Daniela 12:7 - Jinghpaw Hanson Version Bible

⁷ Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

Jinghpaw Common Language Bible 2009

⁷ Dai lamu kasa gaw lamu de lata lahkawng sharawt nhtawm Htani Htana a Karai Kasang a mying ningsang hta dagam shaka let ga sadi tawn da wu ai. Shi gaw, “Dai aten gaw masum ning a chyen mi rai na ra ai. Karai Kasang a amyu masha ni hpe zingri zingrat ai aten htum jang, ndai lam yawng mayawng byin wa na ra ai,” ngu nna tsun ai ga hpe ngai na nngai.

Daniela 12:7 ပူးပေါင်းရင်းမြစ်များ

YOBA 27:2

nye amu hpe shabyak kau ya ai, hkrung nga ai Karai Wa hte, Nye a wenyi hpe sharu ai, n-gun chyalai rawng ai wa hpe, gang let,

ESAIA 62:12

Shing rai amyu baw ni gaw shanhte hpe, Chyoi pra ai amyu, Yehowa a lata hte Hkye hkrang la hkrum ai amyu, ngu nna shamying na maru ai: nang hpe mung, Mare dingsa n rai, Shanu nga mai ai mare, nga nna shamying na mara ai.

YEREMIA 4:2

dai hta kaga nang gaw, hkrung nga ai Yehowa amying gang let, tengman ai hku, tara ding ai hku, dinghpring ai hku dagam lu nna, maigan amyu ni gaw, shi a amying hta tinang hkum hpe shaman ya nna, shi hta hpa let gumrawng na mara ai, nga nna Yehowa tsun ai.

EZEKELA 20:5

Madu Yehowa ning nga ai, ngu nna shanhte hpe tsun u: Israela amyu hpe ngai lata la nna, Yaku dap na aru arat hpe ga shaka tawn da ai hte, Egutu mung hta nye hkum shanhte hpe shadan dan ai shani e, Ngai gaw nanhte a Karai Kasang Yehowa rai nga nngai, ngu nna shanhte hte dagam ai ga tawn da nngai:

Daniela 10:5

ngai mada yu nna, yu u, Lachyit nba bu hpun nna, Uhpaza ja jet shingkyit kyit let, masha langai mi tsap nga ai hpe, ngai mu nngai:

Daniela 11:13

Kaning rai nme law, dingdung hkawhkam wa gaw bai wa nna, shawng na hta grau law ai wunawng wuwa ni hpe jahpawng nhtawm, aten ladaw lai jang, luksuk laba kaba arung arai law law hte, bai du na ra ai.

Daniela 12:6

Marai langai mi gaw, ‘Ndai mauhpa lam dik wa ai du hkra, gade na na rai ta?’ ngu nna lachyit nba bu hpun let, hka ntsa e tsap nga ai wa hpe san wu ai.

Daniela 12:8

Dai ga hpe ngai na timung, n chye na nngai: dai rai nna ngai gaw, “Madu e, ndai amu ni kaning rai htum lu na rai ta?” ngu nna san we ai.

Daniela 4:31

Dai ga hkawhkam wa naw tsun nga yang pyi, sumsing lamu de na nsen gaw, “Hkawhkam Nebuhkadneza e, na a lam tsun ai ga dik wa sai:

Daniela 4:34

Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

Daniela 7:21

Kaning rai nme law, ngai mada yu yang, moi chyaloi nhkoi na Wa du nna, Tsaw Htum ai Wa a chyoi pra ai ni gaw tara dara na ahkang lu la ai hte,

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

Daniela 8:14

Shaloi shi gaw, “Jahpawt shana hkying lahkawng masum tsa lai ai du hkra, rai na ra ai; dai hpang chyoi pra ai shara hpe jasan jaseng na mara ai,” nga nna ngai hpe htan ai.

Daniela 8:24

Dai wa gaw daru magam rawng timung, shi a n-gun hte n rai; shi gaw jahten shabyak grai chye wa nna, awng wa ai hte shi a myit hkan na ra ai: hpung shingkang rawng ai ni hte, chyoi pra ai amyu hpe, jahten shabyak kau na ra ai.

LUKA 21:14

Dai re ai majaw, kaning ngu nna hkap tsun htan na, nga nna shawng e myit n htang da na hpe, kraw e shatawng da mu:

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

TARA JAHPRANG 26:19

shi hpan da sai masha amyu danghta hta, na a kajai gumhkawng ai, na a nsang mying, na a arawng sadang shagrau ya na nga nna mung, shi tsun tawn da sai hte maren, na a Karai Kasang Yehowa a matu nang hpe chyoi pra ai amyu shatai na nga nna mung, Yehowa dai ni yin la nu ai, nga nna Israela amyu hpe tsun wu ai.

TARA JAHPRANG 32:36

Yehowa gaw shi a amyu hpe tara dara na wu ai; Shi a masha ni n-gun htum mat ai hte, Bawng dung ai mi n nga, bawng lawt ai mi n pra ai hpe shi mu jang, Shanhte a matu myit malai lu ya na wu ai.

TARA JAHPRANG 32:40

Sumsing lamu de nye a lata ngai ladawn nna, Htani htana ahkrung nga ai wa ngai rai nga nngai hte maren:

TARA JAHPRANG 7:6

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai: na a Karai Kasang Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

SHINGRAN 12:14

Dai num gaw lapu kaw na lawt lu nna, nam mali na shi a shara de pyen wa lu nhtawm, dai yang e prat mi, prat lahkawng hte prat ka-ang hkup bau lanu ai hkrum lu hkra, dai landa kaba a singkaw lahkawng maga, shi hpe jaw dat wu ai.

SHINGRAN 12:6

Dai numsha gaw, nam mali de hprawng mat wa ai; dai yang e nhtoi hkying mi ni tsa e kru shi ya tup shi hpe bau mu ga, Karai Kasang gaw shi a matu nga shara lajang da ya wu ai.

SHINGRAN 13:5

Ga kaba hte shatan nhkan tsun chye ai n-gup shi hpe jaw da sai rai nna, shata mali shi lahkawng tup amu galaw na ahkang shi hpe ap ya nu ai.

SHINGRAN 4:10

dai salang hkun mali mung, tingnyang hta dung nga ai wa a man e dingnyawm nna, htani htana prat dingsa ahkrung nga ai wa hpe nawku let, dai tingnyang man e tinang ni a ja janmau ni hpe raw tawn da nna,

SHINGRAN 4:9

Dai dusat amyu mali gaw, tingnyang hta dung ai htani htana prat dingsa ahkrung nga ai wa kaw, hpung shingkang, arawng sadang hte chyeju jaw ma ai shaloi e,