Daniela 2:40 - Jinghpaw Hanson Version Bible

⁴⁰ Mali ngu na mungdan gaw, hpri zawn ja ai mungdan rai na ra ai; hpri gaw arai yawng mayawng hpe agrawp kau nna, dang lu ai zawn, dai mungdan gaw yawng hpe mani ayun kau ai hpri hte maren, agrawp kau nna, mani ayun kau na ra ai.

Jinghpaw Common Language Bible 2009

⁴⁰ Dai hpang mali ngu na hkawseng mungdan gaw hpri zawn ja nna arai shagu hpe agrawp shadaw kau na ra ai. Hpri gaw arai shagu hpe agrawp mani kau ai zawn, dai gaw shawng na hkawseng mungdan ni yawng hpe agrawp mani kau na ra ai.

Daniela 2:40 ပူးပေါင်းရင်းမြစ်များ

YOBA 9:17

Shi gaw nbung laru hte ngai hpe ka-up da nna, mara kata e, ngai hpe hkye ahpra shangun nngai.

YEREMIA 15:12

Hpri hpe daw kau lu a ni? dingdung mung na hpri hte de a magri hpe pyi daw kau lu a ni?

Daniela 2:33

de a shinglang gaw, hpri rai nga nna, lagaw lahpan gaw hpri daw mi, ga kagam daw mi, rai nga ai.

Daniela 2:39

Na a hpang e, nang hte lawu grit re ai mungdan langai mi pru na ra ai: dai hpang masum ngu na magri mungdan pru nna, dai gaw lamu ga ting hpe up na ra ai.

Daniela 2:41

Lagaw hte latsa ni gaw daw mi dibu sama a ga kagam, daw mi hpri rai nga ai hpe, nang mu ai hte maren, dai mungdan gaw karan mat ai mungdan tai na ra ai; rai timung, hpri gaw madi ai ga kagam hte kayau nga ai hpe, nang mu ai majaw, dai mungdan hta hpri atsam mung lawm na ra ai.

Daniela 7:7

Dai hpang shana na shingran hpe ngai mu nna, yu u, hkrit na nsan ai, n-gun ja ai hte atsam grai rawng ai, mali ngu na dusat paw pru nga ai; dai dusat gaw grai kaba ai hpri wa tu nga ai: shi kawa agrawp daw kau nna, ngam nga ai arai ni hpe lagaw hte kabye anin kau nga ai; dai gaw shawng na dusat ni mahkra hte shai nna, nrung shi tu nga ai.

Daniela 8:24

Dai wa gaw daru magam rawng timung, shi a n-gun hte n rai; shi gaw jahten shabyak grai chye wa nna, awng wa ai hte shi a myit hkan na ra ai: hpung shingkang rawng ai ni hte, chyoi pra ai amyu hpe, jahten shabyak kau na ra ai.

Daniela 9:26

Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.

AMO LAIKA (AMOS) 1:3

Yehowa ning nga ai: Damasku mare a yubak masum hta n-ga, yubak mali majaw, ngai ari n jaw ai, nga na n rai; kaning rai nme law, shanhte gaw, mam dup ai hpri rai hte, Geliad mung hpe dup manu ai.

YAWHAN 11:48

Shi hpe ning di adat da nga ga yang gaw, masha yawng mayawng shi hpe kamsham ma na mara ai rai nna, Roma masha ni mung sa nna, anhte a mungdan hte anhte a amyu hpe kashun la kau na mara ai,” nga ma ai.