Daniela 11:41 - Jinghpaw Hanson Version Bible

⁴¹ Shi gaw reng htum ai mung hta mung shang nna, mung law law kadawng kau ai hkrum na ra ai: rai timung, Edom mung, Moba mung hte Ammon kashu kasha ni malawng maga, shi a lata na lawt lu na mara ai.

Jinghpaw Common Language Bible 2009

⁴¹ Shi gaw Ga Sadi Mungdan hpe pyi shang gasat nna masha sen mi sat kau na ra ai, rai ti mung Edom, Moba hte naw ngam nga ai Amon mung ni chyawm gaw shi a lata kaw na lawt lu na mara ai.

Daniela 11:41 ပူးပေါင်းရင်းမြစ်များ

YEREMIA 48:47

Rai timung, hpang jahtum ai aten e ngai gaw, Moba bawng dung ai ni hpe, bai nhtang wa shangun na nngai, nga nna Yehowa tsun ai. Ndai yang du hkra, Moba dawdan hkrum ai ga rai nga ai.

YEREMIA 49:6

Rai timung, bawng dung hkrum ai Ammon a kashu kasha ni hpe, htawm hpang e ngai nhtang wa shangun na nngai, nga nna Yehowa tsun ai.

YEREMIA 9:26

Egutu, Yuda, Edom, Ammon, Moba amyu ni hte, tinang a na labying kara doi ai, zaibru jang na amyu ni mahkra hte hpe ari jaw na aten du na ra ai: kaning rai nme law, amyu ni yawng nye a man e matu gadoi n hkam ai ni rai nga nna, Israela dap na ni yawng, tinang a myit masin matu n gadoi ai amyu rai nga ma ai.”

Daniela 11:16

Shi hpe gasat sa wa ai wa gaw, shi ra ai hte maren galaw nna, shi a man e kadai n tsap lu na ra ai: shi gaw reng htum ai mungdan hta tsap nga nna, shi a lata hta hten byak ai lang na ra ai.

Daniela 11:42

Bai shi gaw, grup yin na mung ni a ntsa e, shi a lata ladawn nna, Egutu mung pyi lawt lu na, n rai.

Daniela 11:45

Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

Daniela 8:9

Ya dai mali na langai mi hta nrung kaji langai mi tu pru nna, dai gaw dingda maga de mung, sinpraw maga de mung, reng htum ai mung a maga de mung, nachying galu kaba nga ai.