Daniela 11:17 - Jinghpaw Hanson Version Bible

¹⁷ Shi gaw, shi a mungdan a n-gun mahkra hte sa du nna, mye lu na lam shapraw na matu, shakut sharang nga ai hte, dai lam mung galaw nga ai: dai mung hpe jahten na matu, shi gaw dingda hkawhkam wa hpe shayi sha mung ya sha na ra ai: rai timung shi daw ai lam n byin nna, shi a matu akyu n pru nga ai.

Jinghpaw Common Language Bible 2009

¹⁷ “Dai Suri hkawhkam wa gaw shi a hpyen luksuk ting hpe lang nna gasat na lawan myit daw dan maw mawn na ra ai. Shaloi shi a gumlau hpyen mungdan hpe jahten kau na nga, shi hte jinghku galaw let shi a shayi sha hpe ya sha na ra ai; rai ti mung, shi a maw mawn ai lam awng dang na ra ai n rai.

Daniela 11:17 ပူးပေါင်းရင်းမြစ်များ

2 HKAWHKAM 12:17

Mara raw ai hkungga hte, yubak hkungga hte seng ai gumhpraw chyawm gaw, Yehowa nta hta n jashawn mu ai: dai gaw hkinjawng ni hte seng nga ai.

2 HKAWHKAM LABAU 20:3

Dai rai nna Yehosahpat hkrit nga ai hte, Yehowa hpe hkan tam shana nna, Yuda mung ting hta lusha gam shangun mu ai.

SHAKAWN KUNGDAWN 56:9

Dai majaw ngai jahtau ai nhtoi hta e, Nye a hpyen ni kanut mat wa na ma ai: Karai Kasang ngai hte rau rai nga ai, dai ngai chye nga nngai.

GA SHAGAWP 19:21

Masha a myit gaw, lam amyu myu maw timung, Yehowa a maw ai lam agrin nga na ra ai.

EZEKELA 17:17

Babelon masha ni gaw hpyen gasat nna, masha law law hpe sat kau na matu, kaduk htu nna hpyen dap jung yang, Hpara-u hte shi a law la ai luksuk laba wunawng wuwa ni gaw, Zedekia hpe karum lu ai n rai.

EZEKELA 25:2

“Masha kasha e, Ammon a kashu kasha ni hpang maga myi man yawng let, shanhte hpe lakap nna myihtoi htoi u:

EZEKELA 4:3

Dai hta kaga hpri pa la nna, nang hte mare a lapran e hpri bunghku tai na matu shadun da u: dai mare maga de nang myi man yawng u; shing rai mare gaw wang da ai hkrum nna, nang dai hpe wang tawn da na ndai. Dai gaw Israela amyu a matu kumla tai na ra ai.

EZEKELA 4:7

Bai, Yerusalem mare hpe wang tawn ai lam lahpum shada let shaja nna, dai mare hten wa na lam myihtoi htoi u.

Daniela 11:19

Dai hpang shi gaw nhtang wa nna, shi a mung na hpyen dap ni hpe shagrin mayu timung, shi kadawng hkrat wa nna, shi hpe bai n mu lu na ra ai.”

Daniela 9:26

Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.

HABAKU 1:9

Nlang hte gaw lanep kashun la na matu du ma ai. shanhte gaw myi man yawng ai de, dingyang sa wa nna, zaibru daram law ai bawng ni hpe, shinggyin da mu ai.

MAHTE 12:30

Ngai hpang maga de n nga ai wa gaw, nye a gumlau maga de rai nga ai: ngai hte kahkyin gumdin n re ai wa gaw, ayai aya rai nga ai.

LUKA 11:23

Ngai hpang maga de n nga ai wa gaw, gumlau maga de rai nga ai: ngai hte kahkyin gumdin n re ai wa gaw, ayai aya rai nga ai.

LUKA 9:51

Ya shi hpe shalun la na nhtoi du wa magang yang, Yerusalem mare de sa na shi myit dingren di da wu ai rai nna, shi a shawng de kasa shangun dat wu ai.

ROMA 8:31

Dai rai yang gaw, ndai hte hta anhte hpa tsun na ga ta? Karai Kasang gaw anhte a maga e nga nga a yang gaw, anhte hpe hpyen ai maga de kadai wa mi nga lu na a ta?