Daniela 2:27 - Jinghpaw Hanson Version Bible

²⁷ Daniela gaw, “Hkawhkam wa san ai makoi magap nga ai lam hpe, hpaji rawng ai ni, mandan bau ai ni, lakle sara ni, gumhpan hpan ai ni, hkawhkam wa hpe madun dan lu ai n rai:

Jinghpaw Common Language Bible 2009

²⁷ Daniela chyawm gaw, “Madu hkawhkam wa e, dai lam nang hpe tsun dan lu na hpyi lamum sara, mandan sara, gumhpan hpan ai hte lakle sara kadai mung nga ai n rai.

Daniela 2:27 ပူးပေါင်းရင်းမြစ်များ

NINGPAWT NINGHPANG 40:8

Shan gaw, An yup mang mu saga ai, rai timung htai ya lu ai masha n nga ai, ngu nna htan mu ai: shaloi Yawsep gaw, Yup mang a lachyum lam gaw Karai Kasang hte sha seng ai n rai ni? dai ngai hpe hkai dan mi, ngu mu ai.

NINGPAWT NINGHPANG 41:8

Jahpawt rai jang Hpara-u gaw myit ru nna, Egutu mung na gumhpan ni mahkra hte hpaji byeng-ya rawng ai ni yawng hpe shaga la nhtawm, shanhte hpe shi a yup mang hkai dan wu ai: rai timung, Hpara-u hpe yup mang htai ya lu ai masha langai mi muk n nga ma ai.

ESAIA 19:3

Egutu a myit gaw, shi a kraw e run wa nna, ngai gaw shi a hpaji daw ai hpe jahten na we ai; shaloi shanhte gaw, hpara sumla ni, mandan bau ai ni, nat shung ai ni hte shaba wawt ai ni hpe tam na mara ai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

YEREMIA 10:7

Amyu baw ni a hkawhkam wa e, nang hpe hkrit hkungga mai ai rai nna, nang hpe n hkrit hkungga na kadai wa rai ta? amyu baw ni a hpaji rawng ai ni mahkra hta mung, shanhte a daru magam rawng ai ni mahkra hta mung, nang hte bung ai wa n nga ai.

Daniela 1:20

Hkawhkam wa san yu ai hpaji byeng-ya hte, chye chyang ai lam mahkra hpe, dai shabrang ni gaw, mungdan ting a lakle sara ni hte, htamshi grau nna chye ma ai.

Daniela 2:2

Yup mang htai ya na matu, hkawhkam wa gaw, lakle sara ni, mandan bau ai ni, gumhpan hpan ai ni hte Hkalde sara ni hpe shaga la na, hkang da wu ai: shing rai shanhte sa shang nna, hkawhkam wa man e tsap nga ma ai.

Daniela 4:7

Dai rai nna lakle sara ni, mandan bau ai ni, Hkalde sara ni hte gumhpan hpan ai ni shang yang, ngai shanhte hpe nye a yup mang hkai dan timung, shanhte gaw de a lachyum ngai hpe htai dan lu ma ai, n rai.