Daniela 11:40 - Jinghpaw Hanson Version Bible

⁴⁰ “Ya de a ladaw htum wa mahka e, dingda hkawhkam wa gaw, shi hpe htim gasat na ra ai: dingdung hkawhkam wa chyawm gaw, hpyen leng, hpyen gumra, sanghpaw li law law hte hpawn, bungsha zawn ru lung wa let, dai mung ni hta shang nna, lim kabye ga lai kau na ra ai.

Jinghpaw Common Language Bible 2009

⁴⁰ “Ya Suri hkawhkam a hpang jahtum aten ganoi du wa jang, Egutu hkawhkam wa shi hpe htim gasat na ra ai; shaloi Suri hkawhkam wa mung shi a n-gun atsam mahkra hte hpawn hpyen leng ni, gumra ni, sanghpaw li law law hte bai nhtang htim na ra ai. Shi gaw mungdan law law hpe mawru hka zawn shang gasat hkawm wa na ra ai.

Daniela 11:40 ပူးပေါင်းရင်းမြစ်များ

ESAIA 21:1

Nammukdara makau na, zaibru jang hta ang ai myihtoi ga: Dingda laru ru wa ai zawn, hkrit na nsan ai zaibru jang de na laru ru wa ai.

ESAIA 5:28

shanhte a pala ni masen nga nna, ndan ni mung shachyen nga ai: gumra lahkru ni gaw hpai lung hte bung nna, leng dingsen ni gaw bungsha zawn chyai nga ai:

ESAIA 66:15

Kaning rai nme law, yu mu, myit kahtet ai hpe n-yun bu ai hte, daru jet ai hpe grung ai wan hte shapraw dan na matu, Yehowa gaw wan hte du nna, shi a leng ni bungsha zawn rai na ra ai.

YEREMIA 4:13

Yu u, sa wa ai hkawhkam gaw sumwi zawn du na ra ai; shi a leng ni gaw, bungsha zawn rai nga ai; shi a gumra ni gaw, langda hta grau laram nga ma ai; anhte gaw dingnye lu ga ai: hten byak ai hkrum saga ai.

EZEKELA 38:4

ngai nang hpe kayin shangun nna, na a shakap hpe hpri chyinghkyi hte mahkai na nngai; na a luksuk laba ni yawng hpe, gumra ni hte gumra jawn ai ni hpe, hpyen hpun palawng bu hpun ai ni hte n-gang kaji n-gang kaba lang nna, nhtu shaw ai wunawng wuwa kaba hpe, nang hte hpawn ngai shapraw na nngai:

EZEKELA 38:9

Nang gaw laru marang zawn lung wa nna, nang hte, nang hta lawm ai hpyen masha wunawng wuwa yawng hte hpawn, dai mungdan hpe sumwi zawn ka-up na marin dai.”

Daniela 11:10

“Dai hpang shi a shadang sha yan hpyen sharawt nna, luksuk laba law law jahpawng tawn nhtawm, dai ni gaw mung hpe ga lim kabye kau nna, shi a hpyen dap du hkra gasat hpang na mara ai.

Daniela 11:11

Shing rai dingda hkawhkam wa gaw grai myit kahtet nna, dingdung hkawhkam wa hpe hkap gasat na ra ai: shi gaw luksuk laba wunawng wuwa jahpawng tawn timung, dingda hkawhkam shanhte hpe dang kau na ra ai.

Daniela 11:13

Kaning rai nme law, dingdung hkawhkam wa gaw bai wa nna, shawng na hta grau law ai wunawng wuwa ni hpe jahpawng nhtawm, aten ladaw lai jang, luksuk laba kaba arung arai law law hte, bai du na ra ai.

Daniela 11:22

Ga lim nga ai wunawng wuwa ni shi a man e lup mat nna, agrawp kau ai hkrum na mara ai: gaja wa, ga shaka hte tawn da ai du wa mung, agrawp kau ai hkrum na ra ai.

Daniela 11:25

Bai shi gaw hpyen luksuk law law hte dingda hkawhkam wa hpe gasat na matu, shi a n-gun hte nden ja ai myit shaja na ra ai: dingda hkawhkam wa mung, nachying law ai hpyen luksuk ni hte hkap gasat timung, shi gaw dang lu na n rai: kaning rai nme law, shanhte gaw hkalem ai hku shi hpe di na maru ai.

Daniela 11:35

Hpang jahtum na aten du hkra, mung masha ni san seng, chyoi pra ai hte hpraw wa shangun na matu, nyan rawng ai ni nkau mi gaw, asak sum na mara ai: kaning rai nme law, dai amu gaw ndat da ai aten e byin na ra ai.”

Daniela 11:39

Shi gaw hpara tsasam karum ai hte, grau ngang ai hpyen dap ni hpe gasat dang na ra ai: shi hte matut ai wa kadai mung, shi kaw na arawng sadang lu la nna, masha law law ntsa e up lu ai ahkang hte, sake manawn majaw, mungdan karan na ra ai.”

Daniela 11:7

“Rai timung, dai shayi sha a aru hta na, kawa a malai, makrung langai mi paw pru nna, shi gaw luksuk laba ni hpe woi let, dingdung hkawhkam a hpyen dap hta shang nhtawm, shi a hpyen ni hpe adip arip di yang, shanhte hpe dang kau na ra ai:

Daniela 12:4

Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

Daniela 12:9

Shaloi dai wa gaw, “Daniela e, sa wa su; dai ga gaw amu htum ai aten du hkra, ip da nna, dazik kap nga ai.

Daniela 8:17

Shing rai dai wa gaw ngai tsap nga ai shara de sit wa ai; shi sit wa yang, ngai hkrit gari nna, gum dagup nga nngai: shi chyawm gaw, “Masha kasha e, chye na u; ndai shingran gaw hpang jahtum na aten hte seng nga ai,” nga nna ngai hpe tsun ai.

HABAKU 3:14

Nang gaw shi a dawhkrawng ni hte, shi a hpyen masha ni a baw hpe galun htinggrang kau ndai; Shanhte gaw, ngai hpe shapoi kau na matu, laru bungga zawn ahpawt ma ai: Matsan mayan ni hpe, n dum shami kawa sha na nga, shanhte myit makun nna kabu nga ma ai.

ZEHKARIA 9:14

Yehowa gaw, shanhte a ntsa e dan pru nna, shi a pala gaw, myihprap zawn pru na ra ai: Madu Yehowa gaw pahtau dum nna, dingda mung na bungsha hte, sa wa na ra ai.

SHINGRAN 16:12

Bai kru ngu na wa, shi a gawm Uhprat hka nu kaba hta ru bun dat wu ai: dai rai nna, sinpraw mung na hkawhkam ni sa wa na lam hku na matu, dai hka nu gaw hkyet mat wa ai.

SHINGRAN 9:16

Gumra jawn ai luksuk ni gaw mun lahkawng lang mun mi, law nga ma ai: shanhte a nambat hpe ngai na nngai.