Daniela 11:36 - Jinghpaw Hanson Version Bible

³⁶ “Dai hkawhkam wa gaw shi myit ra ai hte maren galaw nna, hpara ni mahkra ntsa e tinang hkum hpe shagrau shatsaw ai hte, hpara ni a Karai Kasang hpe shinggan kau nna, mauhpa ga tsun na ra ai; pawt sindawng hpring ai aten du hkra, shi awng wa na ra ai; kaning rai nme law ndat da ai lam gaw dik wa na ra ai.

Jinghpaw Common Language Bible 2009

³⁶ “Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

Daniela 11:36 ပူးပေါင်းရင်းမြစ်များ

SHAKAWN KUNGDAWN 136:2

Hpara ni a Karai Kasang hpe shakawn kungdawn mu, Shi a chyeju htani htana agrin nga ai.

SHAKAWN KUNGDAWN 33:10

Masha amyu ni a hpaji daw ai hpe, Yehowa shanut kau ya mu ai: Amyu baw ni a myit ai hku hpe, shi hkum da mu ai.

GA SHAGAWP 19:21

Masha a myit gaw, lam amyu myu maw timung, Yehowa a maw ai lam agrin nga na ra ai.

ESAIA 10:23

Kaning rai nme law, Zaw nawng zaw wa up ai Madu Yehowa myit shatawng da sai hte maren, mungkan ga ka-ang e ngut hkra shabyin na ra ai.

ESAIA 10:25

Kaning rai nme law, gade n na yang nang hpe sha-ang ai pawt bu ai gaw sim mat nna, shanhte hpe jahten na nga pawt bu na ra ai,” nga ai.

ESAIA 10:5

Asuri wa e, nye a pawt sindawng ai ri nang rai nga nna, nang lang ai hkawn, nye n-yun bu ai myit rai nga ai.

ESAIA 14:13

Nang mahtang, Sumsing lamu de ngai lung na nngai; Karai Wa a shagan ni a ntsa e, nye a tingnyang ngai shadun na we ai; dingdung maga htum, majoi shingra bum ntsa e ngai dung na nngai;

ESAIA 14:14

sumwi ni a ntsa e ngai lung na nngai; Tsaw Htum ai wa zawn ngai nga na nngai, nga nna, na a kraw e tsun nit dai.

ESAIA 26:20

Nye a amyu masha ni e, sa marit; kata gawk de shang nna, chyinghka la da u: pawt sindawng ai lai mat ai du hkra, na hkum hpe chyahkring mi makoi da u.

ESAIA 30:33

Kaning rai nme law, moi chyaloi nhkoi kaw nna, Tohpet shara hpajang da sai; gaja wa, hkawhkam wa a matu lajang da sai; dai shara hpe sung ai hte dam lada di nu ai; de a sumpum gaw wan hte hpun law law rai nga ai: Yehowa a nsoi nsa gaw, byawng mat ai kan zawn, dai hpe shachyi na ra ai.

ESAIA 46:10

ngai gaw npawt kaw nna jahtum du hkra mung, moi chyaloi nhkoi kaw nna garai n byin ai amu ni hpe mung, shapraw dan nngai: Nye a hpaji daw ai lam grin nga na ra ai; ngai ra mara hpe shatup na nngai;

ESAIA 57:9

Nang gaw sau lang let hkawhkam wa hpang de sa wa nna, manam pyaw ai baw shalaw ai hte, na a kasa ni hpe sumtsan mung de shangun dat nna, Katsan ga du hkra, tinang dai shagrit kau nit dai.

EZEKELA 28:2

“Masha kasha e, turu hkawhkam hpe htawn tsun u; ‘Madu Yehowa ning nga ai: Nang gaw myit kaba nna, Ngai Karai Wa rai nga nngai; nammukdara ka-ang e Karai Wa zawn nawn nga timung, Karai wa n rai, masha chyu sha rai nga ndai majaw,

EZEKELA 35:13

Nanhte gaw nanhte a n-gup hte nye a lam ga kaba tsun nna, nye a man e gumrawng grang nga myit dai: ngai dai lam na ni ai.

Daniela 11:16

Shi hpe gasat sa wa ai wa gaw, shi ra ai hte maren galaw nna, shi a man e kadai n tsap lu na ra ai: shi gaw reng htum ai mungdan hta tsap nga nna, shi a lata hta hten byak ai lang na ra ai.

Daniela 11:3

Shaloi, n-gun atsam rawng nna, up ai ahkang aya kaba lu ai hte, galaw mayu ai hte maren, galaw na ra ai hkawhkam langai mi, paw pru na ra ai.

Daniela 11:37

Dai wa gaw shi a kaji kawa ni a hpara ni hpe mung, numsha ni nawku ra ai hpara hte, kadai hpara hpe mung, nawn nga ai n rai: shi gaw nlang hte a ntsa e tinang hkum hpe shagrau shatsaw na ra ai.

Daniela 12:7

Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

Daniela 4:35

mungkan masha ni yawng mayawng shi a man e hpa mi n rai nga ai: sumsing lamu na luksuk laba ni hta mung, mungkan ga e shanu ai ni hta mung, shi galaw mayu ai hte maren galaw nna, shi a lata hpe hkum da ai wa n nga ai: “Nang hpa galaw nga n ta?” nga nna shi hpe tsun lu ai wa kadai mung n nga ai.

Daniela 5:19

shi hpe jaw ai daru magam majaw, masha amyu baw ni hte ga amyu myu tsun ai ni yawng, shi a man e hkrit gari shajang nga ma ai: sat kau mayu ai wa hpe shi sat kau nga ai; jahkrung da mayu ai wa hpe jahkrung da nga ai; shagrau shatsaw mayu ai wa hpe shagrau shatsaw nga ai; shagrit kau mayu ai wa hpe shagrit kau nga ai.

Daniela 5:20

Rai timung, gumrawng gumtawng lam hkan galaw hkra, shi myit kaba nna masin ja nga yang, shi gaw hkawhkam tingnyang na gum-yu yu mat ai hkrum nna, shi a hpung shingkang hkoi mat wa sai;

Daniela 7:8

Dai nrung ni hpe ngai mada yu nga yang, yu u, dai nrung ni a ka-ang e, nrung kaji langai mi tu pru nga ai; dai nrung majaw, shawng na nrung ni hta na nrung masum hpe, pawt hte nawng baw kau wu ai: bai, yu u, ndai nrung kaji hta masha myi hte bung ai myi tu nna, ga kaba chye tsun ai n-gup tu nga ai.

Daniela 8:19

Shaloi shi gaw, “Yu u, pawt sindawng ai jahtum aten e byin na ra ai lam, ngai nang hpe chye shangun de ga: dai gaw madat da ai, hpang jahtum na aten hte seng nga ai.

Daniela 8:4

Dai sagu la gaw sinna de, dingdung de, dingda de daru gasat ai, ngai mu nngai: hpa ashu ashan mung hkap daw lu ai n rai; shi a lata na mawai la lu ai wa mung kadai n nga ai: shi galaw mayu ai hte maren shi galaw nna, shi hkum hpe shagrau shatsaw wu ai.

ZEHKARIA 11:16

kaning rai nme law, yu u, ndai mungdan hta sagu rem wa langai mi hpe ngai paw pru shangun na nngai: Dai wa gaw lam yit ai ni hpe n yu, bra mat ai ni hpe n tam, machyi ai ni hpe n shamai, hkam kaja ai ni hpe ushat n jaw ai sha, hpum sau ai ni hpe shi sha kau nna, de a lahkru ni hpe malaw kau na ra ai.

YAWHAN 5:30

Ngai gaw nye a myit hte hpa amu mung n galaw lu nngai: ngai gaw na ai hte maren sha jeyang nngai; nye a jeyang ai hku mung dingman li ai: kaning rai nme law, ngai gaw nye myit hku hkan na n tam nngai, ngai e shangun dat ai wa a myit hku hkan na she tam nngai.

YAWHAN 6:38

Kaning rai nme law, sumsing lamu nna ngai yu sa ai gaw, nye a myit hkan na ngu, yu sa nngai n rai, ngai hpe shangun dat ai wa a myit hkan na she, yu sa ai rai nngai.

KASA 4:28

ndai mare hta e Herod yan Pontu Pilat, maigan amyu ni hte Israela amyu masha ni du hkra jawm hpawng nga ma ai.

TARA JAHPRANG 10:17

Na a Karai Kasang Yehowa gaw Karai ni a Karai, Madu ni a Madu, galu kaba ai, daru magam re ai, hkrit kang mai ai Karai Wa rai nga ai; shi gaw myi man n tau, manawn kumhpa n sha ai;

2 HTESALONI 2:3

Kadai wa mung, nanhte hpe gara hku mung n hkalem kau myit ga. Kaning rai nme law, dai htak bra wa ai gaw shawng e n byin ai hte, n tara ai wa ngu ai hten byak wa ai a kasha garai n paw pru pru gaw, dai nhtoi du na n rai,

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.

2 HTESALONI 2:8

Yeng kau hkrum ai shaloi e dai n tara ai wa gaw dan pru wa na ra ai: Madu Yesu chyawm gaw shi a n-gup na wenyi hte shi hpe sat kau nna, shi a yu wa ai a dan hkung kama ai hte shaza kau na ru ai.

YAWSHU 22:22

Hpung shingkang rawng ai Karai Kasang Yehowa, Hpung shingkang rawng ai Karai Kasang Yehowa shi nan chye nga ai: Israela masha ni mung chye lu na marin dai: Anhte gumlau mayu nna, Yehowa hpe tawt lai myit rawng nna, Yehowa a lam hta na dam mat wa na ngu nna tawn hkungri galaw ai she rai saga yang gaw, dai ni jang hkrum sha n ga:

SHINGRAN 10:7

sanit ngu na lamu kasa a pahtau dum shangoi ai nhtoi hte hta, Karai Kasang gaw shi a shangun ma ni ngu ai myihtoi ni hpe tsun da ai kabu gara shiga hte maren, shi a sung htum ai lam dik wa na sai, nga ai.

SHINGRAN 12:14

Dai num gaw lapu kaw na lawt lu nna, nam mali na shi a shara de pyen wa lu nhtawm, dai yang e prat mi, prat lahkawng hte prat ka-ang hkup bau lanu ai hkrum lu hkra, dai landa kaba a singkaw lahkawng maga, shi hpe jaw dat wu ai.

SHINGRAN 13:1

Shaloi nammukdara hta na dawng pru ai matse labye langai mi ngai mu nngai; dai gaw nrung shi hte baw sanit tu nga ai; de a nrung ni hta ja lagup shi gup nna, shi a baw ni hta arawng jahpoi ai amying kap nga ai.

SHINGRAN 17:17

Kaning rai nme law, Karai Kasang a myit hku shadik na hte, shanhte myit langai sha rawng lu na, Karai Kasang a mungga dik wa ai nhtoi du hkra, tinang a mungdan dai matse labye hpe ap ya mu ga nga, Karai Kasang gaw shanhte a kraw lawang hta hpaji daw bang ya mu ai.

SHINGRAN 17:3

Shaloi shi ngai hpe wenyi hte nam mali de woi nawng mat wa ai rai nna, baw sanit hte nrung shi tu nna, matsa shatan ai amying hkrai pri re ai hkyeng kabrim ai matse labye a ntsa e dung nga ai numsha hpe, ngai mu nngai.