Daniela 11:12 - Jinghpaw Hanson Version Bible

¹² Dai wunawng wuwa ni bawng rim wa ai hkrum nna, dingda hkawhkam wa a myit masin kabu na ra ai; shi gaw hkying mun ni hpe dang kau timung, dai hta shi a matu akyu n pru nga ai.

Jinghpaw Common Language Bible 2009

¹² Shi gaw shi a awng padang hte shi sat kau lu ai hpyenla law law a majaw gumrawng gumtawng wa na ra ai, rai ti mung shi gaw matut nna awng dang lu na ra ai n rai.

Daniela 11:12 ပူးပေါင်းရင်းမြစ်များ

2 HKAWHKAM 14:10

Nang gaw Edom amyu masha ni hpe dang kau ai majaw, gaja wa myit kaba nga n hka; nang dai gumrawng nna, na a nta e anga nga u: nang hkum nan hte Yuda mungdan gaw rau htum mat wa hkra, hpa majaw kajam galam amu shapraw nga n ta?” ngu nna htan wu ai.

2 HKAWHKAM LABAU 25:19

Nang gaw Edom masha ni hpe dang kau ai majaw, grang ai ga nang tsun nna myit kaba nga ndai: na nta e anga nga u; nang hkum nan hte Yuda mungdan gaw rau htum mat wa hkra, hpa majaw kajam galam amu sharaw nga n ta?” ngu nna htan wu ai.

2 HKAWHKAM LABAU 26:16

Ya shi gaw hpung shingkang lu la jang, shi a akyu hten hkra myit kaba wa nna shi a Karai Kasang Yehowa hpe shut kau wu ai: kaning rai nme law, manam pyaw ai baw nat nawng ai hkungri ntsa e, manam pyaw ai baw nat nawng na matu, Yehowa a nawku htingnu kata de shi shang wa ai.

2 HKAWHKAM LABAU 32:25

Rai timung Hezekia gaw shi hkam la ai chyeju hte maren n htang ya ai sha, myit kaba nga ai majaw, shi a ntsa e mung, Yuda hte Yerusalem ntsa e mung pawt sindawng ai pru nga ai.

GA SHAGAWP 16:18

Gumrawng gumtawng ai gaw, hten byak ai a shawng e, Myit kaba ai gaw, kadawng mat ai a shawng e, rai nga ai.

EZEKELA 28:17

Nang tsawm htap ai majaw myit kaba nga ndai; htoi kabrim ai majaw na a hpaji gale mat sai; ngai nang hpe ga du hkra shagrit kau nngai; hkawhkam ni nang hpe mu lu hkra, ngai nang hpe shanhte a man e jahkrat tawn nngai.

EZEKELA 28:2

“Masha kasha e, turu hkawhkam hpe htawn tsun u; ‘Madu Yehowa ning nga ai: Nang gaw myit kaba nna, Ngai Karai Wa rai nga nngai; nammukdara ka-ang e Karai Wa zawn nawn nga timung, Karai wa n rai, masha chyu sha rai nga ndai majaw,

EZEKELA 28:5

kaba htum ai hpaji hte hpaga chye ga ai majaw, na a sutgan hpe nang shalaw nna, dai sutgan majaw, myit kaba nga ndai;

Daniela 11:11

Shing rai dingda hkawhkam wa gaw grai myit kahtet nna, dingdung hkawhkam wa hpe hkap gasat na ra ai: shi gaw luksuk laba wunawng wuwa jahpawng tawn timung, dingda hkawhkam shanhte hpe dang kau na ra ai.

Daniela 11:13

Kaning rai nme law, dingdung hkawhkam wa gaw bai wa nna, shawng na hta grau law ai wunawng wuwa ni hpe jahpawng nhtawm, aten ladaw lai jang, luksuk laba kaba arung arai law law hte, bai du na ra ai.

Daniela 5:23

sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

Daniela 8:25

Shi a hpaji daw ai a marang e, shi a lata hta hkalem hkalau ai lam awng wa na ra ai: shi gaw shi hkum hpe shagrau shatsaw nna, ndum shami e masha law law hpe jahten shabyak kau na ra ai: dai hta n-ga, madu ni a Madu hpe shi hkap daw na ra ai; rai timung, masha lata hte n re ai, shi agrawp kau ai hkrum na ra ai.

TARA JAHPRANG 8:14

na a myit gumrawng wa nna, Egutu mung mayan tai ai nta na nang hpe shaw woi wa ai wa;

1 TIMOHTI 3:6

Gumrawng ai myit rawng nna, nat a jeyang ai hku hta n hkrat wa u ga, sape nnan wa hpe mung, hkum rai.

1 PETRU 5:5

Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”