw na, mawai la nna, hkye hkrang la mu ai.

SHAKAWN KUNGDAWN 73:20

Yup rawt yang, yup mang hpe hpa n nawn ai zawn, Madu e, nang hprang yang, shanhte a shingna hpe pyi matsat na ndai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 54:14

Nang gaw dinghpring ai hte grin nga na rin dai: zingri zingrat ai gaw, nang hte tsan wa nna, nang hkrithpa hkrum na n rai: hkrit kajawng ai mung, nang hte tsan wa nna, na a makau de ni lu na n rai.

YEREMIA 1:8

Shanhte hpe hkum hkrit et; nang hpe mawai la na matu, ngai nang hte rau rai nga nngai,” nga ai.

YEREMIA 15:20

Ngai gaw nang hpe, ndai amyu masha ni a man e, ngang ai magri bunghku shatai na de ai: shanhte nang hpe hpyen gasat timung, dang lu na n rai: nang hpe shaw mawai la na matu, na a hpang maga e ngai rai nga nngai:

YEREMIA 15:21

n hkru n hkra ai ni a lata na ngai nang hpe mawai la nna, gumshem ai ni a lata na hkrang la na nngai, nga nna Yehowa tsun ai.

Daniela 3:26

Nebuhkadneza gaw grung nga ai wan htung mahka de sit sa nhtawm, “Tsaw Htum ai Karai Kasang a shangun ma Shadrak, Meshak, Abed-nego hte e, pru wa marit,” ngu mu ai. Dai rai nna shanhte gaw wan kata de na pru wa ma ai.

Daniela 4:35

mungkan masha ni yawng mayawng shi a man e hpa mi n rai nga ai: sumsing lamu na luksuk laba ni hta mung, mungkan ga e shanu ai ni hta mung, shi galaw mayu ai hte maren galaw nna, shi a lata hpe hkum da ai wa n nga ai: “Nang hpa galaw nga n ta?” nga nna shi hpe tsun lu ai wa kadai mung n nga ai.

Daniela 6:16

Shaloi hkawhkam wa ahkang jaw nna, shanhte gaw Daniela hpe woi la nhtawm, hkanghkyi nhkun hta jahkrat bang kau mu ai. Hkawhkam wa chyawm gaw, “Daniela e, nang n sim n sa nawku nga ai, na a Karai Kasang gaw, nang hpe mawai la na ra ai,” ngu wu ai.

Daniela 6:23

Shaloi hkawhkam wa gaw, nachying kabu nna, Daniela hpe nhkun de na shaw la na lam, hkang dat wu ai. Shing rai Daniela gaw nhkun de na shaw la ai hkrum nna, shi gaw shi a Karai Kasang hta shamyet nga ai majaw, hkala nba hpa mung shi hta n mu nga ai.

Daniela 6:27

shi hkye hkrang la nna mawai la lu ai; sumsing lamu hte ginding aga hta lamik kumla hte mauhpa amu shi galaw nga ai; shi gaw Daniela hpe hkanghkyi ni a n-gup na mawai la lu ai,” ngu nna ka shabra dat wu ai.

MIHKA 7:7

Ngai chyawm gaw, Yehowa hpe a mada nga na nngai; ngai e hkye hkrang la ai Karai Kasang hpe, ngai ala nga na nngai: nye a Karai Kasang gaw, ngai hpe madat na ra ai.

LUKA 1:37

kaning rai nme law, Karai Kasang kaw na hpa mungga muk, atsam kata rai na ra ai n rai,” ngu nna shi hpe htan wu ai.

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

ROMA 8:31

Dai rai yang gaw, ndai hte hta anhte hpa tsun na ga ta? Karai Kasang gaw anhte a maga e nga nga a yang gaw, anhte hpe hpyen ai maga de kadai wa mi nga lu na a ta?

2 KORINHTU 1:10

Shi gaw ning san ai si lam hta na anhte hpe mawai la ma ni ai rai nna, naw mawai la na mi ai; shi anhte hpe naw mawai la na, anhte shi hpe myit mada nga ga ai rai nna, law law ni a myi man a marang e anhte lu la ai chyeju a majaw,

HEBRE 7:25

Dai rai nna, shi gaw shinggyim masha ni a matu mara tawngban ya nga na, tutnawng e ahkrung nga ai majaw, shi a marang e Karai Kasang kaw sit shang wa ai ni hpe hkum tsup wa hkra, mawai la lu na atsam, shi lu nga ai.

1 SAMUELA 17:37

Bai Dawi gaw, “Hkanghkyi hte tsap a lata na ngai hpe hkye la ai Yehowa gaw, dai Hpilisti wa a lata na mung hkye la na ra ai,” ngu wu ai. Shawlu mung, “Sa sa, Yehowa nang hte rau nga na ra ai,” ngu nna Dawi hpe tsun wu ai.

1 SAMUELA 17:46

Yehowa, dai ni nye a lata hta nang hpe ap nna, nang hpe ngai sat nhtawm, na baw daw la na we ai: shing di, Hpilisti hpyen laba ni a mang hpe, ntsa malen u ni hte nam rai matse ni hpe, dai ni ngai jaw kau na we ai: shaloi, Israela amyu hta Karai Kasang nga nga ai gaw, mungkan ga ting chye lu na mara ai: