Daniela 3:15 - Jinghpaw Hanson Version Bible

¹⁵ Ya nanhte gaw, pahtau, pahke, tingse, sumpyi, chying bau, baja hte dum ai baw amyu myu ngoi ai nsen na jang, ngai galaw da ai sumla hpe gum dagup nawku na matu jin jin rai nga mu; shing n rai yang, dai aten e pyi, grung nga ai wan htung hta nanhte kabai bang kau ai hkrum na myit dai: nye a lata na nanhte hpe mawai la lu ai hpara gaw, kadai rai ta?” ngu nna shanhte hpe sharim mu ai.

Jinghpaw Common Language Bible 2009

¹⁵ Ya chyawm gaw, nanhte dai pahke, tingse, sumpyi chyingbau, dawraw hte kaga madum sumpyi ni yawng dum ai nsen na ai hte rau hkrang sumla hpe gum dagup let nawku na rai myit dai. Dai zawn n galaw ai rai yang, nanhte hpe grung nga ai wan htung de kalang lata kabai bang kau ai hkrum na marin dai. Nanhte hpe hkye hkrang la lu ai kaga karai naw nga ai zawn nawn da nga myit ni?,” ngu nna tsun wu ai.

Daniela 3:15 ပူးပေါင်းရင်းမြစ်များ

2 HKAWHKAM 18:35

Yehowa gaw Yerusalem mare hpe nye a lata na hkye hkrang la lu hkra, mung shagu na Hpara ni mahkra hta, gara mahtang tinang a mung hpe nye a lata na hkye hkrang la lu na rai ta?” ngu nna jahtau tsun wu ai.

PRU MAT 32:32

rai timung, shanhte a yubak dat kau mayu yang gaw, dat kau ya u; dai n rai yang gaw, nang ka da ai laika hta na nye mying mung arut kau ya e law,” ngu nna hpyi wu ai.

PRU MAT 5:2

Hpara-u chyawm gaw, “Yehowa a ga madat nna, Israela a amyu masha ni hpe ngai dat kau na gaw, dai Yehowa kadai rai ta? Yehowa hpe ngai n chye nngai, Israela a amyu hpe mung ngai n dat dat na nngai,” ngu wu ai.

ESAIA 37:23

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

Daniela 2:9

Rai timung, dai yup mang ngai hpe n hkai dan myit yang, nanhte myit langai sha nga nna, aten lai hkra, nye a man e masu ai ga tsun na maw ai majaw, nanhte a matu tara langai sha rai nga ai: dai re ai majaw, yup mang ngai hpe hkai dan mi; shaloi ga lachyum nanhte chye htai shapraw ai hpe, ngai chye na nngai,” ngu nna htan wu ai.

Daniela 3:17

Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

Daniela 6:16

Shaloi hkawhkam wa ahkang jaw nna, shanhte gaw Daniela hpe woi la nhtawm, hkanghkyi nhkun hta jahkrat bang kau mu ai. Hkawhkam wa chyawm gaw, “Daniela e, nang n sim n sa nawku nga ai, na a Karai Kasang gaw, nang hpe mawai la na ra ai,” ngu wu ai.

Daniela 6:20

Dai de ni wa jang shi gaw hkrap ngu hkrap ngoi ai nsen hte Daniela hpe shaga nna, “A hkrung nga ai Karai Kasang a shangun ma Daniela e, nang n sim n sa nawku nga ai, na a Karai Kasang gaw, hkanghkyi ni a n-gup na nang hpe mawai la lu a ni?” ngu nna san wu ai.

MAHTE 10:19

Nanhte hpe ap kau myit dai shaloi, kaning ngu nna, hpa hku tsun lu na hpe, myit hkum tsang myit: dai ahkying hta, hpa tsun mai na gaw, nanhte hpe shadum na marin dai:

MAHTE 27:43

Shi gaw Karai Kasang hta hpa nga ai; shi hta awng nga yang gaw, ya shi hpe mawai la u ga: kaning rai nme law, Ngai gaw Karai Kasang a Kasha rai nga nngai, shi nga ai, nga ma ai.

MARKU 13:11

Nanhte hpe tara agyi ni hpang de woi sa nna ap kau myit jang gaw, kaning ngu nna ga tsun na, myit hkum ru myit: dai ahkying hta e, nanhte hpe tsun shangun ai hte maren tsun dan mu: nanhte ga tsun nga ai ni n rai, dai Chyoi pra ai Wenyi mahtang tsun nga ai.

LUKA 12:11

masha ni gaw nanhte hpe tara jawng ni de mung, agyi salang ni hte ahkang aya lu ai ni a man de mung, dun wa myit jang gaw, hpa hte kaning ngu htan na mung, gara hku tsun na mung, hkum tsang myit:

LUKA 13:9

dai hpang asi si yang gaw, tu nga u ga: asi n si yang gaw, nang kran kau na rai nga ai,” ngu nna madu hpe htan wu ai.

KASA 4:19

Petru yan Yawhan chyawm gaw, “Karai Kasang a ga madat na hta, nanhte a ga mahtang madat yang, Karai Kasang a man e mai n mai gaw, nanhte she dawdan yu mu.

KASA 5:29

Shaloi Petru hte kasa ni htan mu ai gaw, “Masha ga madat na hta, Karai Kasang a ga mahtang grau madat na ga ai.

KASA 6:15

Shaloi dai hpawng shingra e dung nga ai ni nlang, shi hpe jawm azi yu mu yang, shi a myi man lamu kasa myi man zawn rai nga lu ai gaw, shanhte mu ma ai.