Daniela 2:20 - Jinghpaw Hanson Version Bible

²⁰ Shaloi Daniela gaw sumsing lamu na Karai Kasang a chyeju hpe shagrau sha-a let, “Karai Kasang a amying ningsang gaw, htani htana prat dingsa, a nga u ga law: shi gaw hpaji byeng-ya hte n-gun atsam hpring nga ai.

Jinghpaw Common Language Bible 2009

²⁰ “Karai Kasang gaw hpaji rawng ai hte daru magam n-gun rawng nga a hka! Shi hpe htani htana shakawn kungdawn mu.

Daniela 2:20 ပူးပေါင်းရင်းမြစ်များ

NINGPAWT NINGHPANG 14:20

na a gumlau ni hpe na a lata hta ap ya ai Tsaw Htum ai Karai Kasang mung a nga u ga law,” ngu nna shaman ya wu ai. Abram mung shi lu la ai mahkra hta na htamshi hta htammi shi hpe jaw da wu ai.

1 HKAWHKAM 8:56

“Shi a amyu Israela hpe, tsun da ai hte maren, ngwipyaw lam jaw da ai Yehowa gaw, a nga u ga law; shi a shangun ma Mawshe a lata hte shi jaw da ai ga ndat langai mi muk, nhten n run nga ai.

1 HKAWHKAM LABAU 29:20

Shaloi Dawi gaw, shawa hpawng ting hpe, “Nanhte a Karai Kasang Yehowa hpe ya shakawn kungdawn mu,” ngu mu yang, shawa hpawng ting gaw, shanhte a kaji kawa ni a Karai Kasang Yehowa hpe shakawn kungdawn nna, gum dagup let, Yehowa hpe mung, hkawhkam wa hpe mung, nawku mu ai.

2 HKAWHKAM LABAU 20:21

Bai shi gaw, mung masha ni hte bawng jahkut nhtawm, Yehowa a n-gaw nwai ai myit tutnawng grin nga ai majaw, mawn sumli ai hte shakawn kungdawn mu, nga nna hpyen luksuk ni a shawng e sa wa na, Yehowa hpe mahkawn mangoi chye ai ni hpe san da mu ai.

NEHEMIA 9:5

Bai Lewi masha ngu ai, Yeshua, Kadmiela, Bani, Hashabni, Sherebia, Hodia, Shebania, Pehtahia hte gaw, “Rawt mu, nanhte a Karai Kasang Yehowa hpe tutnawng prat dingsa e shagrau sha-a nga u ga law; shagrau sha-a ai hte shakawn kungdawn n ma ai, na a dan hkung nga ai mying nsang gaw, a nga u ga law.

YOBA 12:13

Karai Kasang chyawm gaw, hpaji byeng-ya hte daru magam rawng nga ai; shi hta hpaji daw ai hte, myit tsup ai nyan, hpring nga ai.

SHAKAWN KUNGDAWN 113:1

Yehowa a ali ama ni e, shakawn mu, Yehowa a amying nsang hpe kungdawn mu.

SHAKAWN KUNGDAWN 113:2

Ya kaw nna htani htana du hkra, Yehowa a amying ningsang, a nga lu ga.

SHAKAWN KUNGDAWN 115:18

Anhte chyawm gaw, ya kaw nna, htani htana du hkra, Yehowa hpe shakawn kungdawn nga na ga ai. Halelu-Yah.

SHAKAWN KUNGDAWN 147:5

Anhte a Madu galu kaba nga ai rai nna, Shi a hpung shingkang mung galu kaba nga ai; Shi myit ai lam kadai n dang gawn lu ai.

SHAKAWN KUNGDAWN 41:13

Israela a Karai Kasang Yehowa gaw, Htani htana prat dingsa e, a nga u ga law. Amen, rai sa, Amen.

SHAKAWN KUNGDAWN 50:23

Shakawn kungdawn hkungga jaw ai wa gaw, Nye a arawng shapraw ai wa rai nga ai: Shi hkan sa ai lam yaw yu ai wa hpe, Karai Kasang a hkye hkrang la ai lam ngai madun na we ai.

SHAKAWN KUNGDAWN 62:11

Karai Kasang lang mi ga jaw ni ai: Karai Kasang n-gun a npawt rai nga ai gaw, Lahkawng lang ngai na yu se ai.

GA SHAGAWP 8:14

Hpaji daw lu ai hte lam madung ngai rai nga nngai; Chye chyang ai npawt ngai rai nga nngai; Ngai gaw n-gun atsam hte hpring nga nngai.

YEREMIA 32:19

hpaji daw ai hta mauhpa, amu shachyen ai hta kaba ai wa, nang rai nga ndai; langai hte langai tinang hkan ai lam, tinang galaw ai arawn alai hte maren, nhtang jaw na matu, na a myi gaw shinggyim masha ni hkawm sa ai lam mahkra hpe azi yu nga ai;

EZEKELA 28:3

Yu u, nang gaw Daniela hta hpaji grau lu nna, na a man e makoi magap da ai lam n nga a hka!

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

YUDA 1:24

Ya chyawm gaw, kataw katan nrai hkra nanhte hpe bau sin lu ai rai nna, mara n rawng let, kabu gara la ai hte shi a hpung shingkang a man e nanhte hpe tawn da lu na,

SHINGRAN 5:12

shanhte gaw Sat kau hkrum ai Sagu Kasha gaw, hpung shingkang, sutgan, hpaji byeng-ya, n-gun lagaw, arawng sadang, hpung shingkang hte shakawn kungdawn ai hpe hkam la na, ging dan nga ai law, nga nna nsen kaba hte tsun shakawn nga ma ai.