Daniela 2:35 - Jinghpaw Hanson Version Bible

³⁵ Shing rai, ahpri, ga kagam, magri, gumhpraw hte aja gaw, agrawp mani mat nna, nmut ta chyarang na nbun zawn tai mat ai hte, nbung e ahpawt kau nna, de a matu nga shara n nga ai: dai sumla hpe hkra ai nlung chyawm gaw, galu kaba ai bum tai wa nna, lamu ga ting kapat nga ai hpe, nang mu ndai.

Jinghpaw Common Language Bible 2009

³⁵ Hpri, kagam ga, magri mang, gumhpraw hte aja ni agrawp mani mat nna ginhtawng ta, chyarang pa ntsa e taw ai ga nhpu zawn tai mat nga ai. Dai gaw nbung e ahpawt kau ai n rai; ahkang ngam ai n rai. Rai ti mung dai nlung gaw bum tai wa nna lamu ga ting hpe ka-up kau nga ai.

Daniela 2:35 ပူးပေါင်းရင်းမြစ်များ

YOBA 6:17

Nlum ta du jang, dai ni byawng mat wa nna, kahtet ai majaw, hkyet kan mat wa ma ai.

SHAKAWN KUNGDAWN 103:16

Shi a ntsa e nbung ahpawt jang, shi n nga ai, Shi a shara pyi, shi hpe bai n chye lu ai.

SHAKAWN KUNGDAWN 22:27

Ga ting na yawng mayawng hte gaw Yehowa hpe dum nna, shi hpang de kayin na mara ai. Masha amyu baw nlang hte gaw, na a man e nawku na mara ai.

SHAKAWN KUNGDAWN 37:10

Gade n na yang, tara n lang ai wa nga nga lu na n rai, Shi shanu ai shara e tam yu yang, shi n nga ai.

SHAKAWN KUNGDAWN 37:36

Marai mi lai wa yang, yu u, shi n nga ai, Ngai shi hpe tam we timung, n mu we ai.

SHAKAWN KUNGDAWN 46:9

Ga ting hta na hpyen majan shi jasim kau wu ai; Ndan pala hpe shi daw kau nna, Ri hpe kahtum kadaw di kau wu ai: Hpyen leng ni hpe wan hte nat kau mu ai.

SHAKAWN KUNGDAWN 66:4

Mung shagu nang hpe nawku nna mahkawn mangoi na mara ai, na a amying nsang hpe mahkawn mangoi na mara ai,” nga nna tsun mu. [Selah.]

SHAKAWN KUNGDAWN 86:9

Madu e, nang hpan tawn da ai amyu nlang hte gaw, Na a man e shang nna nawku na mara ai: Na a amying hpe mung, shagrau na mara ai.

ESAIA 11:9

Nye a chyoi pra ai bum ting hta, shada da zingri ai hte jahten shaza hkat na n rai; kaning rai nme law, nammukdara hka gaw shi a shara hpe lim kau ai zawn, Yehowa hpe chye chyang ai lam, mungkan ting pri rai na ra ai.

ESAIA 8:9

Amyu baw ni e, kabring kabrawng nga timung, agrawp kau ai hkrum mu; sumtsan mung na ni e, madat mara nga mu; shingkyit kyit timung, agrawp kau ai hkrum mu;

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

HOSEA 13:3

Dai re ai majaw shanhte gaw, jahpawt manap na sumwi, jau jau e hkoi mat ai mari, bungsha hte hkoi mat ai mam chyarang na nbun, wan htung na pru ai wan hkut zawn, tai mat na mara ai.”

MIHKA 4:13

Ziun shayi sha e, rawt nna kabye u; na a nrung hpe, hpri, na lahkru hpe, magri, ngai shatai nna, nang gaw amyu baw law law hpe dup mani kau na mu ai: shanhte a sutgan hpe Yehowa a matu, shanhte a arung arai hpe, ginding aga ting a Madu ngu ai wa a matu, ngai majai kau na nngai.

ZEHKARIA 12:3

Dai hta kaga, dai aten e ngai gaw, masha amyu ni mahkra a matu, Yerusalem mare hpe li la ai nlung shatai na nngai; dai nlung hpe hpai kau mayu ai ni yawng, hkala nba hkrum na mara ai: dai hpe dang kau na matu, ga ntsa amyu baw ni yawng rau zuphpawng na mara ai.

1 KORINHTU 15:25

kaning rai nme law, gumlau ni yawng hte hpe shi a lagaw npu e tawn da ai du hkra, shi up ai ahkang aya lu la na ru ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 12:8

shanhte n dang lu ma ai rai nna, sumsing lamu kata e shanhte a matu nga shara naw n nga masalu ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.