Daniela 11:45 - Jinghpaw Hanson Version Bible

⁴⁵ Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

Jinghpaw Common Language Bible 2009

⁴⁵ Shi gaw panglai hte Nawku Htingnu shadun da ai bum yan a lapran hta hkawhkam sum kaba ni hpe pyi sharawt tawn da na ra ai. Rai ti mung dai yang e shi hpe karum la na kadai mung n nga ai sha shi si mat na ra ai.”

Daniela 11:45 ပူးပေါင်းရင်းမြစ်များ

SHAKAWN KUNGDAWN 48:2

Ngoi rai nna tsaw lung wa ai, Dingdung maga e nga ai Ziun bum gaw, Mungkan ting na ngwipyaw shara rai nga ai: Hkawhkam kaba a mare mung, dai rai nga ai.

ESAIA 10:12

Dai re ai majaw, Madu gaw, Ziun bum hte Yerusalem ntsa e, shi a magam bungli mahkra hpe shangut nhtawm, Asuri hkawhkam a gumrawng gumtawng ai myit hte, grang nna dap mada ai myi man hpe, ngai kawan katsan yu na we ai.

ESAIA 11:9

Nye a chyoi pra ai bum ting hta, shada da zingri ai hte jahten shaza hkat na n rai; kaning rai nme law, nammukdara hka gaw shi a shara hpe lim kau ai zawn, Yehowa hpe chye chyang ai lam, mungkan ting pri rai na ra ai.

ESAIA 14:13

Nang mahtang, Sumsing lamu de ngai lung na nngai; Karai Wa a shagan ni a ntsa e, nye a tingnyang ngai shadun na we ai; dingdung maga htum, majoi shingra bum ntsa e ngai dung na nngai;

ESAIA 2:2

Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

ESAIA 27:13

Dai shani e, pahtau kaba dum dat nna, Asuri mung e si mat magang ai ni hte, Egutu mung hta kau da hkrum ai ni gaw, sa du nna, shanhte gaw Yerusalem mare na chyoi pra ai bum ntsa e, Yehowa hpe nawku na mara ai.

ESAIA 65:25

Chyahkyawn hte sagu kasha rau sha lu nna, hkanghkyi gaw dumsu zawn yi hku sha na ra ai; lapu a shahpa gaw, ga nhpu tai na ra ai: nye a chyoi pra ai bum ting hta e, shada da hkala nba ai hte jahten shabyak kau ai gaw, n nga na sai,” nga nna Yehowa tsun ai.

ESAIA 66:20

Dai hta kaga, Israela masha ni gaw, tinang a lusha hkungga hpe san seng ai wan hta Yehowa a nta de la sa ai hte maren, shanhte gaw, nanhte a kahpu kanau ni mahkra hpe, gumra hta mung, leng hta mung, krau ntsa e mung, lawze hte gawla-uk ntsa e mung htaw nna, Yehowa a lusha hkungga tai na matu, mung mi hte mung mi kaw na, nye a chyoi pra ai bum Yerusalem mare de woi wa na mara ai,” nga nna Yehowa tsun ai.

EZEKELA 39:2

ngai nang hpe kayin shangun nna, nang hpe woi awn ai hte, dingdung maga htum de na lung wa shangun na nngai: Israela bum ni a ntsa de, nang hpe woi shalun na nngai:

Daniela 11:16

Shi hpe gasat sa wa ai wa gaw, shi ra ai hte maren galaw nna, shi a man e kadai n tsap lu na ra ai: shi gaw reng htum ai mungdan hta tsap nga nna, shi a lata hta hten byak ai lang na ra ai.

Daniela 11:41

Shi gaw reng htum ai mung hta mung shang nna, mung law law kadawng kau ai hkrum na ra ai: rai timung, Edom mung, Moba mung hte Ammon kashu kasha ni malawng maga, shi a lata na lawt lu na mara ai.

Daniela 11:44

Rai timung, sinpraw hte dingdung maga de na pru ai shiga majaw, shi myit ru nna, masha law law hpe shagrawm shamyit kau na matu, n-yun bu let pru sa wa na ra ai.

Daniela 2:35

Shing rai, ahpri, ga kagam, magri, gumhpraw hte aja gaw, agrawp mani mat nna, nmut ta chyarang na nbun zawn tai mat ai hte, nbung e ahpawt kau nna, de a matu nga shara n nga ai: dai sumla hpe hkra ai nlung chyawm gaw, galu kaba ai bum tai wa nna, lamu ga ting kapat nga ai hpe, nang mu ndai.

Daniela 7:26

Rai timung, tara dawdan ai aten du na ra ai rai nna, dai wa a ahkang aya dawm la na hte, htum hkra jahten shamyit kau na mu ai.

Daniela 8:25

Shi a hpaji daw ai a marang e, shi a lata hta hkalem hkalau ai lam awng wa na ra ai: shi gaw shi hkum hpe shagrau shatsaw nna, ndum shami e masha law law hpe jahten shabyak kau na ra ai: dai hta n-ga, madu ni a Madu hpe shi hkap daw na ra ai; rai timung, masha lata hte n re ai, shi agrawp kau ai hkrum na ra ai.

Daniela 9:16

Ya Madu e, na a dinghpring ai myit ting hkan nna, na a pawt sindawng ai hte myit kahtet ai hpe, chyoi pra ai bum ngu ai, na a mare Yerusalem hta na dawm la kau u, ngu nna ngai tawngban nngai: kaning rai nme law, anhte a yubak hte anhte a ji wa ni a shut hpyit ai a majaw, Yerusalem mare hte, na a amyu masha ni gaw, grup yin e de nga ai nlang hte a man e, shatan nhkan shara tai wa sai.

Daniela 9:20

Ya ngai ga tsun nga nna, akyu hpyi nga let, nye a yubak hpe mung, nye amyu Israela masha ni a yubak hpe mung, yin la nna, nye a Karai Kasang a chyoi pra ai bum a matu, nye a Karai Kasang Yehowa man e akyu hpyi nga yang,

YOELA 2:20

dingdung maga na luksuk laba ni hpe, ngai nanhte kaw na tsan tsan de jahtaw kau nna, akrin akraw hte katsi katsang re ai mung de, shachyut kau na nngai: dai ni a man maga sinpraw nawng de, shingdu maga sinna nawng de dep nna, de a manam ai hte hpu hkying ai gaw mawng pru na ra ai: kaning rai nme law, Yehowa amu kaba galaw nu ai.

MIHKA 4:2

Maigan amyu law law wa, Sa marit, Yehowa a bum, Yaku a Karai Kasang a Nta de lung wa saga: shi gaw shi a lam anhte hpe sharin ya nna, anhte gaw shi a lam hku hkan sa na ra ga ai, nga nna hkawm let tsun shajang na mara ai. Kaning rai nme law, Ziun bum na jep ai tara, Yerusalem mare na Yehowa a mungga, pru na ra ai:

ZEHKARIA 14:8

Dai shani e, Yerusalem mare kaw na, asak hka lwi pru na ra ai; chyen mi gaw sinpraw nawng de, bai chyen mi gaw sinna nawng de, ang wa na ra ai: dai gaw nlum ta e rai timung, kashung ta e rai timung, lwi nga na ra ai.

BU HKAWM 34:5

Azmon kaw nna dai jarit kayin nhtawm, Egutu hka shi hkan nna nammukdara e htum na rai nga ai.

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.

2 HTESALONI 2:8

Yeng kau hkrum ai shaloi e dai n tara ai wa gaw dan pru wa na ra ai: Madu Yesu chyawm gaw shi a n-gup na wenyi hte shi hpe sat kau nna, shi a yu wa ai a dan hkung kama ai hte shaza kau na ru ai.

SHINGRAN 13:10

Masha wa hpe sharen ai wa gaw, sharen da ai hkrum na ra ai; nhtu hte sat ga ai wa mung, nhtu hte si na ra ai. Ndai lam hta chyoi pra ai ni a shakut sharang shara hte makam masham lam dan pru nga ai.

SHINGRAN 20:2

Shi gaw Nat hte Satan rai nga ai, moi na lapu ngu ai baren numraw hpe rim la nna, shaning hkying mi du hkra, sharen da na matu, gyit hkang da wu ai:

SHINGRAN 20:9

Dai ni gaw lamu ga pang pat lung wa nna, chyoi pra ai ni a dap hte, dai tsawra ai mare hpe, wang nga ma ai: shaloi sumsing lamu de na wan hkrat nna, shanhte hpe hkru kau mu ai.