Daniela 2:26 - Jinghpaw Hanson Version Bible

²⁶ Hkawhkam wa mung, “Ngai mu ai yup mang hte de a ga lachyum, ngai hpe htai dan lu n ni?” ngu nna Belteshaza mying ai Daniela hpe san wu ai.

Jinghpaw Common Language Bible 2009

²⁶ Hkawhkam wa gaw Daniela (Belteshaza mying ai) hpe, “Ngai mu ai yup mang hte de a lachyum hpe nang tsun dan lu na n ni?,” ngu nna tsun wu ai.

Daniela 2:26 ပူးပေါင်းရင်းမြစ်များ

NINGPAWT NINGHPANG 41:15

Shaloi Hpara-u gaw Yawsep hpe, Ngai yup mang mu nngai; dai htai ya lu ai masha langai mi mung n nga ma ai: nang chyawm gaw, yup mang hkai ai na jang, de a lachyum nang chye htai ya ai nga ai gaw, ngai na se ai, ngu nna tsun wu ai.

Daniela 1:7

Unuk ni a agyi wa gaw shanhte a amying lai nna, Daniela hpe Belteshaza, Hanania hpe Shadrak, Mishaela hpe Meshak, Azaria hpe Abed-nego, ngu nna shamying mu ai.

Daniela 4:8

Dai hpang e, nye a hpara amying hkan nna, Belteshaza mying ai hte, chyoi pra ai hpara ni a wenyi hpring ai Daniela gaw, nye a yup mang shi hpe hkai dan let,

Daniela 5:12

kaning rai nme law, Belteshaza ngu nna hkawhkam wa shamying ai ndai Daniela hta, nyan kaja, chye chyang ai myit, hpaji byeng-ya hte yup mang chye htai ai, makoi magap lam chye shapraw ai, gumwai ga chye malan ai nyan rawng nga ai. Ya, Daniela hpe shaga u; de a ga lachyum shi shapraw dan na ra ai,” ngu nna tsun wu ai.

Daniela 5:16

Nang mahtang htai dan lu nna, gumwai ga malan lu ai hpe, na a lam ngai na ni ai: ya, ndai ka da ai ga hpe nang hti lu nna, de a lachyum ngai hpe shapraw dan lu yang, hkyeng sawm ai hpun palawng nang bu hpun nna, ja hkachyi gali let, ndai mungdan hta masum ngu na du tai na rin dai,” ngu nna Daniela hpe tsun wu ai.

Daniela 7:1

Babelon hkawhkam Belashaza hkaw dung ai shawng shaning e, Daniela gaw yup mang mu nna, shi yup ku ntsa e shingran mu nga ai: shaloi shi gaw dai yup mang lam ka da nna, de a ga kanu shapraw dan wu ai.

1 SAMUELA 17:33

Shawlu gaw, “Nang dai Hpilisti masha hpe n sa gasat lu law; nang ma sha naw rai nga ndai; dai wa gaw, kaji kaw nna majan gun man sai,” ngu nna Dawi hpe tsun wu ai.