Daniela 12:6 - Jinghpaw Hanson Version Bible

⁶ Marai langai mi gaw, ‘Ndai mauhpa lam dik wa ai du hkra, gade na na rai ta?’ ngu nna lachyit nba bu hpun let, hka ntsa e tsap nga ai wa hpe san wu ai.

Jinghpaw Common Language Bible 2009

⁶ Shan hta na langai mi gaw hka hku maga de tsap nga ai lamu kasa hpe, “Ndai mauhpa amu ni htum mat ai aten du hkra kade na na rai ta?,” ngu nna san wu ai.

Daniela 12:6 ပူးပေါင်းရင်းမြစ်များ

SHAKAWN KUNGDAWN 74:9

Anhte a kumla ni hpe anhte n mu lu gaw ai: Ya aten e myihtoi n pru n nga ai; Anhte hta ladaw langa chye ai masha n nga ai.

EZEKELA 9:2

Shaloi, yu mu, dingdung maga ang ai, lahta chyinghka lam kaw na, marai kru pru nna, langai hte langai tinang a hpyen gasat nwa lang ma ai; shanhte a ka-ang e, lachyit nba lawai nna, laika tsi ndum nshang e noi ai wa, pru wa ai. Shanhte shang nna, magri hkungri makau e tsap nga ma ai.

Daniela 12:5

Shaloi ngai Daniela mada yu yang, yu u, kaga masha lahkawng, hka ndai hkran langai mi, wora hkran langai mi, tsap nga ma ai.

Daniela 12:8

Dai ga hpe ngai na timung, n chye na nngai: dai rai nna ngai gaw, “Madu e, ndai amu ni kaning rai htum lu na rai ta?” ngu nna san we ai.

Daniela 8:13

Shaloi chyoi pra ai wa langai mi a ga tsun ai nsen ngai na nngai: bai, chyoi pra ai wa kaga gaw, ga tsun ai chyoi pra ai wa hpe shaga nna, “Dai chyoi pra ai shara hte, zaw nawng zaw wa hpe kabye anin kau ai hkrum hkra, tutnawng nawng ya ai wan nat hkungga hte, jahten shabyak chye ai tara tawt lai ai lam pru ai shingran gaw, gaten du hkra ri na rai ta?” ngu nna san wu ai.

Daniela 8:16

Bai Ulai hka hkin-gau lapran na masha nsen ngai na nngai: dai nsen gaw, “Gabriela e, ndai wa hpe ya mu ai shingran chye na shangun u,” ngu nna shaga wu ai.

MAHTE 24:3

Shaloi, Tsanlun bum ntsa e dung nga yang, shi a sape ni hkrai shi kaw sit sa nna, “Dai hte gaw galoi e me byin wa na ra ta? nang bai du na hte mungkan ga a htum wa na kumla gaw, hpa kumla rai na ra ta? anhte hpe tsun dan mi,” ngu mu ai.

MARKU 13:4

Dai hte gaw galoi e me rai na ra ta? ndai yawng mayawng hte dik wa magang yang, hpa kumla dan pru na ra ta? anhte hpe tsun dan mi,” ngu nna shi hpe lagyim san mu ai.

EHPESU 3:10

nga manga hte hpe hpan da sai Karai Kasang hta e moi chyaloi nhkoi kaw nna makoi magap da ai sung htum ai ga a aya a lam, hpa rai nga ai gaw, madun dan na,

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.

SHINGRAN 15:6

dai Htingnu kaw na ari zinli sanit lang ai lamu kasa sanit pru sa ma ai; shanhte gaw htoi tu san pra ai lungseng mawn sumli nna, tinang a sinda e aja shingkyit kyit nga ma ai.

SHINGRAN 19:14

Sumsing lamu na luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.

SHINGRAN 6:10

Shanhte gaw, Chyoi pra ai hte tengman ai Madu e, dinghta ga e nga ai ni a ntsa e anhte a asai matai htang na, nang gaten du hkra tara n dara ai nga nga na n ta? nga nna nsen kaba hte a jahtau nga ma ai.