Daniela 11:15 - Jinghpaw Hanson Version Bible

¹⁵ Shing rai dingdung hkawhkam sa wa nna, kaduk htu nhtawm, bunghku kaba kum ai mare hpe gasat la na ra ai: dingda luksuk ni n tsap lu ai hte, shi san da ai masha ni hta, hkap gasat na n-gun n rawng nga ai.

Jinghpaw Common Language Bible 2009

¹⁵ Dai re ai majaw, Suri hkawhkam gaw bunghku kum ai mare langai mi hpe kaduk htu nna dai mare hpe gasat dang la na ra ai. Egutu hpyenla ni matut gasat na mara ai n rai; shanhte hta na kaja htum ai ni du hkra pyi n-gun atsam law ram hkra rawng na ma ai n rai.

Daniela 11:15 ပူးပေါင်းရင်းမြစ်များ

YEREMIA 33:4

Kaning rai nme law, hpyen kaduk ni hte ri nhtu ni hpe hkap gang na matu, run kau hkrum ai, ndai mare a nta ni hte Yuda hkawhkam a nta ni a lam lakap nna, Israela Karai Kasang Yehowa ning nga ai;

YEREMIA 5:10

“De a bunghku ntsa e lung nna jahten shabyak mu; rai timung htum hkra hkum di mu: de a lakung ni hpe krum kau mu; dai ni Yehowa hte n seng nga ai.

YEREMIA 52:4

Dai rai nna Babelon hkawhkam Nebuhkadneza gaw, Zedekia hkaw dung ai jahku ning na, shata shi a, nhtoi shi ya hta e, shi a hpyen luksuk ni hte rau, Yerusalem mare hpe lung gasat nna, de a grup yin e dap jung let, kaduk htu nhtawm,

YEREMIA 6:6

Kaning rai nme law, Zaw nawng zaw wa up ai Yehowa ning nga ai: Hpun ni hpe kran kau mu; Yerusalem makau e kaduk htu mu; ndai mare gaw shari mai ai mare rai nga ai: de a kata de zingri zingrat ai hkrai rai nga ai.

EZEKELA 17:17

Babelon masha ni gaw hpyen gasat nna, masha law law hpe sat kau na matu, kaduk htu nna hpyen dap jung yang, Hpara-u hte shi a law la ai luksuk laba wunawng wuwa ni gaw, Zedekia hpe karum lu ai n rai.

EZEKELA 4:2

dai mare hpe wang tawn u; de a man e dap jung u, kaduk htu mu; hpyen masha ni de a man e but nga nna, grup yin e bunghku sharun ai gawng tawn da mu.

Daniela 11:14

Dai aten e masha law law wa dingda hkawhkam wa hpe gumlau na mara ai: shingran ga hpe shadik na matu, na a amyu masha ni a pagawn para re ai kasha ni kabrawng rawt timung, shanhte kadawng na mara ai.

Daniela 11:6

Dai hpang shaning tsawmra na jang, hkawhkam lahkawng shada matut na mara ai rai nna, dingda hkawhkam a shayi sha gaw, amu mye na matu, dingdung hkawhkam hpang de du na ra ai: rai timung, shi a lata lapyin rawng na n rai; dingdung hkawhkam wa hte shi a n-gun mung, grin nga na n rai: hkawhkam shayi sha mung, shi hpe hkan sa ai ni mung, shi hpe shaprat ai wa mung, ndai aten e shi hpe shadaw ai wa mung, shaden jahka kau ai hkrum na mara ai.”

Daniela 8:7

Shing rai shi gaw, dai sagu la hte ni wa nna, pawt bu ai hte shi hpe daru dang kau ai hte, de a nrung yan hpe agrawp daw kau ya ai, ngai mu nngai: dai sagu la gaw hkap daw lu ai n-gun n nga ai majaw, namla gaw shi hpe ga de kadawng kau nna, kabye kau wu ai: dai sagu la hpe, shi a lata na mawai la lu ai wa, kadai n nga ai.

YAWSHU 1:5

Nang naw hkrung nga dingsa nang hpe kadai daw lu na n rai: Mawshe hte rau ngai nga nga ai zawn, nang hte rau ngai nga nga na ring ngai; ngai nang hpe kau da na n rai, nang hpe kau rap rai na n rai.