Daniela 11:10 - Jinghpaw Hanson Version Bible

¹⁰ “Dai hpang shi a shadang sha yan hpyen sharawt nna, luksuk laba law law jahpawng tawn nhtawm, dai ni gaw mung hpe ga lim kabye kau nna, shi a hpyen dap du hkra gasat hpang na mara ai.

Jinghpaw Common Language Bible 2009

¹⁰ “Suri hkawhkam a shadang sha ni majan a matu hkyen lajang na nga luksuk kaba jahpawng tawn da na mara ai. Shanhte hta na langai mi gaw mawru hka zawn agre ye mat wa nna gumlau hpyen dap hpe htim gasat na mara ai.

Daniela 11:10 ပူးပေါင်းရင်းမြစ်များ

ESAIA 25:12

Na a tsaw ai hpyen dap bunghku ni hpe, shi ga du hkra run kau nna, ga nhpu hta shayu agrawp kau nu ai.

YEREMIA 51:42

Nammukdara gaw Babelon mare de lung wa nna, law la ai hka leng ni dai mung hpe lim ka-up nga ai.

Daniela 11:22

Ga lim nga ai wunawng wuwa ni shi a man e lup mat nna, agrawp kau ai hkrum na mara ai: gaja wa, ga shaka hte tawn da ai du wa mung, agrawp kau ai hkrum na ra ai.

Daniela 11:26

Gaja wa, shi a shat sha ai ni pyi shi hpe agrawp kau nna, shi a hpyen luksuk ni lup mat ai hkrum nna, law law wa, kadawng jahkrat kau ai hte sat kau ai hkrum na mara ai.

Daniela 11:7

“Rai timung, dai shayi sha a aru hta na, kawa a malai, makrung langai mi paw pru nna, shi gaw luksuk laba ni hpe woi let, dingdung hkawhkam a hpyen dap hta shang nhtawm, shi a hpyen ni hpe adip arip di yang, shanhte hpe dang kau na ra ai:

Daniela 11:9

Dingdung hkawhkam wa chyawm gaw, dingda hkawhkam a mungdan hta shang lu timung, tinang a buga de nhtang wa na ra ai.”

Daniela 9:26

Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.