Daniela 11:6 - Jinghpaw Hanson Version Bible

⁶ Dai hpang shaning tsawmra na jang, hkawhkam lahkawng shada matut na mara ai rai nna, dingda hkawhkam a shayi sha gaw, amu mye na matu, dingdung hkawhkam hpang de du na ra ai: rai timung, shi a lata lapyin rawng na n rai; dingdung hkawhkam wa hte shi a n-gun mung, grin nga na n rai: hkawhkam shayi sha mung, shi hpe hkan sa ai ni mung, shi hpe shaprat ai wa mung, ndai aten e shi hpe shadaw ai wa mung, shaden jahka kau ai hkrum na mara ai.”

Jinghpaw Common Language Bible 2009

⁶ Shaning tsawmra mi na ai hpang, Egutu hkawhkam wa gaw Suri hkawhkam wa hte jinghku galaw nhtawm shi hpe shi a shayi sha jaw sha wu ai. Rai ti mung jinghku hku ai masa gaw na hkra grin na n rai; shi mung, shi a madu wa mung, shi a ma hte shi kaw hkan nang nga ai shangun ma ni yawng mayawng sat kau ai hkrum na mara ai.

Daniela 11:6 ပူးပေါင်းရင်းမြစ်များ

YOBA 38:15

Tara n lang ai ni a nhtoi hkoi mat wa nna, gumrawng gumtawng ai ni a lata agrawp kau ai hkrum nga ai.

SHAKAWN KUNGDAWN 10:5

Shi hkan ai hku, tutnawng e agrin nga lu ai; Na a tara dara ai lam ni, tsaw htum ai shara zawn, shi hte tsan gang nga ai: Shi a gumlau ni yawng hpe shi kawut kau mu ai.

EZEKELA 30:21

Masha kasha e, Egutu hkawhkam Hpara-u a lahpum hpe ngai daw kau se ai; tsi tsi nna kayawp lu na n rai; nhtu lang na matu, n-gun rawng hkra, sumpan hte ahkyen lu na, n rai.

Daniela 11:13

Kaning rai nme law, dingdung hkawhkam wa gaw bai wa nna, shawng na hta grau law ai wunawng wuwa ni hpe jahpawng nhtawm, aten ladaw lai jang, luksuk laba kaba arung arai law law hte, bai du na ra ai.

Daniela 11:15

Shing rai dingdung hkawhkam sa wa nna, kaduk htu nhtawm, bunghku kaba kum ai mare hpe gasat la na ra ai: dingda luksuk ni n tsap lu ai hte, shi san da ai masha ni hta, hkap gasat na n-gun n rawng nga ai.

Daniela 11:40

“Ya de a ladaw htum wa mahka e, dingda hkawhkam wa gaw, shi hpe htim gasat na ra ai: dingdung hkawhkam wa chyawm gaw, hpyen leng, hpyen gumra, sanghpaw li law law hte hpawn, bungsha zawn ru lung wa let, dai mung ni hta shang nna, lim kabye ga lai kau na ra ai.

Daniela 11:7

“Rai timung, dai shayi sha a aru hta na, kawa a malai, makrung langai mi paw pru nna, shi gaw luksuk laba ni hpe woi let, dingdung hkawhkam a hpyen dap hta shang nhtawm, shi a hpyen ni hpe adip arip di yang, shanhte hpe dang kau na ra ai:

ZEHKARIA 11:16

kaning rai nme law, yu u, ndai mungdan hta sagu rem wa langai mi hpe ngai paw pru shangun na nngai: Dai wa gaw lam yit ai ni hpe n yu, bra mat ai ni hpe n tam, machyi ai ni hpe n shamai, hkam kaja ai ni hpe ushat n jaw ai sha, hpum sau ai ni hpe shi sha kau nna, de a lahkru ni hpe malaw kau na ra ai.