Daniela 11:21 - Jinghpaw Hanson Version Bible

²¹ Bai, dai hkawhkam wa a malai, hkawhkam hkringhtawng n dagraw ang ai, n shawp ai wa langai mi paw pru na ra ai: shi gaw ginwan gale ai aten e du nna, hkalem hkalau ai ga hte mungdan hpe lu la na ra ai.

Jinghpaw Common Language Bible 2009

²¹ Dai lamu kasa gaw matut nna ning ngu sanglang dan wu ai: “Hkawhkam tai na ahkang n lu ai dai n hkru ai masha langai mi gaw hpang e galai ai Suri hkawhkam tai na ra ai; rai ti mung shi gaw n dum n mi re ai aten hta du sa wa nna, hkalem hkalau ai ga hte daru magam n-gun hpe magra jum da na ra ai.

Daniela 11:21 ပူးပေါင်းရင်းမြစ်များ

SHAKAWN KUNGDAWN 12:8

Shinggyim masha ni hta n seng ai amu kaba wa ai shaloi, Tara n lang ai ni shara shagu hkan e tam hkawm nga ma ai.

SHAKAWN KUNGDAWN 15:4

Shi a myit hta shagrit ai hte kaya ging dum nga nna, Yehowa hpe hkrit kamyin ai ni hpe hkungga ai hte, Tinang a akyu hten timung, shi a dagam ai ga n lai ai wa;

SHAKAWN KUNGDAWN 55:21

Shi a n-gup ga sau zawn manen lu timung, Shi a myit hta majan lawn nga ai; Shi tsun ai ga, namman hta grau kya nga timung, Dai gaw shaw ai nhtu rai nga ai.

ESAIA 32:5

Mana ai wa hpe, salang wa, maji ai wa hpe, gam jaw gam ya ai wa, nga nna htawm hpang de tsun na n rai.

Daniela 11:20

“Dai hpang, hpung shingkang rawng htum ai mungdan hta, hkanse hta na matu, jawt hkawm ai wa shangun ai hkawhkam langai mi, kawa malai paw pru na ra ai: rai timung, shi gaw gade n na jang, pawt sindawng ai hku mung n rai, hpyen gasat ai hku mung n rai, agrawp kau ai hkrum na ra ai.

Daniela 11:32

Dai ga shaka hpe n tara ai hku galaw ai ni gaw, shi a hkalem hkalau ai ga hkan nang nna, lam dam na mara ai: tinang a Karai Kasang hpe dum chye ai amyu chyawm gaw, n-gun ja wa nna, amu magam galaw lu na ra ai.

Daniela 11:34

Ya shanhte kadawng wa jang, karum ai lam kaji mi, shanhte a matu, pru na ra ai: rai timung, masha law law wa hkalem hkalau ai hku hkan nang nna, shanhte hte matut manoi na mara ai.

Daniela 11:7

“Rai timung, dai shayi sha a aru hta na, kawa a malai, makrung langai mi paw pru nna, shi gaw luksuk laba ni hpe woi let, dingdung hkawhkam a hpyen dap hta shang nhtawm, shi a hpyen ni hpe adip arip di yang, shanhte hpe dang kau na ra ai:

Daniela 4:17

Kaning rai nme law, Tsaw Htum ai Wa gaw, masha mungdan hpe up ai mung, jaw mayu ai wa hpe jaw ai mung, yu maya ni hpe shagrau shatsaw nna, mungdan ntsa e up shangun ai mung, hkrung mahkrung chye na lu hkra, dai hkang da ai ga gaw sin langa ni kaw na pru nna, htet da ai mungga gaw, chyoi pra ai ni kaw na ga rai nga ai,’ nga nna ja ja jahtau wu ai.

Daniela 7:8

Dai nrung ni hpe ngai mada yu nga yang, yu u, dai nrung ni a ka-ang e, nrung kaji langai mi tu pru nga ai; dai nrung majaw, shawng na nrung ni hta na nrung masum hpe, pawt hte nawng baw kau wu ai: bai, yu u, ndai nrung kaji hta masha myi hte bung ai myi tu nna, ga kaba chye tsun ai n-gup tu nga ai.

Daniela 8:23

Dai mungdan ni a jahtum ai aten hta, tara tawt lai ai ni a yubak hpring wa yang, n hkru ai myi man man nna, hkalem hkalau ai hku chye hkan ai hkawhkam langai mi paw pru na ra ai.

Daniela 8:25

Shi a hpaji daw ai a marang e, shi a lata hta hkalem hkalau ai lam awng wa na ra ai: shi gaw shi hkum hpe shagrau shatsaw nna, ndum shami e masha law law hpe jahten shabyak kau na ra ai: dai hta n-ga, madu ni a Madu hpe shi hkap daw na ra ai; rai timung, masha lata hte n re ai, shi agrawp kau ai hkrum na ra ai.

Daniela 8:9

Ya dai mali na langai mi hta nrung kaji langai mi tu pru nna, dai gaw dingda maga de mung, sinpraw maga de mung, reng htum ai mung a maga de mung, nachying galu kaba nga ai.

NAHUM 1:14

Na a matu mara htawm hpang de matut lu na n rai, nga nna Yehowa na a lam hkang da sai: tawk ai sumla hte jaw ai sumla hpe, na a hpara ni a nta na, ngai jahtum kau na nngai: nang n hpru n mai rai nga ndai majaw, na a lup ngai galaw na nngai.

1 SAMUELA 3:13

Kaning rai nme law, dai wa a kasha ni tinang hkum shayuk ai du hkra, tinang a n shawp ai yubak mu chye ninglen, shan hpe n hkum kau ai majaw, shi a nta masha ni hta ngai tut tut ari jaw na, ngu nna ngai tsun se ai.