Daniela 12:13 - Jinghpaw Hanson Version Bible

¹³ Nang chyawm gaw dai aten gu hkra sa wa su: nang aban asa nga lu nna, aten ladaw jahtum e na a kamhtaw hta tsap nga lu na rin dai,” nga nna tsun ai.

Jinghpaw Common Language Bible 2009

¹³ “Daniela e, nang mung jahtum du hkra sadi sahka nga u. Dai hpang nang si mat na ndai; rai ti mung nang bai rawt wa nna hpang jahtum na aten hta na a kumhpa hkam la lu na rin dai.”

Daniela 12:13 ပူးပေါင်းရင်းမြစ်များ

SHAKAWN KUNGDAWN 1:5

Dai majaw tara n lang ai ni, tara dara ai hta, Yubak kap ai ni, dinghpring ai ni a hpung hta, n rawt tsap lu na ma ai.

SHAKAWN KUNGDAWN 16:5

Yehowa gaw nye a sali wunli hte, lusha gawm na hkambum rai nga ai: Nang gaw nye a sali kumhtaw hpe sin nga ndai.

SHAKAWN KUNGDAWN 16:9

Dai majaw nye a myit masin kabu nga ai hte nye a arawng awng nga li ai; Nye a hkum shan mung asan apra sha nga lu li ai.

PRU MAT 33:14

Yehowa gaw, “Ngai hkum nan sa nna, nang hpe shalan shabran na de ai,” ngu nna htan ya wu ai.

Daniela 12:3

Nyan rawng ai ni gaw, sumsing lamu a nhtoi zawn, masha law law hpe dinghpring ai maga de jashawn ai ni gaw, shagan ni zawn, htani htana prat dingsa e htoi tu kabrim na mara ai.

Daniela 12:4

Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

ZEHKARIA 3:7

“Zaw nawng zaw wa up ai Yehowa ning nga ai, ‘Nang gaw nye a lam ni hta hkan hkawm nna, nye a ga matsun hpe hkan nang nga yang, nye a nta na tara agyi nang tai nna, nye a wang ni hpe sin lu na ndai: grup yin e tsap nga ai ni a ka-ang e, nang mung ahkang aya lu la na ndai.

MAHTE 19:28

Yesu gaw, “Nanhte hpe ngai teng teng tsun made ga, dai Masha Kasha gaw shi a arawng sadang a tingnyang hta e dung nga yang, bai shangai wa ai aten hta e ngai kaw hkan nang nga ai ni, nanhte mung, tingnyang shi lahkawng hta dung lawm na marin dai rai nna, Israela a amyu shi lahkawng hpe tara dara lu na maru ai.

LUKA 21:36

Dai rai nna, dai byin wa na ra ai lam ni yawng hta na nanhte lawt lu nna, Masha Kasha a man e tsap lu ging ai ni tai lu myit ga, akyu hpyi let, ahkying aten shagu hta a maja nga mu,” ngu mu ai.

2 KORINHTU 5:1

Dinghta ga na nta ngu ai anhte a sum gaw run mat wa rai timung, lata hte n galaw ai nta, sumsing lamu e htani htana re ai Karai Kasang kaw na wahpang anhte lu nga ga ai gaw, anhte chye nga ga ai.

2 HTESALONI 1:7

Karai Kasang hpe n chye n chyang ai ni hte, anhte a Madu Yesu Hkristu a kabu gara shiga n madat mara ni hpe matai dawp na shaloi e,

SHINGRAN 14:13

Shaloi, “Ya kaw nna dai Madu hta si wa ai ni gaw, a lu ma ai,” ngu nna ka da u, nga ai nsen gaw sumsing lamu de na, ngai na nngai: dai Wenyi mung, “Rai sa, shanhte a amu bungli a akyu gaw, shanhte kaw hkan nang nga ai majaw, tinang a magam bungli hta na, shanhte ban sa ai hkrum mu ga,” nga ai.