Daniela 11:31 - Jinghpaw Hanson Version Bible

³¹ Shi a hpyen luksuk ni sin nga nna, bunghku kum ai chyoi pra ai nta hpe awu asin di kau ai hte, tutnawng nawng ya ai wan nat hkungga hpe hkum kau nna, jahten shabyak chye ai matsat shabat kumla hpe shadun da na mara ai.

Jinghpaw Common Language Bible 2009

³¹ Shi a hpyenla nkau mi mahtang Nawku Htingnu hpe awu asin di na mara ai. Shanhte gaw shani shagu na shagu hkungga hpe pat shingdang kau ya nna, dai Hkrit Si na zawn re ai wa hpe sharawt da na mara ai.

Daniela 11:31 ပူးပေါင်းရင်းမြစ်များ

YEREMIA 19:4

Kaning rai nme law, shanhte ngai hpe kau da nna, shanhte mung, kaji kawa ni mung, Yuda hkawhkam ni mung, n chye ai hpara kaga ni a man e, ndai yang e, manam pyaw ai baw nat nawng let, ndai shara hpe tsasam shara shatai kau manu ai; dai hta kaga, mara n kap ai ni a sai hte ndai shara hpe jahpring manu ai:

YEREMIA 7:30

Yehowa ning nga ai: “Yuda kashu kasha ni gaw, nye a man e n hkru ai amu galaw masai; nye a amying mying ai nta hpe awu asin di na nga, matsat shabat re ai arai ni hpe, jashawn da manu ai.

SHARUNG SHAYAWT 1:10

Hpyen wa gaw, shi a ngamu ngamai ai mahkra hpe kashun la nu ai; Na a shawa hpawng hta n mai shang ai, nga nna nang hkum da ai maigan amyu ni gaw, Shi a chyoi pra ai shara de shang wa ai hpe, shi mada mu nga ai.

SHARUNG SHAYAWT 2:7

Yehowa gaw shi a tawn hkungri hpe kabai kau nna, shi a chyoi pra ai shara hpe matsat kau nu ai; De a htingnu bunghku ni hpe, hpyen ni a lata de ap kau nu ai: Ndat da ai poi shani zawn, hpyen ni gaw Yehowa a nta hta garu nga ma ai.

EZEKELA 9:7

Bai shi gaw, “Nta hpe awu asin di kau mu; wang ni hpe sat kau hkrum ai ni a si mang hte jahpring mu; pru wa manu,” nga nna tsun ai hte maren, shanhte pru wa nna, mare hpe shaza kau mu ai.

Daniela 12:11

Tutnawng nawng ya ai wan nat hkungga hpe dawm kau nna, jahten shabyak chye ai matsat shabat kumla shadun ai aten kaw nna, nhtoi hkying mi ni tsa jahku shi na na ra ai.

Daniela 8:24

Dai wa gaw daru magam rawng timung, shi a n-gun hte n rai; shi gaw jahten shabyak grai chye wa nna, awng wa ai hte shi a myit hkan na ra ai: hpung shingkang rawng ai ni hte, chyoi pra ai amyu hpe, jahten shabyak kau na ra ai.

Daniela 8:26

Dai hta kaga, shana hte jahpawt a lam, madun dan ai shingran ga teng nga ai: rai timung, dai shingran ga hpe naw ip da u; kaning rai nme law, de a lachyum gaw naw na ai nhtoi hte seng nga ai,” nga nna ngai hpe tsun ai.

Daniela 9:27

Bai shi gaw, nhtoi bat mi e, masha law law hte ngang ai ga shaka tawn da nna, dai bat mi a ka-ang shani e, hkungga nawng ya ai hte shadung kumhpa hpe, hkum kau na ra ai: jahten shabyak kau ai wa langai mi, matsat shabat re ai singkaw hta pyen du timung, aten du jang, san tawn da ai ari hte, pawt sindawng ai gaw, jahten shabyak kau ai wa a ntsa e ru bun na ra ai,” nga nna ngai hpe tsun ai.

HOSEA 3:4

Kaning rai nme law, Israela kashu kasha ni gaw, nhtoi na na wa hkawhkam n lu, du mung n pru, shagu hkungga n nawng ya, masat dingsat shadaw kata, hpa hkai lawng hte terahpim sumla n lu ai, nga nga na mara ai.

MAHTE 24:15

Dai rai nna, myihtoi Daniela tsun dan ai jahten shabya ai a matsat shabat gaw, dai chyoi pra ai shara e jung nga ai hpe nanhte mu myit yang gaw, laika hti nga ai wa gaw, myit yu nga u ga;

MARKU 13:14

Dai jahten shabya ai matsat shabat gaw, n da ang ai shara e tawn da ai hpe nanhte mu myit yang gaw, laika hti nga ai wa gaw myit yu nga u ga; dai shaloi e, Yuda mung hta e nga ai ni gaw, bum lang de hprawng mu ga;

LUKA 21:20

Yerusalem mare hpe hpyen luksuk ni hte wang kawan da ai hpe, nanhte mu myit yang chyawm gaw, dai mare hten bya na, ni wa ra ai gaw, dum chye mu.

SHINGRAN 17:12

Bai nang mu ai nrung shi gaw, mungdan garai n hkam la lu ai hkawhkam shi rai nga ma ai: shanhte gaw dai matse labye hte rau hkawhkam aya ngu ai hpe ahkying mi ting hkam la ma ai.