Daniela 2:45 - Jinghpaw Hanson Version Bible45 Lata hte n tawk ai nlung langai mi gaw, bum ga de na chyai hkrat wa nna, ahpri, magri, ga kagam, gumhpraw hte aja hpe agrawp mani kau ai, nang mu ai majaw, galu kaba ai Karai Kasang gaw htawm hpang e byin na ra ai lam hkawhkam wa hpe madun dan nu ai: yup mang gaw grin nga ai, ga lachyum gaw teng nga ai,” ngu nna hkawhkam wa hpe tsun dan wu ai. အခန်းကိုကြည့်ပါ။Jinghpaw Common Language Bible 200945 Nang gaw kadai mung n jum hkra ai nlung langai mi kaning rai ninggam kaw nna daw hkrat wa nhtawm hpri, magri mang, kagam ga, gumhpraw hte aja hte galaw ai hkrang sumla hpe adawt hkra ai hpe mu nga ndai. Galu kaba ai Karai Kasang gaw du na ra ai aten hta hpa byin wa na lam madu hkawhkam hpe tsun nga ai. ngai gaw nang mu nit dai yup mang hpe tup hkrak tsun dan ni ai. De a teng man ai lachyum ngai nang hpe jaw ni ai.” အခန်းကိုကြည့်ပါ။ |
Daniela 2:45
32 ပူးပေါင်းရင်းမြစ်များ
Bai, amu ni hpe yu hpajang ngut nhtawm, ngai rawt nna, agyi salang ni, du ni hte naw ngam nga ai mung masha ni hpe shaga la nna, “Hpyen ni hpe hkum hkrit myit, galu kaba ai hte hkrit mai ai Madu hpe dum mu; nanhte a nhpu nnau ni, shayi shadang sha ni, kasha kanu ni hte tinang nta ni a matu gasat mu,” nga nna tsun nngai.
“Dai re ai majaw, anhte a Karai Kasang, ga shaka shatup nna n-gaw nwai myit rawng ai, galu kaba ai, daru magam madun ai hte hkrit mai nga ai, Karai Kasang e, Asuri hkawhkam ni a aprat kaw nna, dai ni du hkra, anhte a ntsa e mung, anhte a hkawhkam ni, du ni, hkinjawng ni, myihtoi ni, ji wa ni hte amyu ting a ntsa e mung, du pru ai tsin-yam tsindam hte gaw, na a man e kaji nga ai zawn, n rai nga u ga.
Dai re ai majaw, Babelon mare na hpaji rawng ai ni hpe sat kau na matu, hkawhkam wa san da ai Ariok hpang de Daniela sa shang nna, “Babelon mare na hpaji rawng ai ni hpe, hkum sat kau et; ngai hpe hkawhkam wa man de jashawn e; yup mang a ga lachyum ngai hkawhkam wa hpe shapraw dan na nngai,” ngu nna shi hpe tsun wu ai.
Shi a hpaji daw ai a marang e, shi a lata hta hkalem hkalau ai lam awng wa na ra ai: shi gaw shi hkum hpe shagrau shatsaw nna, ndum shami e masha law law hpe jahten shabyak kau na ra ai: dai hta n-ga, madu ni a Madu hpe shi hkap daw na ra ai; rai timung, masha lata hte n re ai, shi agrawp kau ai hkrum na ra ai.
hkawhkam mungdan ni a tingnyang hpe, ngai gale galau kau na nngai: maigan amyu ni a hkawhkam mungdan ni a n-gun atsam hpe, ngai agrawp kau na nngai; hpyen leng ni hte dai hta jawn ai ni hpe, ngai gale galau di kau na nngai; gumra ni hte gumra jawn ai ni gaw, langai hte langai tinang a hpunau wa a nhtu hte kadawng hkrat na mara ai.
Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.
ကြော်ငြာတွေ