Daniela 2:28 - Jinghpaw Hanson Version Bible

²⁸ rai timung, makoi magap lam shapraw shadan lu ai Karai Kasang gaw, sumsing lamu e dung nga ai; shi gaw, htawm hpang e byin na ra ai lam, hkawhkam Nebuhkadneza hpe madun dan nu ai. Na a yup mang hte, na a yup ku ntsa e nang mu ai shingran gaw, da ndai rai nga ai:

Jinghpaw Common Language Bible 2009

²⁸ Rai ti mung makoi magap da ai ni hpe shapraw shadan dan lu ai Karai Kasang gaw sumsing lamu e nga nga ai. Shi gaw du na ra ai aten hta hpa byin wa na lam, madu hkawhkam hpe madun dan nu ai. Ya chyawm gaw nang yup nga yang mu ai yup mang shingran ngai nang hpe tsun dan na we ai.

Daniela 2:28 ပူးပေါင်းရင်းမြစ်များ

NINGPAWT NINGHPANG 40:8

Shan gaw, An yup mang mu saga ai, rai timung htai ya lu ai masha n nga ai, ngu nna htan mu ai: shaloi Yawsep gaw, Yup mang a lachyum lam gaw Karai Kasang hte sha seng ai n rai ni? dai ngai hpe hkai dan mi, ngu mu ai.

NINGPAWT NINGHPANG 41:16

Yawsep chyawm gaw, Ngai rai timung nye a myit hte htai lu ai n rai: Karai Kasang gaw Hpara-u hpe ngwipyaw ai hte ga lachyum hpaw ya u ga, ngu nna Hpara-u hpe htan wu ai.

NINGPAWT NINGHPANG 41:25

Shaloi Yawsep gaw, Hpara-u mu ai yup mang gaw lam langai sha rai nga ai: Karai Kasang galaw na ra ai amu Hpara-u hpe madun dan nu ai.

NINGPAWT NINGHPANG 49:1

Dai hpawa e Yaku gaw shi a shadang sha ni hpe shaga nna, Htawm hpang e nanhte hta byin pru na ra ai lam, ngai nanhte hpe tsun da made ga, nang e wa hpawng marit:

SHAKAWN KUNGDAWN 115:3

Anhte a Karai Kasang gaw sumsing lamu e anga nga ai; Shi ra ai hku yawng mayawng shi galaw nga ai.

ESAIA 2:2

Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

YEREMIA 10:7

Amyu baw ni a hkawhkam wa e, nang hpe hkrit hkungga mai ai rai nna, nang hpe n hkrit hkungga na kadai wa rai ta? amyu baw ni a hpaji rawng ai ni mahkra hta mung, shanhte a daru magam rawng ai ni mahkra hta mung, nang hte bung ai wa n nga ai.

YEREMIA 30:24

Yehowa pawt bu kahtet ai gaw, shi myit mamyit hte maren, garai n ngut n dik dingsa sim wa na n rai: nanhte gaw htawm hpang e dai lam chye lu na myit dai.

YEREMIA 48:47

Rai timung, hpang jahtum ai aten e ngai gaw, Moba bawng dung ai ni hpe, bai nhtang wa shangun na nngai, nga nna Yehowa tsun ai. Ndai yang du hkra, Moba dawdan hkrum ai ga rai nga ai.

EZEKELA 28:3

Yu u, nang gaw Daniela hta hpaji grau lu nna, na a man e makoi magap da ai lam n nga a hka!

EZEKELA 38:16

mungdan hpe sumwi ka-up ai zawn, nye a amyu Israela hpe lung gasat na ndai; shing rai, Goga e, maigan amyu ni a man e na a jaw e ngai shagrau sha-a ai hkrum ai shaloi, shanhte ngai hpe chye lu hkra, hpang jahtum ai aten e ngai nang hpe nye a mungdan de woi jashawn na nngai.”

EZEKELA 38:8

Nhtoi tsawmra na wa yang, nang ahkang aya lu la na ndai: shing rai, nhtu tsin-yam lawt nna, amyu baw ni hta na shaw la hkrum ai hte, nhtoi na na wa katsi katsang rai nga ai, Israela bum ni a ntsa e dè nga ai amyu hpang de, hpang jahtum ai aten e, nang lung gasat na ndai; rai timung, dai mung masha ni gaw maigan amyu ni hta na shaw la ai hkrum nna, yawng hte gaw apyaw sha shanu nga na mara ai.

Daniela 1:20

Hkawhkam wa san yu ai hpaji byeng-ya hte, chye chyang ai lam mahkra hpe, dai shabrang ni gaw, mungdan ting a lakle sara ni hte, htamshi grau nna chye ma ai.

Daniela 10:14

Ya chyawm gaw, na a amyu masha ni hta htawm hpang e byin na ra ai amu a lam ni hpe, nang hpe chye na shangun na matu, ngai du ni ai; ndai shingran gaw naw na ai aten hte seng nga ai,” nga nna ngai hpe tsun ai.

Daniela 2:18

shanhte gaw, Babelon mare na hpaji rawng ai ni hte rau sat kau ai n hkrum hkra, dai makoi magap da ai lam hta, sumsing lamu na Karai Kasang kaw na, matsan dum ai chyeju lu la na matu, Daniela hte shi a kanawn manang ni akyu hpyi ma ai.

Daniela 2:22

shi gaw, sung htum ai hte makoi magap da ai lam ni hpe, shapraw dan wu ai; nsin hta rawng marawng hpe shi chye nna, nhtoi gaw shi hte rau shanu nga ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 2:45

Lata hte n tawk ai nlung langai mi gaw, bum ga de na chyai hkrat wa nna, ahpri, magri, ga kagam, gumhpraw hte aja hpe agrawp mani kau ai, nang mu ai majaw, galu kaba ai Karai Kasang gaw htawm hpang e byin na ra ai lam hkawhkam wa hpe madun dan nu ai: yup mang gaw grin nga ai, ga lachyum gaw teng nga ai,” ngu nna hkawhkam wa hpe tsun dan wu ai.

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

Daniela 4:5

ngai hpe hkrit kahpra shangun ai yup mang, ngai mu nngai: ngai yup ku ntsa e myit sumru yu ai hte, ngai mu ai shingran gaw, ngai hpe myit ru shangun nngai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

AMO LAIKA (AMOS) 4:13

Kaning rai nme law, yu u, bum ni hpe gaw da nna, nbung hpe hpan da ai hte, masha a myit mang ai hpe shapraw shadan chye ai wa, jahpawt nhtoi hpe nsin shatai ai hte, ga ntsa na tsaw htum ai shara ni hpe kabye hkawm ai wa gaw, Zaw nawng zaw wa up ai, Karai Kasang Yehowa, mying ai wa rai nga ai.

BU HKAWM 24:14

Ya chyawm gaw nye a amyu hpang de ngai wa na ni ai; madat la, ndai amyu masha ni htawm hpang de na a amyu hpe kaning di na maru ai gaw ngai madun de ga,” ngu nna Balak hpe htan wu ai.

MAHTE 6:9

Dai rai nna, nanhte gaw ning ngu akyu hpyi mu, Sumsing lamu na anhte a Wa e, Na a amying nsang chyoi pra nga lit ga;

TARA JAHPRANG 31:19

Dai rai nna, ndai mahkawn mangoi ga hpe ka tawn da nna, Israela kashu kasha ni hpe sharin ya mu: dai mahkawn mangoi ga gaw Israela kashu kasha ni a man e nye a lam sakse tai nga na matu shanhte a n-gup hta rawng nga malu ga.

TARA JAHPRANG 4:30

Htawm hpang prat e ndai lam yawng mayawng hte katut nna ruyak kyin dut ai hkrum sha ai shaloi, na a Karai Kasang Yehowa hpang de bai wa nna, shi a nsen madat lu na marin dai:

2 TIMOHTI 3:1

Dai hta kaga, hpang jahtum na nhtoi ni hta e, yak la ai aten du na ra ai, chye nga u,

HEBRE 1:1

Karai Kasang gaw moi na lakhtak e, myihtoi ni a n-gup hte, ga htap law law hte lam amyu law law hta, ji wa ni hpe ga tsun da nhtawm e,

2 PETRU 3:3

Kaning rai nme law, hpang jahtum na nhtoi hte hta, tinang a myit kayut ai hku hkan nna, asawng asang rai let, Dai Madu bai du na ra ai, nga ai ga ndat gaw, kanang rai nga a ta?

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai: