Daniela 12:10 - Jinghpaw Hanson Version Bible

¹⁰ Masha law law wa tinang hkum hpe shachyoi shapra nna, hpraw wa ai hte san seng na mara ai; tara n lang ai ni chyawm gaw, tara n lang ai hku hkan nang na mara ai; tara n lang ai wa kadai mung, chye na lu na n rai: nyan rawng ai ni chyawm gaw, chye na lu na mara ai.

Jinghpaw Common Language Bible 2009

¹⁰ Masha law law mung san seng wa na mara ai. N hkru ai ni chye na hkawn hkrang na ma ai n rai, rai ti mung n hkru ai hku sha hkan na mara ai; hpaji rawng ai ni chyu sha chye na hkawn hkrang wa na mara ai.

Daniela 12:10 ပူးပေါင်းရင်းမြစ်များ

SHAKAWN KUNGDAWN 107:43

Hpaji rawng ai wa kadai rai timung, ndai amu hpe myit yu nna, Yehowa a chyeju hpe dum nga mu ga law.

SHAKAWN KUNGDAWN 51:7

Husup hte ngai hpe jaseng ya nna, ngai san wa na nngai. Ngai hpe kashin ya nna, hkyen hta grau ngai hpraw wa na nngai.

GA SHAGAWP 1:5

myit su ai wa gaw hkum tsup re ai htung hking hkan nang lu hkra,

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

EZEKELA 47:11

Shait hka hte, hkumpup nawng hta chyawm gaw, mu na n rai: dai gaw shum nna jum lu la na shara tai na ra ai.

Daniela 11:33

Amyu masha ni hta nyan rawng ai ni gaw, masha law law hpe sharin achyin na mara ai: rai timung shanhte gaw nhtoi tsawmra na hkra, ri nhtu, wan nat ai, bawng dung ai hte kashun kashe hkrum na mara ai.

Daniela 11:35

Hpang jahtum na aten du hkra, mung masha ni san seng, chyoi pra ai hte hpraw wa shangun na matu, nyan rawng ai ni nkau mi gaw, asak sum na mara ai: kaning rai nme law, dai amu gaw ndat da ai aten e byin na ra ai.”

Daniela 12:3

Nyan rawng ai ni gaw, sumsing lamu a nhtoi zawn, masha law law hpe dinghpring ai maga de jashawn ai ni gaw, shagan ni zawn, htani htana prat dingsa e htoi tu kabrim na mara ai.

HOSEA 14:9

Da ndai hte hpe chye na lu hkra, hpaji rawng ai wa, kadai rai ta? dai lam ni hpe chye lu hkra, nyan rawng ai wa, kadai rai ta? kaning rai nme law, Yehowa a lam ni malang nga nna dinghpring ai ni dai hta hkan hkawm na mara ai: tara tawt lai ai ni chyawm gaw, dai lam ni hta ahtu kataw na mara ai law.”

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

MALAHKI 3:3

shi gaw janghkam wa zawn dung let, gumhpraw hpe jasan jaseng nna, jen yu ai zawn, Lewi kashu kasha ni hpe jen yu nna, aja hte gumhpraw zawn, shanhte hpe jet shangun na ra ai: shing rai shanhte gaw dinghpring ai hku hkan nna, Yehowa hpe kumhpa nawng ya na mara ai.

MARKU 4:11

Dai rai nna, shi gaw, “Karai Kasang a mungdan a sung htum ai lam hpe, nanhte hpe shadan dan ai ahkang rai nga ai:

LUKA 24:25

Shaloi shi gaw, “Myihtoi ni htawn tsun ai ga mahkra hpe kamsham lu na, hpaji n rawng ai hte myit ja ai ni e!

YAWHAN 18:37

Dai re ai majaw Pilat gaw, “Rai taw, nang hkawhkam teng nga nni?” ngu nna san wu ai. Yesu gaw, “Nang tsun ai hte maren ngai Hkawhkam teng nga nngai: dai ngu nna tengman ai a maga de sakse hkam na matu, ngai shangai jinghkai wa ni ai hte, mungkan ga de du sa ring ngai: tengman ai hte seng ai ni nlang hte gaw, nye a ga nsen madat ma ai,” ngu nna htan wu ai.

YAWHAN 7:17

Dai wa a myit hkan mayu ai wa rai yang gaw, sharin shaga ai ga ndai, Karai Kasang kaw na re ai, shing n rai, nye a myit hte tsun nga ai ga re ai, chye ginhka lu na wu ai.

YAWHAN 8:47

Karai Kasang hte seng ai wa gaw, Karai Kasang a ga madat nga ai; nanhte gaw Karai Kasang hte n seng ai majaw, n madat myit dai,” ngu nna shanhte hpe tsun mu ai.

1 KORINHTU 6:11

Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

2 KORINHTU 7:1

Tsawra ai ni e, ndai ga sadi yawng hte gaw lu la gaw ai majaw, hkumhkrang hte wenyi hpe awu asin di kau ai matsat shabat hta na tinang hkum hpe jasan jaseng kau nhtawm, Karai Kasang hpe hkrit hkungga let shachyoi shapra ai lam shatup nga ga.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

HEBRE 12:10

Shanhte gaw tinang ra ai hku hte maren tawng marang mi sha daru sharin ya lu mi ai; shi chyawm gaw, shi a chyoi pra ai anhte hkam la lu u ga, anhte a akyu matu daru sharin nga ai.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 1:7

ya chyahkring chyahkra e gunglau amyu myu hte nanhte yawn hkyen hkrum nga myit timung, dai hkye hkrang la ai lam a gawp e, nanhte grai kabu gara nga lu myit dai.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.

SHINGRAN 16:11

Shing rai aju machyi ai hte hpye shanam ai ana majaw, shanhte gaw, sumsing lamu na Karai Kasang hpe matsa shatan ma ai; dai hte wa hkrum ma timung, tinang a arawn alai hta na myit malai n lu ma ai.

SHINGRAN 19:14

Sumsing lamu na luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.

SHINGRAN 19:8

hpraw tu ai hte san seng ai lachyit nba hte tinang hkum hpe mawm sumli na ahkang shi lu la nu ai: shing re ai lachyit nba gaw chyoi pra ai ni a dinghpring ai a amu bungli rai nga ai law,” nga nna tsun ai gaw ngai na nngai.

SHINGRAN 22:11

N ding n hpring ai wa gaw, n ding n hpring ai hku naw hkan nga u ga; n san n seng ai wa gaw, n san n seng naw rai nga u ga; dinghpring ai wa gaw, dinghpring ai hku naw shachyen nga u ga; chyoi pra ai wa gaw, naw chyoi pra nga u ga.

SHINGRAN 3:18

Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.

1 SAMUELA 24:13

Moi na ni a ga malai gaw, ‘N hkru ai ni kaw na n hkru ai sha pru chye ai,’ nga ai ga wa teng timung, nye a lata gaw nang kaw n shadu n ga.