Daniela 11:30 - Jinghpaw Hanson Version Bible

³⁰ kaning rai nme law, Kitim sanghpaw li ni shi hpe hkum shadang na ra ai: dai majaw shi gaw myit n pyaw let nhtang wa nna, chyoi pra ai ga shaka hpe pawt sindawng ai myit hte shari na ra ai: shing rai shi nhtang wa nna, dai chyoi pra ai ga shaka hpe gumlau kau da ai ni hte jinghku hku na ra ai.

Jinghpaw Common Language Bible 2009

³⁰ Dai Roma masha ni sanghpaw li ni hte du shang wa nhtawm shi hpe ninghkap na mara ai. Shaloi shi hkrit kajawng mat na ra ai. “Dai hpang shi gaw n-yun bu ai hte kayin mat wa nna Karai Kasang a amyu masha ni a nawku makam masham hpe jahten kau ya na mara ai. Shi chyawm gaw dai nawku makam masham hpe kau da sai ni a hpaji jaw ga hta hkan nang na ra ai.

Daniela 11:30 ပူးပေါင်းရင်းမြစ်များ

NINGPAWT NINGHPANG 10:4

Yawan a shadang sha ni gaw, Elisha, Tarshi, Kihtim, Dodanim hte rai ma ai.

1 HKAWHKAM LABAU 1:7

Yawan a shadang sha ni gaw, Elisha, Tarshi, Kihtim, Dodanim hte rai ma ai.

NEHEMIA 6:12

Karai Kasang shi hpe shangun dat ai n rai, Tobia yan Sanbalat shi hpe grau ai majaw, shi ngai hpe ning nga htoi ya ai lam, ngai dum chye we ai.

ESAIA 23:1

Turu mare hta ang ai myihtoi ga: Tarshi sanghpaw li ni e, sharung shayawt mu; nta mung n nga, mashang mung n nga hkra, Turu mare atsai awai hten mat sai; Kihtim mung kaw nna, dai shi na ma ai.

ESAIA 23:12

Bai shi gaw, “Adip arip hkrum ai Sidon shayi hkawnsek e, nang gaw htawm hpang de kabu lu na n rai; rawt u, Kihtim mung de rap wa u; dai yang e pyi nang ban sa lu na n rai,” nga ai.

YEREMIA 2:10

“Kitim zunlawng ni de rap nna mada yu mu; Kedara de shangun nna atsawm sha gawn yu mu: dai zawn re ai amu byin yu sai kun, sumru yu u.

EZEKELA 27:6

Bashan wamyi hpun hte lashap ni galaw ma ai; Kihtim zunlawng na la wa nna, magwi kawng hte hkrep ai chyamka hpun hte, na a li hpe nep ma ai.

Daniela 11:28

“Dai hpang dingdung hkawhkam wa gaw, arung arai law law hte, shi a mung de nhtang wa nga yang, dai chyoi pra ai ga shaka hpe n dawng n yawt ai myit rawng ai hte maren shari nna, tinang a mung de nhtang wa na ra ai.

Daniela 11:29

Ya, ndat da ai aten e, shi bai wa nna, dingda mung de shang na ra ai: rai timung, ya aten e shawng na hte bung ai n rai:

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

BU HKAWM 24:24

Rai timung Hkitim zunlawng na sanghpaw li sa nna, Ashuri mung hte Ebera mung hpe hpya kau na maru ai: Shaloi shi mung htum mat ai hkrum na ra ai,” nga nna tsun ngut jang,

MAHTE 24:10

Dai shaloi e, masha law law myit kataw wa nna, shada da ap kau ai hte, shada da n dawng n wawm na mara ai.

SHINGRAN 12:12

Dai re ai majaw, sumsing lamu ni hte dai hte hta rawng nga ai ni e, kabu gara nga mu: ginding aga hte nammukdara chyawm gaw dingnye lu ma ai: kaning rai nme law, Nat gaw, shi a nhtoi loi mi sha ngam sai chye wu ai majaw, n-yun bu let nanhte hpang de yu wa sai, nga nna tsun ma ai hpe, ngai na nngai.