Daniela 11:2 - Jinghpaw Hanson Version Bible

² Ya chyawm gaw, ngai nang hpe tengman ai lam madun na de ai. Yu u, Persi mung hta e hkawhkam masum naw paw pru na ra ai; mali ngu na wa gaw, kaga mahkra hta sutgan grau lu na ra ai: shi gaw sut su ai majaw, daru magam an wa yang, Heleni mung hpe hpyen gasat na matu, masha yawng mayawng hpe rawt shangun na ra ai.

Jinghpaw Common Language Bible 2009

² Ya nang hpe ngai tsun dan na lam gaw teng man nga ai,” ngu nna tsun wu ai. Lamu kasa gaw, “Persi mung hta e hkawhkam masum naw up na mara ai; mali ngu na gaw kaga ni yawng hta grau nna sut su na ra ai. Shi a daru magam n-gun hte sut gan tsaw lung wa ai aten hta, shi gaw Grik mungdan hpe dakat na ra ai.

Daniela 11:2 ပူးပေါင်းရင်းမြစ်များ

EZRA 4:24

Shing rai, Yerusalem mare na Karai Kasang a nta hpe n shangut ai tawn da mu ai; Persi hkawhkam Dari hkaw dung ai ni ning du hkra n shangut ai tawn da mu ai.

EZRA 4:7

Ya Artahkere a prat e Bishlam, Mihtredat, Tabela hte shi a kanawn manang kaga hte gaw, Persi hkawhkam Artahkere hpang de laika ka dat mu ai; dai laika gaw Suri ga kanu hte Suri ga hku ka da nga ai:

ESHTA 1:1

India mung kaw nna, Hkusha mung du hkra, mungdaw latsa e hkun sanit a ntsa e up ai hkawhkam Ahasuru a lakhtak e,

GA SHAGAWP 22:21

Hpaji daw ai hte chye chyang ai lam hte seng ai, Kaja htum ai mungga hpe, ngai nang hpe ka dat ai, n rai ni?

Daniela 10:1

Ya Persi hkawhkam Kuru hkaw dung ai masum ning hta e, Belteshaza ngu ai Daniela gaw, shingran langai mi hkam la nga ai: dai shingran gaw teng nga nna, hpyen majan kaba hte seng nga ai: shi gaw dai lam hpe chye na nna, dai shingran a lachyum chye na wu ai.

Daniela 11:25

Bai shi gaw hpyen luksuk law law hte dingda hkawhkam wa hpe gasat na matu, shi a n-gun hte nden ja ai myit shaja na ra ai: dingda hkawhkam wa mung, nachying law ai hpyen luksuk ni hte hkap gasat timung, shi gaw dang lu na n rai: kaning rai nme law, shanhte gaw hkalem ai hku shi hpe di na maru ai.

Daniela 7:5

Bai, yu u, lahkawng ngu na dusat gaw, tsap hte bung nga ai: dai gaw maga mi de shi hkum hpe sharawt nna, garep nra masum, de a n-gup hta mahkang nga ai: shanhte gaw, Rawt u, ashan law law kawa sha u, ngu nna dai dusat hpe tsun mu ai.

Daniela 8:21

Mun mazut tu ai namla gaw Heleni hkawhkam rai nga ai: shi a myi lapran e tu ai nrung kaba gaw, shawng na hkawhkam rai nga ai.

Daniela 8:26

Dai hta kaga, shana hte jahpawt a lam, madun dan ai shingran ga teng nga ai: rai timung, dai shingran ga hpe naw ip da u; kaning rai nme law, de a lachyum gaw naw na ai nhtoi hte seng nga ai,” nga nna ngai hpe tsun ai.

Daniela 8:4

Dai sagu la gaw sinna de, dingdung de, dingda de daru gasat ai, ngai mu nngai: hpa ashu ashan mung hkap daw lu ai n rai; shi a lata na mawai la lu ai wa mung kadai n nga ai: shi galaw mayu ai hte maren shi galaw nna, shi hkum hpe shagrau shatsaw wu ai.

AMO LAIKA (AMOS) 3:7

Gaja wa, Madu Yehowa gaw, shi myit maw ai lam, shi a shangun ma myihtoi ni hpe garai n shapraw dan yang, hpa mung galaw na n rai.

YAWHAN 10:35

Chyum laika hta na ga hpe n kau mai ai rai nna, Karai Kasang a mungga dep la lu ai ni hpe, Karai daw ni ngu lu ai rai yang gaw,

SHINGRAN 21:5

Dai tingnyang hta dung nga ai wa mung, “Yu u, arai yawng mayawng hpe ngai ningnan bai gaw da nngai,” nga nna tsun ai. Bai shi gaw, “Ka da u; ndai ga gaw kangka re ai ga, tengman ai ga rai nga ai,” nga nna tsun ai.