Daniela 2:22 - Jinghpaw Hanson Version Bible

²² shi gaw, sung htum ai hte makoi magap da ai lam ni hpe, shapraw dan wu ai; nsin hta rawng marawng hpe shi chye nna, nhtoi gaw shi hte rau shanu nga ai.

Jinghpaw Common Language Bible 2009

²² Shi gaw sung ai hte makoi magap da ai arai ni hpe shapraw dan nga ai; shi gaw nsin kata hta makoi magap da ai arai ni hpe chye nga ai, shi hkum nan hpe chyawm gaw nhtoi hte gawan shinggrup da nga ai.

Daniela 2:22 ပူးပေါင်းရင်းမြစ်များ

NINGPAWT NINGHPANG 41:16

Yawsep chyawm gaw, Ngai rai timung nye a myit hte htai lu ai n rai: Karai Kasang gaw Hpara-u hpe ngwipyaw ai hte ga lachyum hpaw ya u ga, ngu nna Hpara-u hpe htan wu ai.

YOBA 12:22

Asin amang hta na, sung htum ai arai shi shadan dan nna, si ai shingnip hpe nhtoi hta shapraw dan wu ai.

YOBA 26:6

Katsan ga gaw shi a man e brang lang rai nga nna, sung htum ai shara hta magap n rawng nga ai.

SHAKAWN KUNGDAWN 104:2

Nhtoi hpe nba zawn nang hpun lawai nga ndai, Sumsing lamu hpe hpajawng zawn, nang kahpyen da nu ai.

SHAKAWN KUNGDAWN 25:14

Yehowa hpe hkrit kamyin ai ni, shi a sung ai lam chye nga nna, shi shanhte hpe shi a ga shaka chye lu shangun mu ai.

SHAKAWN KUNGDAWN 36:9

Nang hte rau asak hka hpawk rai nga ai; Na a nhtoi majaw anhte nhtoi mu lu na ga ai.

HPAJI NINGLI 8:1

Hpaji byeng-ya rawng ai wa kadai rai ta? Sumtu ga lachyum kadai chye shapraw a ta? Hpaji byeng-ya gaw, masha a myi man jahtoi ya nga ai; shi myi man a ahpraw nsam galai mat nga ai.

ESAIA 41:22

Shanhte myihtoi ga shapraw nna, hpa byin na ra ai hpe tsun dan maru ga; moi shawng de byin ai lam ni anhte myit aru yu nna, de a jahtum chye na lu hkra, tsun maru ga: shing n rai, byin na ra ai lam ni anhte hpe shana ya mi.

ESAIA 41:26

Anhte chye lu hkra, moi npawt kaw nna dai lam tsun dan ai wa, teng nga ai, nga nna anhte tsun lu hkra, ndai lam shapraw ai wa, kadai rai ta? gaja wa, tsun dan ai wa langai mi n nga ai, shapraw dan ai wa langai mi n nga ai, nanhte a ga na lu ai wa langai mi n nga ai.

ESAIA 42:9

Yu mu, shawng hkaw ai lam ni byin wa sai; lam ningnan ni hpe ya ngai tsun nngai; garai n byin pru yang, ngai nanhte hpe tsun shana ya ni ai.

ESAIA 45:7

Ngai nan nhtoi hpe jahtoi nna, nsin hpe hpan da we ai; ngai nan ngwipyaw lam shatai nna, gumle gumlau lam shabyin nngai: ndai lam yawng mayawng hpe shabyin ai Yehowa gaw, ngai nan rai nga nngai.

YEREMIA 23:24

Ngai n mu lu hkra, shim ai shara hta kadai wa makoi nga lu a ta? nga nna Yehowa tsun ai. Ngai gaw sumsing lamu hte ginding aga hpe jahpring lu ai n rai ni? nga nna Yehowa tsun ai.

YEREMIA 33:3

Ngai hpe shaga e, ngai nang hpe htan na de ai; nang n chye na ai, galu kaba ai hte yak la ai amu, ngai nang hpe madun na de ai.

Daniela 2:11

Hkawhkam wa san ai lam gaw, yak la ai lam rai nga ai: shinggyim masha ni hte rau n shanu ai hpara ni hta kaga, hkawhkam wa man e dai lam shapraw lu ai wa, kadai n nga ai,” ngu nna hkawhkam wa hpe htan mu ai.

Daniela 2:19

Dai rai nna shana aten e, shingran hte, Daniela hpe dai lam shapraw dan wu ai.

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

Daniela 5:11

chyoi pra ai hpara ni a wenyi rawng ai wa langai mi, na a mungdan hta shanu nga ai: hpara ni a hpaji hte bung ai, myit leng ai, chye chyang ai hte hpaji byeng-ya gaw, na nwa a prat e, dai wa hta rawng nga ai; na nwa hkawhkam Nebuhkadneza mung, gaja wa dai wa hpe lakle sara ni, mandan bau ai ni, Hkalde sara ni hte gumhpan hpan ai ni a ntsa e, up shangun wu ai:

Daniela 5:14

Chyoi pra ai hpara ni a Wenyi nang hta rawng nna, myit leng ai, chye chyang ai hte nyan kaja nang hta hpring nga ai, nga nna kajai ai shi ngai na nngai.

MAHTE 13:13

Dai rai nna, shanhte mu lamu n mu ai hte, na lana n na la nna, n chye na ma ai majaw, ga shadawn hku ngai shanhte hpe tsun dan mawe ai.

YAWHAN 1:9

Mungkan ga de sa nga let, masha nlang hte hpe jahtoi ya ai nhtoi majing chyawm gaw, nga nga sai.

YAWHAN 21:17

Bai masum lang, “Yawhan a kasha Simun e, nang ngai hpe tsawra nga nni?” ngu nna san wu ai. Masum lang du hkra, Nang ngai hpe tsawra nga nni? nga nna shi hpe san wu ai majaw Petru myit yawn nna, “Madu e, nang gaw yawng mayawng hpe chye nga ndai; ngai nang hpe tsawra nga nngai gaw, nang chye nga ndai,” ngu nna, htan wu ai. Yesu gaw, “Nye a sagu ni hpe bau nga u.

YAWHAN 8:12

Dai re ai majaw Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai: nye a hpang hkan nang ai wa gaw, nsin hta n hkawm n sa lu na rai nna, asak a nhtoi lu la na ra ai,” ngu mu ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

EHPESU 3:5

dai lam chyawm gaw, dai kabu gara shiga a marang e, Hkristu Yesu hta e, maigan amyu ni gaw Yuda ni hte rau, ga ndat a sali wunli hkam la lu nna, shanhte hte rau hkumhkrang langai sha hte, ga ndat ni hpe jawm lu jawm la ai ni rai nga ma ai hpe,

TARA JAHPRANG 29:28

Makoi magap nga ai hte gaw anhte a Karai Kasang Yehowa hte seng nga ai: ndai tara matsun nlang hte gaw, anhte hkan nang nga lu hkra, dan shapraw ya sai lam ni gaw, anhte hte anhte a kashu kasha ni hte htani htana seng nga ai.

1 TIMOHTI 6:16

shi chyu sha htani htana asak a rawng nga ai hte, n dep lu ai nhtoi hta anga nga ai; masha gade ai mung shi hpe n mu yu ai hte, n mu lu nga ai: shi kaw htani htana arawng sadang hte hpung shingkang anga nga u ga law. Amen.

HEBRE 4:13

Shi a man e n dan n leng ai hpan da ai arai langai mi mung n nga ai; yawng mayawng gaw shi myi a man e dan leng nga ai hte asan brang lang rai nga ai rai nna, anhte shi a man e jahpan dan lu na ga ai.

YAKU 1:17

Kaja ai kumhpaw nlang hte hte, hkum hkum re ai kumhpa yawng hte gaw, ntsa de nna rai nga ai hte, nhtoi hkum ni a Kawa kaw na yu hkrat wa ai rai nna, shi hta e gale galau re ai hte kayin kaye re ai shingnip rawng nga lu ai n rai.

1 YAWHAN 1:5

Karai Kasang gaw nhtoi rai nga ai hte, shi hta nsin hpa mung n rawng nga ai, da ndai gaw, shi kaw na anhte na yu ai hte, nanhte hpe gawn dan ai shiga rai nga ai.