Daniela 2:23 - Jinghpaw Hanson Version Bible

²³ Nye a ji wa ni a Karai Kasang e, nang ngai hpe hpaji byeng-ya hte n-gun atsam jaw nna, anhte hpyi ai hte maren, ngai hpe ya shapraw dan ndai majaw, ngai chyeju dum nna, nang hpe shakawn nngai law; gaja wa, hkawhkam wa hte seng ai lam, nang anhte hpe shapraw shadan dan mi ai,” nga nna tsun ai.

Jinghpaw Common Language Bible 2009

²³ Nye a kaji kawa ni a Karai Kasang e, ngai nang hpe shakawn kungdawn ai hte shagrau sha-a nngai. Nang gaw ngai hpe hpaji byeng-ya hte n-gun jaw ya nga nit dai; nang gaw nye a akyu hpyi ga hpe htan ya nga nit dai hte hkawhkam wa hpe kaning ngu tsun na mung anhte hpe madun dan nga nit dai.”

Daniela 2:23 ပူးပေါင်းရင်းမြစ်များ

NINGPAWT NINGHPANG 18:17

Ya Yehowa gaw, “Ngai galaw ai amu Abraham hpe ngai makoi na we ai kun?

NINGPAWT NINGHPANG 31:42

Ya mung, nga wa a Karai Kasang, Abraham a Karai Kasang, ngai wa Isak a hkrit hkungga ai, ngai hte rau n nga taw gaw, gaja wa teng teng nang ngai hpe kaman dat dat na ndai: ngai ru tsang ai hte nye a lata galaw ba ai hpe Karai Kasang mu nna mana e nang hpe daru nit dai, ngu nna tsun wu ai.

1 HKAWHKAM 18:36

Ya shana hkungga jaw ang ai aten e, myihtoi Elia sit sa nna, “Abraham a, Isak a, Israela a Karai Kasang Yehowa e; nang gaw Israela amyu hta Karai Kasang rai nga ai mung, ngai gaw na a shangun ma rai nga nngai mung, ndai ngai galaw ai yawng gaw, na a mungga hte ngai galaw nngai mung, dai ni jang chye lu hkra shapraw dan u:

1 HKAWHKAM 8:57

Anhte a Karai Kasang Yehowa gaw ji wa ni hte rau nga nga ai hte maren, anhte hte rau mung nga nga u ga; anhte shi hta shamyet shanat nga lu nna,

1 HKAWHKAM LABAU 29:10

Dai re ai majaw, Dawi gaw shawa hpawng ting a man e Yehowa hpe shakawn kungdawn let, “Anhte a Wa, Karai Kasang Yehowa e, nang gaw htani htana prat dingsa, a nga n ga law.

1 HKAWHKAM LABAU 29:13

Dai re ai majaw, anhte a Karai Kasang e, na a chyeju hpe anhte dum nna, na a hpung shingkang rawng ai mying ningsang shakawn kungdawn nga ga ai.

2 HKAWHKAM LABAU 20:6

“Anhte a ji wa ni a Karai Kasang Yehowa e, nang gaw sumsing lamu hta e Karai Kasang nan rai nga ndai, n rai ni? nang gaw maigan amyu ni a mungdan mahkra a du rai nga ndai, n rai ni? nang hpe kadai na hkap daw lu hkra, na a lata hta n-gun atsam rawng nga lit dai.

SHAKAWN KUNGDAWN 21:2

Shi myit ra ai hku nang shi hpe jaw nit dai rai nna, Shi a n-gup hte hpyi ai lam ndang kau ndai n rai. [Selah.]

SHAKAWN KUNGDAWN 21:4

Shi nang kaw na asak galu hpyi nna, Nang shi hpe htani htana nhtoi jaw da nu ai.

SHAKAWN KUNGDAWN 25:14

Yehowa hpe hkrit kamyin ai ni, shi a sung ai lam chye nga nna, shi shanhte hpe shi a ga shaka chye lu shangun mu ai.

SHAKAWN KUNGDAWN 50:14

Karai Kasang hpe shakawn kungdawn hkungga jaw u, Tsaw htum ai Wa hpe na a ga ndat rap raw u.

PRU MAT 3:15

Bai Karai Kasang gaw Mawshe hpe, “Nanhte a nji nwoi ni a Karai Kasang, Abraham a Karai Kasang, Isak a Karai Kasang, Yaku a Karai Kasang ngu ai shangun dat ni ai, ngu nna Israela a kashu kasha ni hpe nang tsun na rai ndai: dai gaw htani htana na nye a amying rai nga na li ai; dai gaw prat mi hte prat mi na nye a masat dingsat mying rai nga na li ai.

GA SHAGAWP 21:22

Hpaji rawng ai wa gaw, n-gun ja ai ni a mare de lung lu nna, De a ngang ai shamyet shanat shara hpe, shagrit kau wu ai.

GA SHAGAWP 24:5

Hpaji byeng-ya rawng ai wa gaw, n-gun ja nga ai; chye chyang ai myit rawng ai wa gaw, n-gun lagaw jat wa nga ai.

GA SHAGAWP 8:14

Hpaji daw lu ai hte lam madung ngai rai nga nngai; Chye chyang ai npawt ngai rai nga nngai; Ngai gaw n-gun atsam hte hpring nga nngai.

HPAJI NINGLI 7:19

Hpaji rawng ai wa gaw, hpaji a majaw, mare e nga ai hpyen share shi hta n-gun grau rawng nga ai.

HPAJI NINGLI 9:16

Shaloi ngai gaw ‘Hpaji byeng-ya gaw n-gun atsam hte grau kaja nga timung, matsan mayan wa a hpaji byeng-ya gaw jahpoi asawng ai hkrum nna, shi a ga hpe madat ma ai, n rai,’ nga nna tsun nngai.

HPAJI NINGLI 9:18

Hpaji byeng-ya gaw ri nhtu hte grau kaja nga ai: yubak kap ai wa langai mi mahtang mai kaja ai law law hpe jahten lu ai.

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

YEREMIA 33:3

Ngai hpe shaga e, ngai nang hpe htan na de ai; nang n chye na ai, galu kaba ai hte yak la ai amu, ngai nang hpe madun na de ai.

Daniela 1:17

Ya Karai Kasang gaw dai shabrang mali hpe, laika chye ai hte hpaji byeng-ya amyu myu hta nyan rawng nna, chye chyang ai myit, jaw manu ai: Daniela mung, shingran hte yup mang amyu myu chye htai ai nyan hpring nga ai.

Daniela 2:18

shanhte gaw, Babelon mare na hpaji rawng ai ni hte rau sat kau ai n hkrum hkra, dai makoi magap da ai lam hta, sumsing lamu na Karai Kasang kaw na, matsan dum ai chyeju lu la na matu, Daniela hte shi a kanawn manang ni akyu hpyi ma ai.

AMO LAIKA (AMOS) 3:7

Gaja wa, Madu Yehowa gaw, shi myit maw ai lam, shi a shangun ma myihtoi ni hpe garai n shapraw dan yang, hpa mung galaw na n rai.

MAHTE 11:25

Dai aten hte hta Yesu gaw ga hpaw nna, “Sumsing lamu hte ginding aga a Madu, Wa e; hpaji byeng-ya rawng ai ni hte myit kunghpan ai ni kaw na ndai lam nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai:

LUKA 10:21

Dai ahkying hta Yesu gaw Chyoi pra ai Wenyi hta kabu nna, Sumsing lamu hte ginding aga a Madu, Wa e: hpaji byeng-ya rawng ai ni hte myit kunghpan ai ni kaw na, ndai lam ni hpe nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai: rai sa, Wa e, dai gaw nang tsaw ai hku rai nga lit dai.

YAWHAN 11:41

Dai rai nna nlung dai hpe shanhte galau kau mu ai. Shaloi Yesu gaw lamu de mada yu nna, “Wa e, nang nye a ga madat ya ndai majaw, ngai nang hpe shakawn nngai law.

YAWHAN 15:15

Ya kaw nna ngai nanhte hpe mayam n ngu na ni ai; kaning rai nme law, mayam gaw madu galaw ai amu hpe n chye wu ai: nanhte hpe jinghku she ngai ngu na made ai; nye Wa kaw na ngai na la ai hte yawng, ngai nanhte hpe chye shangun masade ai.

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai:

SHINGRAN 5:5

Dai rai nna, salang ni hta na langai mi gaw, Hkum hkrap et; yu u, Yuda amyu hta na hkanghkyi ngu ai Dawi a aru madung gaw, dai laika hte de a dazik sanit hpe hpaw lu hkra dang kau nu ai, nga nna ngai hpe tsun dan nngai.