Daniela 11:24 - Jinghpaw Hanson Version Bible

²⁴ Ginwan gale ai aten e shi gaw dai mungdaw a ga sau htum ai shara ni hta du nna, shi a kawa mung, shi a kaji kawa ni mung, n galaw yu ai lam, shi galaw na ra ai: shi gaw hkan nang ai ni hpe lanep, arung arai hte sutgan karan ayai na ra ai: gaja wa shi gaw, hpyen majan baw na lam, tawng marang mi hpaji daw na ra ai.

Jinghpaw Common Language Bible 2009

²⁴ Sut ngai ai mungdaw langai hpe sadi jaw ai lam n nga ai sha, shi shang gasat la nhtawm shi a kaji kawa ni kadai mung n galaw yu ai lam galaw na ra ai. Dai hpang shi gaw shi a hpang hkan nang ai ni hpe majan e rim la lu ai sut rai ni hte sut gan ni hpe karan ya na ra ai. Shi gaw hpyen dap ni hpe htim gasat na maw mawn na ra ai, rai ti mung shi a aten kade n na yang htum mat na ra ai.

Daniela 11:24 ပူးပေါင်းရင်းမြစ်များ

NEHEMIA 9:25

Dai rai nna shanhte gaw, bunghku kum ai mare ni, ga sau rawng ai lamu ga, sutgan amyu myu hte hpring ai nta ni, tawk da ai hka htung ni, tsabyi sun ni, tsanlun sun ni hte namsi hpun law law wa lu la ma ai rai nna, shanhte hkru hkru kat kat sha lu ai hte, hpum wa let, na a galu kaba ai chyeju hta sharawng awng nga ma ai.”

GA SHAGAWP 17:8

Sake manawn sha ai wa gaw, dai hpe lungseng zawn nawn nga ai; Myi man yawng wa ai shagu hta, awng wa nga ai.

GA SHAGAWP 19:6

Masha law law wa du ni a chyeju hpe tam nga ai; Kadai mung kumhpa jaw ai wa hte jinghku hku ma ai.

GA SHAGAWP 23:7

Shi kraw e myit ai hte maren shi rai nga ai: Shi gaw, “Lu u, sha u,” nga timung, Shi a myit nang hte n hkau nga ai.

EZEKELA 34:14

Udat shara kaja hta ngai shanhte hpe rem na nngai; tsaw ai Israela bum ntsa e shanhte a wulawng rai na ra ai; dai yang e ulawng kaja hta, shanhte hpum nga nna mara ai; Israela bum ntsa e, tsit lali ai udat shara hta shanhte sha nga na mara ai.

EZEKELA 38:10

“Madu Yehowa ning nga ai: Dai shani e, nang myit mang la nna, n hkru ai hku maw na ndai:

Daniela 11:23

Dai hkawhkam wa hte ga sadi tawn da ai hpang, shi gaw hkalem ai hku hkan na ra ai: shing rai shi gaw lung wa nna, masha n law timung, n-gun ja na ra ai.

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

BU HKAWM 13:20

dai mung na lamu ga gaw hpun rawng malu ai kun, n rawng malu ai kun; nam maling law ai kun, n law ai kun, yu wa marit. Nden ja ai myit hte sa wa mu; dai mung na namsi loi mi mung la wa yu mi, ngu nna hkang dat mu ai. Dai ten gaw tsabyi si nnan myin wa ai aten rai nga ai.

MAHTE 9:4

Yesu gaw shanhte a myit mang ai hpe chye ya jang, “Nanhte a kraw hta e, hpa majaw n kaja ai myit nga myit ta?

TARA AGYI 9:4

Bala-berit nta na gumhpraw lap sanit shi shaw ya dat wu ai: shaloi Abimelek gaw gumhpraw jaw nna, pagawn para re ai masha hpe saw wu ai.