Daniela 2:29 - Jinghpaw Hanson Version Bible

²⁹ nang hkawhkam wa e, htawm hpang e hpa byin na ra ai, na a yup ku ntsa e nang sumru yu nna, makoi magap lam shapraw dan chye ai wa gaw, hpa byin na ra ai, nang hpe madun dan nga ai.

Jinghpaw Common Language Bible 2009

²⁹ “Madu hkawhkam yup nga yang, du na ra ai aten hte seng ai lam nang yup mang mu nit dai; makoi magap da ai ni hpe madun dan ai Karai Kasang gaw hpa byin wa na lam nang hpe madun dan nu ai.

Daniela 2:29 ပူးပေါင်းရင်းမြစ်များ

NINGPAWT NINGHPANG 41:25

Shaloi Yawsep gaw, Hpara-u mu ai yup mang gaw lam langai sha rai nga ai: Karai Kasang galaw na ra ai amu Hpara-u hpe madun dan nu ai.

EZEKELA 38:10

“Madu Yehowa ning nga ai: Dai shani e, nang myit mang la nna, n hkru ai hku maw na ndai:

Daniela 2:22

shi gaw, sung htum ai hte makoi magap da ai lam ni hpe, shapraw dan wu ai; nsin hta rawng marawng hpe shi chye nna, nhtoi gaw shi hte rau shanu nga ai.

Daniela 2:23

Nye a ji wa ni a Karai Kasang e, nang ngai hpe hpaji byeng-ya hte n-gun atsam jaw nna, anhte hpyi ai hte maren, ngai hpe ya shapraw dan ndai majaw, ngai chyeju dum nna, nang hpe shakawn nngai law; gaja wa, hkawhkam wa hte seng ai lam, nang anhte hpe shapraw shadan dan mi ai,” nga nna tsun ai.

Daniela 2:28

rai timung, makoi magap lam shapraw shadan lu ai Karai Kasang gaw, sumsing lamu e dung nga ai; shi gaw, htawm hpang e byin na ra ai lam, hkawhkam Nebuhkadneza hpe madun dan nu ai. Na a yup mang hte, na a yup ku ntsa e nang mu ai shingran gaw, da ndai rai nga ai:

Daniela 2:45

Lata hte n tawk ai nlung langai mi gaw, bum ga de na chyai hkrat wa nna, ahpri, magri, ga kagam, gumhpraw hte aja hpe agrawp mani kau ai, nang mu ai majaw, galu kaba ai Karai Kasang gaw htawm hpang e byin na ra ai lam hkawhkam wa hpe madun dan nu ai: yup mang gaw grin nga ai, ga lachyum gaw teng nga ai,” ngu nna hkawhkam wa hpe tsun dan wu ai.

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

AMO LAIKA (AMOS) 4:13

Kaning rai nme law, yu u, bum ni hpe gaw da nna, nbung hpe hpan da ai hte, masha a myit mang ai hpe shapraw shadan chye ai wa, jahpawt nhtoi hpe nsin shatai ai hte, ga ntsa na tsaw htum ai shara ni hpe kabye hkawm ai wa gaw, Zaw nawng zaw wa up ai, Karai Kasang Yehowa, mying ai wa rai nga ai.