Daniela 2:39 - Jinghpaw Hanson Version Bible

³⁹ Na a hpang e, nang hte lawu grit re ai mungdan langai mi pru na ra ai: dai hpang masum ngu na magri mungdan pru nna, dai gaw lamu ga ting hpe up na ra ai.

Jinghpaw Common Language Bible 2009

³⁹ Na a hpang e nang daram n galu kaba ai hkawseng langai paw pru wa na ra ai. Dai hpang masum ngu na magri mang hkawseng mungdan pru wa nna lamu ga ting hpe up na ra ai.

Daniela 2:39 ပူးပေါင်းရင်းမြစ်များ

ESAIA 44:28

Kuru hkawhkam hpe lakap nna, Shi gaw nye a sagu ni hpe rem ai wa rai nga ai; ngai ra mara shi shadik ya nna, Yerusalem mare hpe bai dè da mu ga, nawku Htingnu a npawt nhpang ni gaw da mu ga, nga nna shi hpe tsun shangun ai Yehowa nan ngai rai nga nngai,” nga ai.

Daniela 10:20

Shaloi dai wa gaw, “ngai nang hpang de sa wa ai lam, nang chye na n ni? Persi du hpe hpyen gasat na matu, ya ngai nhtang wa na nngai: dai kaw na pru yang, yu u, Heleni du paw pru na ra ai.

Daniela 2:32

Dai sumla a baw gaw ja jet rai nga ai; sinda hte lata yan gaw, gumhpraw rai nga ai; akan hte magyi yan gaw, magri rai nga ai;

Daniela 2:38

shinggyim masha rawng ai, shara shagu bra nga ai pa ga na ashu ashan ni hte, ntsa malen u ni hpe, na a lata hta shi ap ya nna, dai ni mahkra a ntsa e up shangun ndai: nang gaw aja baw rai nga ndai.

Daniela 2:40

Mali ngu na mungdan gaw, hpri zawn ja ai mungdan rai na ra ai; hpri gaw arai yawng mayawng hpe agrawp kau nna, dang lu ai zawn, dai mungdan gaw yawng hpe mani ayun kau ai hpri hte maren, agrawp kau nna, mani ayun kau na ra ai.

Daniela 7:23

“Shing rai dai wa gaw, Mali ngu na dusat gaw, ga ntsa e paw pru na ra ai, mali ngu na mungdan rai nga ai: dai mungdan gaw kaga mungdan mahkra hte shai nna, mungkan ting hpe kawa sha kau na hte, kabye anin nna, agrawp daw kau na ra ai.

Daniela 8:20

Nang mu ai, nrung lahkawng tu ai sagu la gaw, Medi hte Persi hkawhkam rai nga ai.

Daniela 8:21

Mun mazut tu ai namla gaw Heleni hkawhkam rai nga ai: shi a myi lapran e tu ai nrung kaba gaw, shawng na hkawhkam rai nga ai.

ZEHKARIA 6:3

masum ngu na leng hta gumra ahpraw, mali ngu na leng hta, n-gun ja nna ateng apang re ai gumra, rai nga ai.

ZEHKARIA 6:6

Gumra achyang dun ai leng gaw, dingdung maga de rai wa ma ai; gumra ahpraw gaw, dai ni a hpang de hkan nang ma ai; ateng apang re ai gumra ni gaw, dingda mung de rai wa ma ai,” nga nna ngai hpe htan ai.